Hajan ia sua, baoh sang di muk Đinh Thị Hường daok di xã Nghĩa Điền, huyện Tư Nghĩa njauk ia sua ngak jaleih abih. Ia sua bloh, karja palei saong dân quân tự vệ samar daong padang veik baoh sang piah amuk uan raok Tet thun anek  sak manuk. Hu tame daok dalam baoh dang birau, dom harei ini mai, sang amuk Hường tadaun hu pandap gam saong panuac pachreih ba di dom kapul nyaom, urang ngak pahla. Amuk Đinh Thị Hường mboh biak druat druai: “Hu karja palei, kapol nyaom mai rivang, daong ka baoh sang di dahlak. Dahlak biak thau dhar phol, oh thau ndem yau halei tra.”

        Gam saong bruk daong di karja palei, dom kapol, nyaom, jeng hu ngak rilo bruk pahala daongka  urang kan. Muk Huỳnh Thị Phương, Akok kapol urang kumei  xa Nghĩa Trung, huyện Tư Nghĩa, tỉnh Quảng Ngãi brei thau: Dom kapol urang kumei dalam xa padang khang brah anit ranam piah daong urang kan kathaot: “ Adei sa-ai buh tame sa lon, 3 lon brah, hu urang buh tal 5 kilo. Tui hatai khin ngak  pahla di urang min. Urang buh rilo brah ye hu daong ka mikva rilo piah mbang Tet bui sambai, trei sir.”

          Huyen Tư Nghĩa nan lac sa dalam dom palei di tỉnh Quảng Ngãi gaok khat lihik trak dalam dom mbang ia sua meng blaoh. Ong Nguyen Duc Hiep, Bi thu Huyen uy Tư Nghĩa brei thau, palei jak ba abih gah piah daong ak urang kan uan raok Tet siam mekre:“Tui harak angan hu pasang iek bloh, khol dahlak brei peih ngak tal labik tal dhua; khol dahalk iew dom xa, ban sit tuk hu pandap daong mai brei parabha chip ka mikva, oh luai rah tabiak bruk ba pandap mai tame xa, xa caik nan, da-a mikva trun tagok , jaik tal Tet mikva oh hu taduan pandap daong tui sarak pagrap tanat radiuk karaj, di tỉnh.”

          Daok di huyện Đức Phổ, yaok rituh paok pandap di dom kapul nyaom, gam saong urang ngak pahala samar ba pandap alain hadiah ka mikva bhum ia sua. Ong Tran Em, Akok UB bhap bini huyen Đức Phổ, tỉnh Quảng Ngãi brei thau, gam saong bruk sangka daong ka urang dalam sarak karja uan raok Tet, karaj palei daok daong ka dom baoh sang kan kathaot di bhum ia sua: “ Dom sang kathaot gaok ribuk ia sua, urak ini dom urang ngak pahala, dom jabat cơ quan doanh nghiep mai rivang tapak, padang dom kapol nyaom nao rivang…daok sang halei oh ka hu nao tal, alin hadiah  pandap ye kaoh jien meng kadung jien karaj huyen daong brei, ngak habar ka abih dom baoih sang kan kathaot jeng hu pandap Tet./.