Danak dak klauk jru iek vaccine Nanocovax angaok manuac

Harei 10 bilan 12, di Ban Ine Hà Nội, Tổng Bí thư, Akok negar Nguyễn Phú Trọng hu kadha ndom puac tacei pato Nyaom roya pakacah gauk anit ranam taneh ia pakat negar mbang ka X. Dalam nan brei mboh bruk pakacah pok meyaom hu makna biak praong dalam, rik tame ngak brei pakhang prein jhul patagok dom bruk ngak salih birau. Dom bruk ngak hu di taong abih gah patagok kinh tế- xã hội di taneh ia dalam 5 thun tapa hu bruk rik daong biak rilo di dom bruk pakacah gauk anit ranam taneh ia. Tapa dom bruk pakacah gauk anit ranam taneh ia, hu mboh dak harei dak rilo manuac gheih, bruk siam, kareih camin hadah krah di yaok gah saong rilo labik dalam negar. Di Nyaom roya ini, lambaok Đảng saong Karja, Tổng Bí thư, Akok negar Nguyễn Phú Trọng tadhau yuh saong pok meyaom dom bruk ngak hu meng bruk pakacah gauk anit ranam taneh ia saong bruk pok meyaom dalam 5 thun, meng thun 2015 tal 2020; tadhau ayuh dom urang naih gheih hu mbaok di Nyaom roya.

Patui danak dak mbang nyaom ka 51, beir harei 11/12, Ủy ban Thường vụ Quốc Hội (TVQH) brei panuac ka bruk kuhria caga palih ruah urang ka Quốc hội mbang 15song palih ruah urang ka Hội đồng bhap bini dom pakat tuk vak 2021-2026. Di mbang nyaom, rilo panuac di urang dalam Ủy ban TVQH suh sah ka bruk tacei tabiak urang ngak bruk chuyên trách Hội đồng bhap bini. Yau ye di Hà Nội, tui sarak bahrau, dom urang ngak bruk chuyên trách tuk vak anak tal trun sa meteh , Phó Akaok Quốc hội Đỗ Bá Tỵ ndom lac brei sahneng kuhria rilo jang, kayua Hà Nội dok ngak iek peih bruk chính quyền đô thị, ngak iek dom jalan ngak, sarak karei, nan ye Hội đồng bhap bini ban brei ngak rilo bruk jang, rilo jang tuk vak 2016-2021.

Tok hadei di 1 harei hu Hội đồng Đạo đức y sinh pakat negar mbaoh sarak, Bộ Y tế saong Học viện Quân y di Mentri Quốc phòng brei peih ngak danak dak klauk jru iek vaccine Nanocovax angaok manuac di harei kabroi (10/12). Hu mbaok di Hội đồng Đạo đức y sinh pakat negar, Trung tướng Đỗ Quyết, Yam ndoc Học viện Quân y taong yaom lac, vaccine Nanocovax lac meda hu rilo siam mekre. Luac tukvak tapa, dom urang ilamu pataom prein yawa tame biak rilo piah duah tabiak jru siam piah caga hu ruak praong Covid-19. Sanya meda oh caik ruak karei rah tbiak dalam tuk klauk jru iek Trung tướng Đỗ Quyết, Giám đốc Học viện Quân y đánh giá, vaccine Nanocovax di Học viện Quân y, Trung tướng Đỗ Quyết brei thau, Việt Nam daok kham merat piah samar hu vaccine Covid-19 pandar ka rilo bhap bini min brei salamat bruk dang kaok saong oh salih meng prein yawa, metai diuk di dom urang halan hatian brei klauk jru.

Anak bruk glut jaleih trak di dom tỉnh gah kreih negar, Thủ tướng rajaei bahrau jao ka Mintri Tài nguyên song Môi trường dang akaok, pambuak bruk song Mintri ngak nong song patagok palei pala song dom jabat hu pagam tal roh duah, tong yaom cambaih laih ka makna ba tal glut jaleih, batabiak jalan langyah, patrun khat lahik, pathau khan tagok Thủ tướng rajaei. Dahlau di nan, tui khaw tin di Viện ilamu địa chất song khoáng sản Việt Nam, bruk langik tasik oh siam hajan khang gam song bruk jah glai, padang ngak jalan mbak, sang danaok , ba tal bala meng taneh riya, abih di nyu nan lac glut jaleih taneh patau dak harei dak khang. Kayua yau nan ye brei padang jabat tui iek ka bruk glut jaleih taneh di dom tỉnh ban mbuan hu glut jaleih, pasram megru ka bhap bini thau ka bruk glut jaleih taneh, dom ilamu piah patrun khat lahik, pandar công nghệ piah kuhria mboh dahlau bruk glut jaleih taneh

Hadei di rilo mong kham padam apui, mbiah tal dah page harei 11/12, dom urang gah Pacang padam apui khuah tỉnh Bình Dương padam hu khuah apui praong di sa labik ngak pallet meng kayau di phường Tân Phước Khánh, thị xã Tân Uyên, caga khuah tapa labik karei. Apui khuah tagok mong 21 tuk harei 10/12, hadei apui khuan mbang khang. Dom urang gah Pacang padam apui khuah jak ba yaok pluh urang lin gam haong radaih padam apui piah kham padam khuah. Yau nan min, kayua dalam sang ngak pandap caik rilo kayau mbuan apui khuah yau nan ye khuah khang, me-om abih taneh praong labaih 1.000 m2. Bala apui khuah ngak khat lahik trak ka sang xưởng, kayau pandap panda karei piah ngak saong mac jamriah…min patuah oh hagait pambak tal manuac.

Tanut blei pandar CPI di Trung Quốc dalam bilan 11 trun 0,5% dut song tuk vak ni thun blaoh, brei mboh mbang camereip tagok âm hadei di 11 thun (kuhria meng di bilan 10/2009). Dalam bilan 11, yaom rilo janih pandap mbang trun hu mong lac makna prong ngak ka CPI trun khang, tuk yaom pandap mbang meng tagok 2,2% dalam bilan 10 salih tapa trun 2% dalam bilan 11, rik dong CPI patrun 0,44 phần trăm tanut. 

Tui Yam ndoc Pasak Psang iek saong Pacang caga jit ruak Mỹ Robert Redfield urang metai kayua Cobid-19 di Mỹ yaok harei dalm meng 2-3 bilan anak urang metai kayua patuh phao khủng bố 11/09 atau Trân Châu Cảng meda tagok glaong jang. Mỹ dalam harei 09/12 hu 3.054 urang metai ralo abih kayua Covid-19. Dalam tuk nan, urang birau njom ruak yaok harei di Mỹ hu labaih 200 ribau, jhak abaih kuhria meng tuk jit rah tabiak.

Tui yaok pataom di Công ty luật Gibson Dunn, ala saman ong Trump, negar Mỹ hu ngak labaih 3.900 bruk tong phạt. Bruk patagok hu brei mboh dalam thun 2018 tuk Washington batabiak rilo bruk tong phạt song Iran sau hadei di tuk ong Trump ba Mỹ tabiak truh thỏa thuận hạt nhân Iran thun 2015. Bruk tong phạt pamong tame rilo gah yau dom Cty, menuac urang saong kapal pajeng menyek hu pagam song Iran, Triều Tiên, Trung Quốc, Nga, Venezuela./.

Urang lang: Hani Pha – Ái Nghiêm 10:43:36