Phó giáo sư Trần Xuân Bách hu taduan Giải thưởng Noam Chomsky patuk hadah tanyak ka jak jeng dalam roh duah thun 2020

Tổng Công ty Điện lực Ban raya HCM daok brei salih công -tơ điện pagam saong jamraih dut kuhria điện meng tah. Jamraih ngak bruk tui jalan lac yaok công –tơ hu pagam sa mac ba dữ liệu piah ba khaw tin tame jamraih pataom dữ liệu praong. Kuhria tak bilan 11 thun 2020, EVNHCMC hu pagam công tơ điện tử piah ba tame dữ liệu dut kuhria meng atah brei ka jaik 1,7 triệu tuai di Ban raya salih ka bruk vak chỉ số điện yau dahlau daih ngan saong dom bruk oh lagaih yau jien bayar ka urang glaong, meda mbuan suan kayua mamuac vak.

Harei ni (9/12), Parang iek tapak pakat dunya gah công nghiệp pandap mbang Việt Nam 2020 (Vietnam Foodexpo 2020) hu peih tabiak di ban raya Hồ Chí Minh song hu mbaok di jiak 300 doanh nghiệp mai meng 27 tỉnh, ban dalam negar. Parang iek hu rah tabiak tal abih harei 12/12/2020.

Phó giáo sư Trần Xuân Bách - Gru pato di Sang bac Đại học Y Hà Nội lac sa dalam dua urang hu taduan Giải thưởng Noam Chomsky patuk hadah tanyak ka jak jeng dalam roh duah thun 2020. Ini lac mbang akaok meti sa urang ilamu khoa học di Việt Nam taduan hu giải thưởng Noam Chomsky. Var peih bruk jao giải Noam Chomsky thun 2020 hu peih ngak di labik ngak bruk dalam jabat di Kapol dom urang roh duah hàn lâm dom taneh ia paak Hoa Kỳ di mong 7tuk melam 8 bilan12 (lac mon 7 page harei 9 bilan 12 di Viet Nam).

Mesup ni (9/12), cảnh sát pacang khuah pandam khuah ban raya HCM hu dong ba tabiak 2 urang dok gar veik dalam mbang khuah di sa boh sang daok di jalan Trần Đình Xu, phường Cô Giang, Quận 1. Urang lin pandam khuah tame dalam sang dok khuah ba muk Từ Thị Ngọc Sang (ndih tapui thun 1949) song sa urang likei tabiak, tong abih jeng hu siam mekre, salamat. Boh sang khuah dok dalam labik chung cư klaak, hu rilo menuac dok, nan ye gam pandam khuah gah chức năng song cảnh sát pacang khuah pandam khuah gam tacei pato ka rilo menuac tabiak truh labik ni.

Mentri Ilamu, Thể thao saong Dulich birau brei padeih Harei pataom ilamu Bangsa Mường mbang ka II di tỉnh Thanh Hóa thun 2020 piah pacang caga jit Covid-19. Dahlau di nan, Mentri Ilamu, Thể thao saong Dulich kuhria peih Harei pataom ilamu Bangsa Mường mbang ka II di tỉnh Thanh Hóa thun 2020 meng harei 10 tal harei 12 bilan 12, hu mbaok labaih 600 nghệ nhân bhap bini bangsa Mường mai meng Hà Nội, Thanh Hóa, Hòa Bình, Sơn La, Phú Thọ saong Bình Phước. Mentri Ilamu, Thể thao saong Dulich brei pambuak saong UB bhap bini tỉnh Thanh Hóa peih ngak harei pataom di tukvak mboh lagaih.

Rajaei Thái Lan tabiak bruk brei thị thực du lịch lavik harei (STV) ka tuai meng yaok negar, oh daok lac ka tuai meng dom negar takik njom mbak jit ruak prong COVID-19. Langui di nan, rajaei jeng brei adat dui atah tuk vak dok veik ka tuai angaok kapan hu angan STV rilo jang 30 harei, atau abih tih lac 60 harei. Urak ni, Thái Lan jeng oh ka klaak bruk oh brei du lịch hu ba tabiak ngak meng bilan 4, yaom lac jit ruak hu siam veik biak rilo song jaik abih dom pacang cakak piah pasang iek jit ruak hu yah klaak.

Tui hãng tin Reuters (Anh), Akok mentri Ngoại thương saong Đầu tư negar langiu di Cuba, Rodrigo Malmierca Díaz lac, Cuba hu pasang iek brei ngak 34 danak dak buh jien tame ngak kuhria meng bilan 10 thun blaoh, ini lac sa bruk ngak hu oh lac sit dalam tuk karja Tổng thống Mỹ Donald Trump daok peih bruk mesruh gah kinh tế pamong tame Cuba. Urang jakar ngak praong nan daok brei thau lac, Cuba daok langyah dom kan kandah dalam negar ngan saong dom po đầu tư. Dom adat hukum pakauk dak harei dak catang jang di Washington ngak brei ka rilo gilang pariak di dunya takik peih bruk ngak mbang pambuak tal Cuba.

Cục Khik ramik pandap mbang song jru tavoa Mỹ (FDA) brei thau vaccine pacang Covid-19 di Pfizer song gah pambuak bruk lac BioNTech mek hu tanut piah meda brei adat pandar chip di Mỹ. FDA ndom lac vaccine ni ngak patrun bruk njom Covid-19 trak damak hadei di mbang klauk camereip song patrun njom mbak takik di abih 7 harei hadei di tuk klauk mbang ka 2. Min, vaccine ni jeng meda ngak brei urang klauk mboh gleih glar, pandih akaok, pandih rup saik, rup liar, pandih talang song pandiak. Dom phản ứng phụ trak damak oh mboh rilo, bhian hadei di mbang klauk ka 2 song takik mboh jang di urang umo prong meng 55 thun tagok./.

Urang lang: Ái Nghiêm – Hani Pha – 09/12 15:19:58