# Bhian di nyu, jalan ngak mbuan di abih bo rilo sang daok ngak urak ini, lac pandar dom janih bình xịt pametai jamaok. Min meyah jru xịt dak khang, jamaok dak samar metai ye bruk ba tal ngộ độc ka menuac gaok jru ini dak glaong. Dom sang hu anek sit njauk caik hatai sangka jang, xịt jru dahlau di tuk tabiak truh sang meng 5-6 tuk bloh mai veik.

        # Dom jalan ngak biak mbuan hu BS.CK2 Nguyễn Thị Thanh(Trưởng khoa Nội 1 – BV Nhi Đồng 2) tacei brei thau meda ngak di sang piah plaih jamaok hu   an toàn saong patak pataom:

# Tinh dầu saong dom janih baoh pajaih cam, quýt: Jamaok biak huac mùi tinh dầu meng dom janih baoh pajaih cam, kruac, quýt. Nan ye pateok jamaok haong dom baoh kruac nyu ngak ka drei mboh tatuak drei kayua oh daok jamaok. Lingiu di nan, drei meda blah jeng dua sa baoh kruac, bloh tanjoh tame yaok meteh baoh kruac dom giọt tinh dầu sả, hương thảo atau hạt mùi, pak di tuk nan, jamaok nyu plaih atah. Drei meda klauk  akaok palang tame sa  bình hu hasit ia ka palang nyu tagok chồi bahrau. Njauk caik hatai salih ia gam gam ka palang.

# Uak sang danaok, papah khan ao: Njauk khik hacih sang danaok, uak sang saong pandap panda, papah khan ao yaok harei meng ia bồ hòn hu lai hasit tinh dầu mùi sả, chanh, quế… jamaok oh daok mai jaik.

Menyek ngin: Ini lac sa hu menuac pandar rilo, tuk halei jeng hu dalam sang. Lingiu di bruk piah luk tuk pandik tian, pandik kaok, mebuk riyak, mebuk pandiak, nyu daok hu pandar biak siam piah pateok jamaok. Drei meda pandar menyek ngin piah pateok jamaok tui jalan ngak lac: Caik klaok menyek ngin bahrau peih tuk dalam bilik, dalam sang, tanjoh menyek tagok cánh quạt điện; tanjoh tame ia menei, tanjoh tagok paning atau tagok  nhang muỗi…

# Phun cảnh jeng meda pateok hu jamaok: Pala dom janih phun dalam sang lac sa bruk biak siam, lagaih. Kayua phun gam pateok hu jamaok, gam ngak brei mekre sang, gaok mai hu janih phun meda mek njam mbang yaok harei. Tui nan, drei meda pala dom janih phun meda pateok hu jamoak yau ye: phun chân chim (daok ieu lac phun ngũ gia bì, sâm nam); phun bạc hà; phun phong lữ; phun palang…

# Pandar cửa lưới pacang jamaok: Cửa lưới pacang jamaok meda cakak hu jalan tame sang di côn trùng, ngak ka nyu oh par tame sang hu. Drei meda pandar lưới pacang jamaok di dom lỗ thông gió dalam sang atau di dom pabah mbang tho jeng hu, jamaok oh daok par tame sang drei hu.

# Jalan ngak piah pacang abih jamaok, siam lagaih di abih jeng lac pasiam môi trường. Tapa nan, trun takik atau yah klaak dom labik kandaong ia lac labik jamaok caih anek, tui nan nyu patrun patakik jamaok./.