Siêu thị 0 đồng hu padang tagok dong ka urang ngak kan kandah kayua covid 

Tổng Liên đoàn Lao động VN birau brei buh tabiak paok jien daong drah samar ka urang ngak gaok kan kandah kayua Covid-19. Tui nan, yaok urang ngak njom nCoV hu daong ralo abih lac 3 trieu dong saong 1,5 trieu dong ngan saong urang ngak hu raidiuk kan ndah; urang ngak lac kumei metian, raong anek sit umo ala 6 thun, brei padeih bruk kayua labik daok njauk pacang caga hu daong 500 ribau đồng. Urang jakar công đoàn nao pacang jit di labik Covid-19 hu daong meng 80.000 – 150.000 đồng yaok harei. Tui kuhria, dalam negar hu labaih 600 urang ngak dương tính Covid-19 di 9 tỉnh, ban; dom urang F1, F2 daok brei daok karei biak ralo.

600 kapul mek mau meng dom sang iek ruak, pasak y te, kapul sinh viên y khoa di TPHCM, dalam tuk samar drah meda jak ba piah mek 100.000 mau urang ruak dalam 24 maong. khau tin hu Giám đốc Sở Y tế TP HCM Nguyễn Tấn Bỉnh brei thau di mbang ginum biai di mban pato tacei pacang caga jit Covid-19 di ban raya HCM, dah page 21/5. Ban raya urak ni hu 14 kapul hu ginup prein dut iek brei thau cambaih Covid-19 saong 9 kapul y te trung ương di pak ni hu mbaok tame bruk dut iek. Prein mek mau saong dut iek samar drah daong ka ban raya aval duah mboh dom urang njauk kandauk dalam rahra, samar drah pacang cakak bhum brei daok karei, cakak klaoh jalan njom mbak ruak.

Huyen pulao Phú Quốc, tỉnh Kiên Giang hu labaih 2.000 gilai ikan saong yaok ribau urang chap ikan angaok tasik. Thau sahaneng, iek praong bruk ngak di cử tri dalam bruk palih ruah urang ka QH mbang XV saong HĐ bhap bini dom pakat vaktu 2021-2026, mikva thau samar tame baoh tame aval piah sumu hu mbaok harei roya di taong abih bhap bini. Hu siam lagaih yau nan, hu Bol lin biên phòng, Bhum cảnh sát tasik 4, công an labik nan…bhian pathau khan ka dom gaiy gilai, kakei brei caik hatai tuk nao palih ruah jeng yau tukvak buh phieu. Hu yau nan, jaik abih urang nao tasik hu thau khaw tin. Yaok rituh urang peih gilai daok blei ikan di tasik jeng hu po gilai brei ka gilai pataok tame ar dahlau 5 harei piah nao palih ruah.

Ban Tuyên giáo Thành ủy TPHCM hu harak payua tal dom kapul văn học ilamo TPHCM ka bruk dom nghệ sĩ hu mbaok tame yaih khan di mangaok dom blah mạng xã hội dom pandap pandar, pandar mbang, jru pandap ngak ghieh, jien ao... oh njauk adat hukum. Ban Tuyên giáo Thành ủy hu ieu kakei dom urang par akaok kapul văn học ilamo TPHCM pasang iek, ngak pasiam, jak ba urang dalam kapul di drei oh hu mbaok tame piah yaih khan mayah asal kadha yaih khan suan, oh njauk haong pandap panda, oh siam tal prein yava di urang pandar.

Jabat an ninh pasang iek, Công an tỉnh Bình Thuận brei ba tabiak kaoh tui hukum ngan saong Nguyễn Ngọc Quý ndih tapui thun 1991, daok di huyện Bắc Bình ka bruk “ Palai khut danak dak hu makna praong glaong khik salamat ka negar” rah tabiak di harei 12/4/2021. Palei Tân Hòa, xã Sông Bình, huyện Bắc Bình lac labik takik manuac, hu jalan điện 500KV Vĩnh Tân-Sông Mây nao tapa. Qúy talaih 11 mbaih gai giằng ba pablei mek jien 400.000 đồng piah cai pandar. Hu thau Nguyễn Ngọc Quý hu 4 dius ka bruk co klaik drap ar.

70% menuac bak dam dara di Liên minh châu Âu (EU), lac mangaok 200 triệu urang, meda hu klauk jru vaccine caga Covid-19 di puac bilan 7 thun ni. Ủy ban châu Âu (EC) brei thau danak dak klauk jru di EU daok hu ngak samar saong mada ngak samu haong jalan klauk jru ba tabiak. Dahlau di nan, piah javap jaloi  dom panuac ndem jhak ka sarak pacang iek vắc-xin di EU, Ủy ban châu Âu brei thau lac EU hu pablei tabiak negar lingiu 220 mbang vắc-xin, jaik samu haong dom vacxin bo dalam Liên minh ni hu brei pandar ka rahra di drei.

Đông Nam Á pandar rilo janih vaccine di Anh, Mỹ jeng yau Nga, Trung Quốc. Negar  dang akaok ka bruk pandar vaccine lac Singapore ngan saong  20% bhap bini hu klauk ginup jru. Labaih 25 trieu  urang Đông Nam Á hu klauk jru vaccine Covid-19, takik jang rilo mbang dut saong Mỹ hu 140 trieu urang, atau Anh hu 40 trieu urang. Klauk jru caga Covid-19 di ĐNA meng akaok thun 2020 ngan saong taneh ia akaok meti peih ngak lac Singapore. Mbiah tal bilan 4 thun 2021, taong abih dom taneh ia hu brei klauk vaccine oh abih jien ka bhap bini saong urang negar langiu. Ta-eng Thái Lan, bhap bini hu palih ruah klauk jru brei bayar jien di dom labaik iek ruah saong sang iek ruak  tư.

Sa bilan hadei di tuk sruh gilai di gah boll in tasik Indonesia pajeng 53 urang peih gilai njauk karam di langiu tasik Bali, tal urak ni, kapul chức năng hu brei thau cambaih labik bo gilai karam. Bol lin tasik Indonesia hu ba tabiak panuac tamat, bala karam gilai ngầm KRI Nanggala 402 di dalam 839 mét rahtabiak kayua bala ye oh njauk lac kayua patuh. Kapul chức năng hu duah mboh sa camboi ceik pui di labik karam gilai di bhum tasik gah barak Bali saong meda brei thau lac ni lac labik rup gilai njauk kan kandah kayua pajeng tal 53 urang peih gilai njauk gar veik. bol lin tasik Indonesia gam haong bruk daong di dunya meda pieh bruk ndun ba nao daok karei yau haong sruh gilai ngầm tal harei 26/5/2021./.

Urang lang: THu Thảo -Ái Nghiêm -22/5