hanipha
Asar daok di palei Chăm tỉnh An Giang, thun 1978, ong Toul Mohamad mai phường Bình An, ban sit Dĩ An, tỉnh Bình Dương ngak mbang bloh daok veik mbiah tal harei ni. Meng sit Toul Mohamad hu bac megru hukum Islam… Bruk ong dok duh hatai lac dom inem krung ilamu phi vật thể bangsa Chăm dok lahik nao tui thun bilan. Phường Bình An hu labaih 20 boh sang Chăm gam song 150 urang . Mik va di labik ni takik urang thau haroh Chăm. Meng hatai anit, trak tian haong ilamu bangsa, ong peih tal pato haroh Chăm ka mik va dalam khu phố. Boh sang sit di ong jeng labik pato hukum Islam song pato haroh Chăm ka mik va Chăm di Dĩ An. Angaok daneing, 2 baoh bảng jeng daok mboh haroh Chăm di Toul cih. Yaok pluh baoh tapuk Chăm hu ong dak angaok kệ piah duh ka tal bac.
Tal bac hu peih tabiak meng 19h00 tuk yaok melam saong hu dui atah meng 45 minite tal 1 tuk. Lingiu dom adei sit, daok hu urang umo 30, 40 jeng nao bac. Tui bac haroh Chăm song Toul Mohamad hu sa thun, Sakinah thun ni umo 26 thun thau puac, thau vak. Sakinah khan lac, tui bac haroh Chăm piah thau ka ilamu di drei. Meng sit hu bac sap phổ thông, dok sap Chăm thau nyai min oh ka vak hu
Băng tiếng Chăm:
Meng hu tal bac di Toul Mohamad, anek kamuan Chăm di Dĩ An thau puac, thau cih haroh Cham. Labaih 9 thun kak kajap saong bruk pato haroh Chăm ngak pahla, Toul Mohamad khan lac:
Băng tiếng Chăm:
Langiu bruk pato haroh Chăm, Toul Mohamad dok hu pato hukum Islam ka anek kamuan Chăm piah jeng menuac siam ka XH. Dalam harei sut yaok adit ong dok peih bruk pato hukum Islam ka mik va drei. Langiu di nan, ong dok jak ba mik va dalam jum ah duik rai siam ka dunya, mekre ka agama. Amuk Nguyễn Thị Thủy, akaok mban ngak bruk Mặt trận khu phố Nội Hóa 1, phường Bình An, ban sit Dĩ An, tỉnh Bình Dương ndom ka ong Mohamad yau ini:
Băng tiếng phổ thông: “Sang saai Mohamad biak kan kandah, min saai peih tal pato haroh Chăm ka mik va di labik ni oh mek jien. Langiu di nan, dom bruk hagait di palei ye saai kham merat hu mbaok”
Bruk ngak di ong Toul Mohamad hu dong khik ramik ilamu siam mekre di urang Chăm daok di ban sit Dĩ An, tỉnh Bình Dương, saong daok hu daong ka anek kamuan paglong ilamu, duikrai njauk adat hukum./.
Viết bình luận