Bruk urang peih radaih pandar chất kích thích, chất ma túy oh daok bahrau bo tok hu takac veik hadei di mbang bala prong di Long An harei 3/1 meng bloh. Tapa nan, nyu brei mboh bruk kandauk dalam di gah kinh doanh pajeng ba tuk doanh nghiệp caong khin hu kein laba glaong, urang peih radaih caong khin hu rilo jien mek tame, ba tal bruk oh sahneng hagait tal hậu quả, oh sahneng tal tính mạng di bhap bani. Sa-ai Trần Văn Thanh, sa urang peih radaih daok di quận 12 TP HCM brei thau, doanh nghiệp saong urang peih radaih hu sanya harei ngak bruk 8 tuk, meyah tapa tukvak ye dua gah ndom biai veik haong gauk, gah halei ngak tabiak hậu quả ye gah nan taduan trách nhiệm taong abih abih. Sa-ai Thanh jeng daok brei thau lac, bruk doanh nghiệp, po radaih kateik urang peih radaih nduac rilo jang tukvak ba tabiak nan lac bruk hu biak. Kayua yau nan ye, ngan haong urang peih radeih piah daok hu dalam áp lực di doanh nghiệp pajeng ba, di po radaih, rilo tuk njauk pandar chất kích thích, chất ma túy: Bhian di nyu nduac sa ca 6 tuk, urak ini tok daok sa urang peih radaih ye njauk nduac 8 tuk,  urang peih radaih tuk teik vah glaih glar nan ye meng pandar chất kích thích piah hadah meta, piah nduac veik, nan ye meng ba tal dom bala yau ini.

  Ndom ka bruk urang peih radaih pandar ma túy, ong Bùi Văn Quản, akaok Kapul nyaom pajeng ba pandap panda bal raya HCM brei thau, ngan haong urang nduac radaih jalan atah ye bruk ini mbuan si rah tabiak. Min ngan haong urang peih radaih nduac jalan katut  panak, pagap yau urang peih radaih container ba tal bala di Long An ye juai ndom lac urang peih radaih njauk áp lực bruk ngak bo bruk pandar ma túy nan lac ta-eng di rup nyu. Hukum hu bruk pasang iek pren yava định kỳ ka urang peih radaih saong po doanh nghiệp njauk ngak tui paka ini. Min tui ong Quản piah tui iek sa urang peih radaih hu pandar ma túy atau oh nan lac bruk oh mbuan: Po doanh nghiệp caong khin thau cambaih urang peih radaih di drei hu pandar ma túy halei oh nan njauk hu sa tukvak suai lavik. Ka dhua tra ini lac bruk tự giác di urang peih radaih, bruk pasang iek di po radaih.

    Bahrai ini, Thiếu tướng Phan Anh Minh – Phaok akaok Công an bal raya  HCM ndom kac piah patrun patakik urang nghiện peih radaih, njauk kak catang po doanh nghiệp, po radaih dalam bruk pandar urang ngak. Công an bal raya HCM caong khin anak tal, gah chức năng njauk njauk hu rilo jang dom quy định taong phạt po radaih,gaok tuk mai dalam dom bruk po radaih njauk pagam tal trách nhiệm hình sự: Thau urang peih radaih nghiện min daok brei ka nyu peih, meyah rah tabiak bala njauk xử lý, atau lac dom tai nạn kayua tapa tải, bala kayua urang peih radaih njauk kateik nduac radaih tốc độ glaong, payeng akaok ka samar drah, bruk ini najuk mong iek di tội danh karei haong po radaih kayua kateik urang nduac radaih ba tal bala.

      Tui Luật gia Đặng Đình Thịnh, Akaok pasak Tư vấn adat hukum di Hội Luật gia Việt Nam, bruk quy trách nhiệm po radaih, po doanh nghiệp pajeng ba gah pháp lý Bộ luật Hình sự urak ini oh ka cambaih laih, min pandar chip jeng hu di labik kurang trách nhiệm ba tal bala trak dalam an toàn giao thông jalan kabak. Luật gia Đặng Đình Thịnh brei thau: "Ini lac janih ngak bruk hu điều kiện, urang peih radaih anak meta njauk hu bằng cấp, radaih brei hu ginup abih an toàn nao mai, ka dhua tra nan lac pren yava, drei pandar urang ngak njauk thau urang peih radaih hu ginup pren yava halei oh, kayua radaih nan lac nguồn nguy hiểm dalam xã hội, urang ngak po radaih brei hu trách nhiệm".

     Tuk bruk urang nghiện, urang pandar ma túy, chất kích thích daok hu peih tadaih ye menuac nao mai angaok jalan daok mbuan njauk metai lahik. Saneng lac, anak meta, dom ngành, dom puk palei njauk ngak catang jang bruk pasang iek ngan haong dom po radaih, dom doanh nghiệp pajeng ba saong urang peih radaih dalam bruk peih ngak njauk dom adat hukum tuk ba radaih tabiak peih. Bruk ngak ini njauk peih ngak định kỳ, gam gam, nghiêm túc oh njauk lac ngak khang sa tukvak blaoh padam trun./.