Mek aia dalam taneh pruh ka phun pala

Tui Ủy ban bhap bani TPHCM, urak ini dalam bal raya hu jaik 100 ribau baoh bingun kuac piah mek aia dalam taneh haluk ngan haong đường kính saong độ dalam karei di gauk. Taong abih khối lượng aia dalam taneh daok hu khai thác nan lac jaik 717 ribau mét khối yaok harei. Dalam nan, lượng aia dalam taneh hu khai thác dalam dom baoh sang glaong abih jaik 356 ribau mét khối yaok harei; patui nan lac dom labik ngak mbang pablei salih oh daok dalam khu chế xuất - khu công nghiệp ngan haong jaik 173 ribau mét khối. Biar abih lượng aia dalam taneh hu pandar dalam khu chế xuất - khu công nghiệp ngan haong labaih 58 ribau mét khối yaok harei.

Tui ong Trần Cường, Phaok phòng kỹ thuật công nghệ, Tổng Công ty Ba brei aia Bei Gon, bruk khai khác halau aia dalam taneh meda ngak jhak tal alam môi trường; ba tal bruk lahik cân bằng áp lực dalam dom tal padang aia saong mbuan ba tal lahik abih gam trữ lượng saong chất lượng di halau aia. Taphia di nan, bruk lahik cân bằng angaok nan daok ba tal bruk brei patrun mbaok taneh, ba tal bruk glut jaleih, dauk úng, pambak tal môi trường diuk di anek manuac. Abih di nyu lac, halau aia hu labik dang biak prong dalam kadha an ninh halau aia, tuk aia di kraong di craoh daok njaom mbak nerak tachauk. Langiu di nan, bruk pandar aia dalam taneh oh tapa xử lý jeng ngak jhak tal pren yava di bhap bani.

Urak ini, Tổng công ty Ba brei aia Bei Gon daok khik iek saong ba brei aia ka 23/24 quận, huyện di bal raya, ta-eng huyện Củ Chi ye kayua sa jabat karei khik iek, ngan haong taong abih công suất ba brei aia prong abih nan lac labaih 2 triệu 400 ribau m3 yaok harei, min bhap bani pandar tok hu jaik 1 triệu 930 ribau m3. Tui pataom yaok bahrau abih brei mboh, dalam bal raya hu jaik 125 ribau đồng hồ hu chỉ số pandar hacih meng 0 tal 4m³ sa bilan, rilo abih lac di quận 12 saong huyện Hóc Môn. Langyah ka bruk angaok nan, ong Trần Cường brei thau, bruk khai thác aia dalam taneh urak ini biak mbuan, jien buh tabiak takik saong jeng lac kadha bhian randap meng nan mai, nan ye bhap bani kan si salih chip njuak khin hu jang tukvak: Mong mboh hu labik dang di drei dalam bruk ba brei aia ka bal raya, saong bruk mong mboh dom kanjah jhak di bruk khai thác biak rilo aia dalam taneh, ye khaol dahlak hu pandar rilo jalan ngak, piah pachreih bhap bani pandar  aia máy saong patakik jang bruk khai thác aia dalam taneh, meng harei ini tal thun  2025 khaol dahlak meda brei patrun lượng khai thác aia dalam taneh di dom hệ thống ba brei aia pataom, salih meng halau aia di kraong.

Ong Đinh Công Sản-Phaok akaok Pasak Roh duah Chỉnh trị kraong saong pacang palih bala meng langik tasik dalam Viện Khoa học Thủy lợi Việt Nam halau aia dalam taneh dak harei dak kurang kayua ảnh hưởng di biến đổi khí hậu jng yau bruk đô thị hóa glaong nan ye bruk patrun khai thác tapa mức nan lac bruk njuak ngak: Halau aia dalam taneh bo khaol drei mek pandar saong duh ka công nghiệp di labik bal raya HCM ye hu halau aia kraong Bei Gon saong aia dalam taneh dalam dom labik. Aia dalam taneh urak ini bal raya HCM daok pachreih yau lac pakauk oh brei khai thác tra kayua nyu mbuan ba tal bruk glut jaleih taneh nền. Jalan ngak ni di khaol drei dalam harei hadei nan lac mbaok aia di gah ala halau dak harei dak kurang ye khaol drei meda mek aia tapak meng binek Dầu tiếng trun yau nan jeng ginup ba brei aia ka labik gah ala halau, abih di nyu lac di bal raya HCM.

Anak meta urak ini, khai thác aia dalam taneh di bal raya HCM daok di tanut báo động, nyu oh lac tok ảnh hưởng tal kadha an ninh halau aia bo daok ngak  kanjah jhak tal nền taneh, yau nan ye langiu di bruk jak ba bhap bani takik panar halau aia dalam taneh ye bal raya jeng njuak kuhria tal jalan ngak suai lavik piah plaih njaik dom kanjah jak tal rai diuk di bhap bani saong bruk cakrok patagok di bal raya./.

Urang lang Jasi - 30/10