Rilo labik hu klauk vaccine ka anek saih 

TPHCM bahrau peih tabiak danak dak pacacah 90 harei pacang caga Covid-19 siam lagaih, kham marat ngak salah jalan ba tabiak ka bruk cak rok patagok kinh tế - xã hội thun 2021. Pachreih tui bruk pacacah, Ban Thủ Đức haong dom quận, huyện peih ngak rilo jalan pacacah samar drah, abih di nyu nan lac sangka tal bruk yam takai nao gam, lang talah kan kandah ka doanh nghiệp saong jhul samar, dui katut panak tukvak langyah harak gar, adat hành chính.

Hadei di tuk peih pabah mbang veik dom bruk  kinh tế - xã hội, dom urang njom  COVID-19 di tỉnh Lâm Đồng gam gam tagok khang, , urak ni hu labaih  1.000 urang . Gam haong bruk pataom tame pacang caga jit, tỉnh daok patagok bruk klauk vaccine mbang 2 ka bhap bini dalam tỉnh, abih di nyu nan lac di dom bhum atah bayah, bhum bhap bini bangsa takik .

34 Sang Jum pataom saong Sang plaih ia sua pambuak haong sang bac brei ka bhap bini bangsa takik di palei Sắt, xã Trường Sơn, huyện Quảng Ninh, tỉnh Quảng Bình bahrau hu peih pakak. Danak dak hu padang ngak 34 sang Jum pataom ka dom sang urang bangsa Bru Vân Kiều daok di palei Sắt lac  pandap hadaih hu makna biak praong di bhap bini tỉnh Thái Bình brei ka urang kathaot daok di Quảng Bình. Palei Sắt lac palei njauk panduan nao daok di labik karei samar drah kayua mbuan njauk glut jalieh ceik di thun 2020. Tapa nan, danak dak sang ka rahra plaih ia sua gam haong sang bac kayua mBan Cứ trợ ban ine Hà Nội daong haong yaom jien buh tame ngak lac 3,5 tỷ đồng jeng hu peih pakak, jao ka karja, sang bac saong bhap bini di xã Trường Sơn ba tame pandar.

Hu 586 doanh nghiệp hu angan je hu mbaok tame danak dak urang blei pataom tame  Shopping Season 2021 kayua Sở Công thương TP.HCM peih ngak song yaom patrun  meng  30-70%, dalam nan hu rilo nyaom gah pandap panda: pandap mbang, mỹ phẩm, khan aow, pandap  điện tử… Rah tabiak meng harei  15/11 tal harei 31/12, bruk ni jeng dui pachreih bruk hu mbaok  di dom labik  pablei salih di ban raya, dom sàn giao dịch pablei salih điện tử. Daok Nyaom darak pachreih urang blei rah tabiak meng harei  21/11 tal 21/12 di Nhà thi đấu Phú Thọ hu  450 gian hàng pandap mbang, pandap menyum, giải trí, du lịch, khan aow, điện tử… Langiu di nan, di pak ni dok hu  Nyaom biai pambuak bruk pabak pandap panda dom  tỉnhban thun  2021 song hu mbaok di dom lambaok 40 tỉnh, ban, parang iek  300-500 gian hàng yaih khan dom pandap meng kan di dom puk palei .

Harei ini 16/11 Tòa án Bhap bini Ban raya HCM hu ba vụ án pambuak tal ong Nguyễn Thành Tài (dahlau dieh ngak Phó akaok UBND Ban raya HCM), amuk Dương Thị Bạch Diệp (Yam ndok Cty Diệp Bạch Dương) haong dom kol duas pambuak tal ba tabiak langyah tui hukum. Dalam bruk ini, dom bị cáo kurang trách nhiệm dalam bruk salih labik “taneh ameh” 185 Hai Bà Trưng (jabat Pasak Ca nhạc nhẹ Ban raya HCM) ngak khat lahik ka Kanja labaih 186 tỷ đồng. Tui kuhria, mbang langyah tui hukum meda dui atah tal harei 22/11. Akaok phiên tòa lac thẩm phán Phạm Lương Toản, Chánh tòa Hình sự TA Bhap bini Ban raya HCM.

Dok hu labaih 3 triệu uranaih di  Áp-ga-nít-xtan daok glaih glar haong rilo janih ruak karei di gauk  , dalam nan hu 1 triệu uranaih njauk  lavang lavaih. Ni lac sa bruk brei mboh negar  Nam Á ni  dok dang anak bruk  khủng hoảng nhân đạo trak damak abih di dunya dalam tuk vak urak ni . Meng akaok thun ni, bruk pahla di Áp-ga-nít-xtan laik tame kan kandah abih di dunya, meng bruk sa meteh menuac sia dalam nan hu  10 triệu uranaih brei hu dong ngak pahla.

Pasak pasang iek ruak kik saong pacang caga jit ruak Mỹ (CDC) harei 15/11 brei tagok tanut kakei nao mai tal 3 taneh ia di châu Âu lac Cộng hòa Séc, Hung-ga-ri saong Băng Đảo tagok tal tanut glaong di abih lac (tanut 4), kayua dom urang njom Covid-19 daok tagok di dom taneh ia ini. Tui nan, rahra Mỹ hu kakei lac plail tal dom taneh ia ni. Dalam tuk nan, CDC Mỹ jeng patrun tanut kakei bruk nao mai trun tal tanut bier di abih ngan haong dom taneh ia, dalam nan hu Nhật Bản, Ấn Độ, Pa-kít-xtan, Li-bê-ri-a, Gam-bi-a saong Mô-dăm-bích. 

Ngoại trưởng dom taneh ia Liên minh châu Âu (EU) harei kabroi hu ginum biaia di Bruxelles (Bỉ), hu panuac lac Belarus dang di gah likuh bruk  srau kadau urang di cư di jalan tapen negar di taneh ia  ni  song dom taneh ia di EU lac Ba Lan, Litva song  Latvia; gam haong nan njauk gauk brei ba tabiak bruk tong phạt ka 5 ngan song Belarus. Tui dom khaw tin, Hãng kapan haoh negar Belavia di Belarus lac labik camereip njauk bruk tong  phạt di  EU tuk hu mong lac jalan prong peih bruk pajeng ba  urang di cư. EU jeng peih prong bruk tong phạt dom urang negar langiu meyah hu pagam tal, dalam nan hu dom công ty du dịch, hãng kapan haoh , dom mblang kapan haoh, song dom  công ty khik ramik kapan haoh… lac bruk meng kan mai oh ka bhian hu./.

Urang lang: Thu Thảo - Hanipha- 16/11