Anek saih ban raya HCM bac trực tuyến

  Tui nan, dom sang bac brei pato tacei dom gru, anek saih iek tui lịch papar binguk dom kadha bac (kayua Mintri pato magru pambuak haong Rayo papar binguk Việt Nam padang ngak) di angaok Kênh papar binguk pato megru negar (kênh VTV7 saong dom kênh truyền hình trung ương karei) hu brei thau di angaok cổng thông tin di mintri pato magru (di labik http://www.moet.gov.vn).

Taeng di ban raya HCM, Sở pato magru ban raya HCM pambuak bruk haong Rayo papar binguk ban raya peih ngak saong papar binguk dom kadha pato pakai ka anek saih tal 9 saong tal 12 di angaok riya HTV saong lịch papar binguk hu khan di angaok cổng thông tin di Sở pato magru ban raya HCM (http://www.hcm.edu.vn).

Sang bac padang dom jalan ngak ka nyu lagaih brei ka taong abih dom anek saih, khik ka dom anek saih halei jeng hu mbaoh tame bac da-a. Dalam tuk peih ngak, njauk duah thau, pandar dom kadha tantu cambaih  laih, piah peih bruk pato tacei ka anek saih bac ta-a.

Dalam tuk peih ngak, kadha bac trực tuyến njauk hu nai gru, cei gru dalam tổ bộ môn padang ngak haong gauk, tui jalan  công nghệ thông tin di sang bac. Nai gru, cei gru pandar, peih bruk pato saong bac ka anek saih dalam sang bac. Gru bộ môn khik ramik, tui iek bruk bac di anek saih tal di drei. Kadha pato bac trực tuyến brei hu bruk pambuak gauk di gru saong urang bac, di urang bac haong gauk saong gru njauk tui iek bruk pambuak gauk di dom anek saih haong gauk.

Sang bac padang vaktu pato bac trực tuyến ka nyu lagaih, brei thau harei bac, pambuak  gru haong anek saih saong amaik ame. Njauk caik hatai dom jalan daong ka anek saih oh hu điều kiện bac trực tuyến hu thau ginup dom asal kadha bac da-a. Plaik ngak catang tagok anek saih, amaik ame anek saih dalam tuk peih bruk pato bac trực tuyến.

Tuk anek saih nao bac gilac, sang bac padang jalan ngak piah pasang iek, taong yaom bruk bac tapa internet, di angaok rayo papar binguk. Meng nan, pato tacei gru pasang iek, tinh giản kadha bac saong ramik jalan bac tui bruk bac viek dom kadha bac blaoh tapa Internet, angaok rayo papar binguk piah pasiam di abih vaktu bac saong kadha ilamo njauk bac viek dalam danak dak bac tui quy định.

Sở pato magru hu panuac kakei, dom sang hu trách nhiệm peih ngak dom jalan langyah piah khik ganap ka dom anek saih oh hu điều kiện hu mbaoh tame bac trực tuyến hu pabak viek dom kadha ilamo bo sang bac hu ngak dalam vaktu sang bac peih pato bac trực tuyến./.

Urang lang: Thu Thảo  21/3/2020