Bein bingu lan pak Cu Chi -Ban raya HCM

  Ndem veik piah thau ka bhum palei pala di Ban raya HCM harei nan saong urakini ini hu salih birau yau halei. Meda ndem lac, meng hu danak dak padang ngak palei pala birau nan ye urak ini tuk ndem tal Củ Chi, Cần Giờ…oh daok dom bruk daong tapa truh iek lapa tuk jaik si yuak kuak atau daong mikva tuk uan raok thun birau.

  Cần Giờ harei ini hu thau lac huyen khang gah du lich sinh thái meng glai tamuh dalam ia mbak tapen tasik, hu mbuan lagiah ka bruk raong pala kaya ikan dalam ia mbak. Mbuan lagaih abih lac lac padang ngak sang pachreih cim yến tame ngak sruh, meng hu pandap mbang ralo ka cim yến di glai ia mbak praong labaih 30.000 hecta.

  Urak ini, Củ Chi lac huyện pala drak ngak nong đô thị praongdi Ban raya HCM, bruk ba ilamu cong nghệ sinh học saong công nghệ glaong dak harei dak peih praong meng hu Khu Nông nghiệp glaong di xã Phạm Văn Cội yau daong ka abih gauk dalam bhum bruk ngak mbang.

Củ Chi oh lac dang akaok ka taneh praong pala bingu lan saong kiểng bo daok hu ikan cảnh, athur raong hu lagaih di Ban raya HCM ngan saong dom palei karei kayua hu darak pasar praong labaih 10 trieu manuac saong lac pabah jalan pablei ikan cảnh tabiak dom negar langiu.

  Meyah ndom lac, meng hu 10 thun padang ngak palei pala birau nan ye mbaok meta Ban raya HCM meng hu salih birau lac oh ka njauk abih. Kayua, palei pala jaik ban raya hu yau harei ini lac bruk buh jien, prein yawa tame suai lavik, daok lac hu khang hatai kham ngak. Glai tamuh dalam ia mbak Cần Giờ jaik metai abih kayua mesruh metak, thun 1978, tuk nek tabiak meng tỉnh Đồng Nai, urang ngak praong di Ban raya HCM tuk nan ba tabiak dua jalan ngak bo urak ini moang veik mboh lac njauk.      

  Nan lac jak ba bhap bini ban raya pala veik glai Cần Giờ saong hadei di nan lac padang ngak jalan, pambuak meng ban sit Cần Thạnh saong Nhà Bè, pabah mbang negar piah tame dom huyen karei di Ban raya HCM. Ngan saong Củ Chi, tuk nan hu Karja buh jien tame padang ngak binek ia Dầu Tiếng di Tây Ninh, pambak tal TPHCM, Mentri Ngak nong saong patagok palei pala brei padang ribaong Đông ba ia tame bhum taneh Củ Chi, hadei di nan peih praong tal huyen Hóc Môn saong Bình Chánh.   

  Meng ia riboang Đông, daong ngak tathah taneh saong khik ia dalam taneh, ngak padai gam 3 vụ dalam thun. Oh daok pala padai saoh, bo daok pala phun công nghiệp katut panak harei yau phun ratak, ratak lo, tangei…Meng dom thun 2000, taneh pala bingu lan saong dom janih bingu karei karei dak harei dak hu salih karei, tui nan raidiuk bhap bini jeng hu salih birau. Meda lac, meng hu dom bruk hu buh jien padai tame ngak salih birau mbaok meta palei pala.      

  Sa mbuan lagaih karei lac, akaok thun 2000, dahlau tuk hu jalan tacei ba brei salih bruk ngak nong nghiep dalam taneh ia, urang ngak praong di TPHCM hu kuhria tal bruk ramik pasiam veik bruk ngak nong. Ong Nguyễn Thiện Nhân, Ủy viên Mentri Chính trị, Bí thư Thành ủy TPHCM, tuk nan lac Phó Chủ tịch UBND TP, tacei pato gah ngak nong brei salih janih phun pala saong athur raong takik laba yau phun padai di dom huyện, phun cói di Cần Giờ…tapa phun pajaih saong anek athur raong brei kein laba glaong yau raong limo mek ia tasau, pala njam hacih sa-at di Hóc Môn, Củ Chi, hadang ia meteh mbak meteh taba di Cần Giờ, Nhà Bè. 

  Meda ndem lac, meng hu yau nan piah anak tal TPHCM salih tapa bruk ngak nong tui jalan klak (ralo memg ngak padai) hu jeng ngak nong đô thị biak karei di dom ban praong, palih ruah dom janih phun pala, athur raong hu kein laba glaong bo oh cang hu taneh praong yau dom janih bingu, phun kiểng, iakn cảnh…Bruak njauk ndem tal lac bruk padang ngak palei pala birau, Ban TPHCM oh tavak sre jien karja. 

  TPHCM daok nao njauk jalan, tuk jien mek tame di bhap bini 2 labik thành thị saong palei pala dak harei dak jiak sumu gauk. Meyah thun 2008, jien mek tame kuhria tui akok manuac di palei pala TPHCM bahrau hu 55,5% duk saong jien duah hu di thành thị, ye thun 2019 lac 72,57%. TPHCM oh daok baoh sang halei kathaot tui tanut kathaot di negar; baoh sang kathaot tui tanut chuan ban raya ala 21 triệu đồngsa urang sa thun trun daok 0,41%  lac 1.777  baoh sang. 

Bruk padang bhum palei pala langiu ban lac bruk ngak suai lavik, atah min brei mboh lac, tuk abih ban raya rik daong tame padang ngak palei pala birau” 10 thun tapa hu salih birau, ngak salih mbaok meta jaik abih bhum palei daok jaik ban raya. Padang ngak palei pala birau, pagalong raidiuk jeng yau akok sahaneng di bhap bini di palei pala piah dui jaik gauk jang bhap bini thanh thị./.

Urang lang: Aí Nghiêm - 4/2