Pren blei pandar bal raya HCM daok patrun 

Akaok bilan 6 tal, Liên minh hợp tác xã thương mại TPHCM (SaiGon-Co.op) meda peih danak dak pachreih bruk blei pandar di 44 siêu thị Co.opmart, Co.opXtra saong labaih 200 cửa hàng Co.op Food di bal raya. Tui nan trun yaom tal 50% ka labaih 2 ribau pandap panda lac kaya pandar yaok harei yau: brah, aia tasau, menyek mbang, ralow, ikan, pandap caik la-ar, dom janih pandap pandar dalam sang ghing saong khan ao…Lingiu di nan,  rilo doanh nghiệp di bal raya HCM jeng daok jhul khang danak dak ini. Dalam nan, Công ty Việt Nam Cổ phần Kỹ nghệ Súc sản (Vissan) meng ini tal puac bilan 6 daok brei trun yaom meng 10-15% dom janih pandap yau: ikan tame pa-op, ralow tame pa-op, tung pabui, xuc xích saong dom janih ralow pabui… Ong Phan Văn Dũng, Phaok akaok Giám đốc Công ty Vissan brei thau: “Piah pabak hatai caong khin di urang blei pandar, Vissan ba tabiak dom janih pandap bahrau yau ralow pabui that pandam gia vị, aia dangko…  Taphia di nan daok hu rilo danak dak pachreih blei karei dalam dom cửa hàng Vissan saong siêu thị piah pachreih urang blei pandar”)

Kayua jit ruak Covid-19 ngak kan kandah tal rai diuk di urang blei pandar, nan ye tuk ini hu oh takik baoh sang njauk cai pandar kali kalih. Kayua yau nan ye dalam tukvak ini, rilo labik pablei salih khan ao hu angan je prong yau: An Phước, Việt Tiến, Việt Thắng… biak takik urang blei.

Ong Phạm Văn Việt, Akaok Công ty TNHH Việt Thắng Jean brei thau: darak pasar pablei tabiak negar langiu di công ty pak Mỹ saong châu Âu daok kan kandah; darak pasar dalam negar jeng ka oh blei rilo, kayua yau nan ye jien mek tame di doanh nghiệp dalam dom bilan tapa trun 80% dut haong tukvak ini thun dahlau. Công ty daok kuhria peih rilo danak dak pachreih blei piah pablei tabiak hu pandap panda ngak tabak meng bilan 3 tal bilan 5 daok pambuk khow biak prong. Yau nan min, gam haong dom kham merat di yaok doanh nghiệp, ong Việt caong khin jabat chức năng patui veik jhul pakhang bruk jak ba Urang Việt Nam brei pandar pandap Việt Nam, daong doanh nghiệp meyaih khan angan je pandap Việt Nam chất lượng glaong saong patagok bruk pacang cakak pandap ja, pandap mblah tui: “Jabat chức năng daong ka doanh nghiệp meriak gauk bình đẳng angaok darak pasar Việt Nam, oh caik ka pandap ja, pandap oh thau cambaih asal di nyu, pandap kurang chất lượng, ja angan je… pablei bal glai bal klo angaok darak pasar. Dom janih pandap oh thau cambaih asal di nyu meda ngak jhak tal angan je pandap Việt Nam”)

Anak kan kandah nan di doanh nghiệp, TPHCM hu peih ngak rilo jalan daong. Cambaih laih lac akaok bilan 7 tal, Sở Công thương bal raya peih danak dak pachreih bruk blei pandar 2020. Pak ini, dom doanh nghiệp hu daong jien parang iek di 500 gian hàng, pandap panda hu brei trun yaom tal labaih 50%. Langiu di bruk pablei tabiak pandap panda, doanh nghiệp jeng hu pambuak bruk ngak mbang pablei salih haong rilo doanh nghiệp karei di bhum Đông Nam Bộ saong Bhum taneran kraong Cửu Long. Ong Trần Vĩnh Tuyến, Phaok akaok UB bhap bani bal raya HCM brei thau, bal raya hu padang Kapul daong doanh nghiệp, peih mbang nyaom yaok adit piah ba tabiak jalan ngak gam haong doanh nghiệp yam tapa kan kandah dalam tukvak “yau krung bahrau”: “Bal raya meda jhul pakhang bruk pachreih blei, pasang iek veik Sarak 50 di UBND TPHCM ka bruk brei mesre pachreih bruk blei pandar. Hadei di nan khan brei ka Hội đồng bhap bani bal raya thau piah tabiak Sarak tagok yaom jien brei mesre pachreih bruk blei pandar, pagap yau meng 100 tỷ tagok 200 tỷ đồng saong daong trun jien jhung ka doanh nghiệp”)

Hadei di jit ruak, piah ka doanh nghiệp pasiam veik bruk ngak mbang, pablei salih ye kadha prong di abih nan lac langyah hu bruk pablei tabiak pandap panda. Kayua lac meyah doanh nghiệp ngak tabiak pandap panda bo oh pablei hu ye doanh nghiệp meda “metai”. Dalam tukvak darak pasar pablei tabiak negar langiu daok gaok biak rilo kan kandah ye pachreih bruk blei pandar dalam negar nan lac jalan ngak siam di abih urak ini. Kadha ini, njauk caong khin hu bruk kham merat di doanh nghiệp, bruk hu mbaok di dom jabat chức năng saong bhap bani pachreih tui pandap Việt Nam chất lượng glaong./.

Urang lang: Jasi-29/5