Bal raya Hồ Chí Minh urak ini hu jaik 476.000 sang oh ka hu sang daok tani tanat atau daok daok gam haong gauk gar adei sa-ai. Bruk caong blei sang daok xã hội di bhap bani bal raya tal thun 2020  lac 81.000 baoh. Bruk caong khin biak prong, jalan ngak di Karja jeng biak “peih” ngan haong bruk cakrok patagok sang daok xã hội. Yau nan min, anak meta mboh lac, bruk padang ngak sang daok xã hội di bal raya jeng daok gaok ralo kan kandah, tavak tave.

Công ty Cổ phần Vạn Thái Land bahrau peih bruk padang ngak dự án sang daok xã hội Topaz Home pak quận 12 ngan haong yaom lap di abih di bal raya Hồ Chí Minh urak ini. Bahrau ba tabiak darak pasar, dự án tok hu 450 baoh sang, min hu tal labaih 500 hồ sơ tut angan. Amuk Bùi Nguyệt Nga, Phaok Akaok Công ty Cổ phần Vạn Thái Land brei thau: Piah hu harei peih ngak dự án ini, doanh nghiệp njauk nao tapa ralo adat hukum biak kan kandah. Min, meyah caik tukvak dui atah ye doanh nghiệp dak khat lahik jang nan ye njauk kham merat. Dalam tuk nan, yaom laba di doanh nghiệp ye njauk khống chế oh tapa 10%. Yaom lac laba takik, min Vạn Thái Land jeng taduan mek piah patagok dự án, kayua bruki caong hu sang daok di darak pasar Bal raya Hồ Chí Minh nan biak prong. Amuk Bùi Nguyệt Nga lac: Urak ini oh hu dom poklãi suất daong ka sang daok xã hội. Min khaol dahlak jeng kham merat ginum biai haong gilang pariak pambuak bruk di khaol dahlak piah hu lãi suất siam di abih ka tuai blei sang, yaom lac oh hu siam yau dahlau diah, tuk nan drei hu pok 30.000 tỷ.

Tui jalan patagok sang daok xã hội vaktu 2016-2020 pak bal raya Hồ Chí Minh, ye quỹ taneh dalam nan hu: 19 dự án sang daok xã hội ba brei labaih 28.000 baoh sang kayua karja khik iek; 19 dự án sang daok xã hội ba brei labaih 15.000 baoh sang hu doanh nghiệp dang tabiak bồi thường, giải tỏa mặt bằng. Dalam bal raya daok hu 70 dự án sang daok thương mại praong 10 ha tagok. Yaok dự án ini meda kaoh tabiak 20% mblang taneh piah patagok sang daok xã hội ngan haong mblang taneh abih tih jaik 43 ha, tui kuhria ba brei 162.000 baoh sang. Gam haong nan, bal raya meda buh tabiak jaik 19.500 tỷ đồng piah padang ngak jaik 32.500 baoh sang xã hội. Ong Trần Trọng Tuấn, Akaok Sở Xây dựng bal raya Hồ Chí Minh lac: Sa dự án, dahlak kuhria đơn giản lac, lahik takik abih 2 thun. 2 thun nan lac yaom jien buh tame ngak. Khaol dahlak hu caik hatai tui pang piah langyah ka nyu njauk, hu kuhria tal bruk kein laba di po đầu tư, di bhap bani saong doanh nghiệp piah peih talaih dom kan kandah, tavak tave di doanh nghiệp dalam tukvak peih ngak dự án.

Tui ong Trương Anh Tuấn, Akaok Hội đồng Quản trị Công ty Cổ phần địa ốc Hoàng Quân, urak ini, raja-ei saong Ủy ban bhap bani thei jeng hu jalan ngak cambaih laih piah jhul pakhang patagok sang daok xã hội. Yau nan min, kadha praong ba tal tavak tave ngan haong doanh nghiệp tuk ngak sang daok xã hội nan lac phun jien ngân sách piah daong ka doanh nghiệp saong bhap bani daok takik. Yau Công ty Cổ phần địa ốc Hoàng Quân ini, meng puac thun ini njauk buh jien di  doanh nghiệp drei tabiak piah daong jien jhung 6% sa thun ka urang blei sang daok xã hội. Ong Trương Anh Tuấn, Akaok Hội đồng Quản trị Công ty Cổ phần địa ốc Hoàng Quân lac: Meyah hu pok dreh yau pok 30 ribau tỷ ye sang daok xã hội meda cakrok patagok khang saong grap tanat jang. Tok lac padang ngak siam saong pabak  njauk hukum Sang daok, tui Nghị định 100. Khaol dahlak jia lac, Hoàng Quân daok dang akaok bhum gah Meraong ka bruk padang ngak sang daok xã hội, yaok thun meda pabak ka bhap bani jaik 10 baoh sang.

Tui panuac di dom chuyên gia gah bất động sản, dalam tuk phun jien karja hu takik yau urak ini, jalan ngak njauk samar mong iek nan lac jhul bruk xã hội hóa patagok sang daok xã hội pak Bal raya Hồ Chí Minh. Piah daong ka doanh nghiệp, Karja njauk hu jalan khấu trừ chi phí đền bù, giải tỏa mặt bằng dalam 50-60% tui bảng đơn giá taneh di tukvak dự án hu brei adat ngak. Dom dự án sang daok xã hội daok dalam quỹ taneh doanh nghiệp, njauk hu jalan ngak, cơ chế saong dom sarak ưu đãi dalam bồi thường, daong dom dự án hu tukvak bayar jien mặt bằng mek hu 70-80% tagok. Ong Lê Hoàng Châu, Akaok Hiệp hội Bất động sản bal raya Hồ Chí Minh brei thau: Biak caong khin dom urang pal akaok sangka, pasang iek bruk peih ngak njauk jalan ba tabiak saong oh caik ka lợi ích nhóm pablak tame. Khaol dahlak mboh njauk hu bruk salih jalan ngak piah ka urang blei meda blei hu sang daok xã hội mbuan jang.

Bal raya Hồ Chí Minh jeng njauk bố trí quỹ taneh brei ka bruk patagok sang daok xã hội tuk ngak thẩm định saong phê duyệt quy hoạch đô thị. Bal raya meda  padang sa jabat chuyên trách hu mbaok tame bruk đầu tư xây dựng saong khik iek tapak quỹ sang daok xã hội. Taphia di nan, bal raya jeng njauk khan brei thau cambaih laih ka dom doanh nghiệp, dự án, dom điều kiện njauk hu piah caik ka bhap bani thau saong hu mbaok tame bruk ngak ini./.