Dalam langik pandiak bingi akaok thun, muk Phạm Phương Thảo, Giám đốc điều hành Công ty CP Đầu tư Organica ba khol dahlak nao rivang bein njam daok di huyen Long Thành, tỉnh Đồng Nai. Maong tame dom talei njam that hijao pablak saong dom mejam baoh trong nde tathak bhong, khol dahlak meng thau hu bruk bui sambai di muk. Kayua, ia huak, prein yawa, dom glaih glar tuk camereip hu ba mai rilo bingu pahe, baoh yamen yau harei ini.

Hadei di sa tukvak sahneng duah, thun 2013, muk Thảo khang hatai pablei sang saong pataom abih phun jien buh tame pala njam hữu cơ di taneh bilau paraong jaik 2,5 ha daok di huyen Long Thành, tỉnh Đồng Nai. Tuk camereip oh ka paik hu hagait, kan kandah dak angaok gauk tuk puac bilan muk Thảo njauk kuhria jien bayar ka urang ngak, jien pah sang daok, jien buh tame ngak trang trại… Sahaneng lac dom kan kandah nan amuk kan yam tapa hu, min meng bruk pachreih ba di adei sa-ai, gauk gar, nyu pabak pren khang ka amuk piah yam tapa.

Tal thun 2015, trang trại di Organica hu Mentri Ngak nong Mỹ (USDA) saong Liên minh châu Âu (EU) brei harak chứng nhận Organic. Ini jeng lac trang trại njam patam nhiệt đới camereip abih di Viet Nam mek hu harak chứng nhận ini. Tuk hu harak chứng nhận Organic, pandap di cong ty meda pablei tapa negar Mỹ saong Châu Âu min muk Thảo jeng daok caong khin ngak tabiak dom kaya nong hữu cơ duh ka urang Việt. Sa-ai daok peih praong bruk pala, ngak saong mbiah tal urak ini, Organica hu 10 trang trại  di Đồng Nai, Bình Phước, Lâm Đồng saong Hà Nội praong abih tih jaik 250 ha, dalam nan hu buh jien tame ngak tapak saong pambuak gauk haong urang ngak nong ngak tabiak kaya nong tui tanut chuan. Meng bruk pambuak gauk nan, kaya nong di cong ty muk oh lac pabak hu bruk blei di urang bo dom baoh sang urang nong pambuak bruk saong cong ty muk oh daok huac bruk pala njauk ye laik yaom saong yaom pablei glaong jang dua, klau mbang kaya nong di gah langiu.

  Kayua urang khin blei dom janih pandap Organic dak harei dak rilo yau nan ye Organica blei tame rilo janih pandap mbang, gia vị hữu cơ meng Mỹ, EU, Úc, Hàn Quốc... Tal urak in, Organica hu 5 cửa hàng di TP.HCM, Đà Nẵng, Hà Nội saong sa cửa hàng online. Sa-ai Nguyễn Thị Mỹ sang daok di jalan Nguyễn Đình Chiểu, Q3, ban raya HCM brei thau:“ Njam di cửa hàng Organica that bingi, khik hu dinh dưỡng, hacih sa-at siam ka prein yawa dahlak mboh biak sahanang hatai.”

 Meng jalan ngak mbang tani tanat, chuyen nghiep saong daok cak rok patagok, bahrau ini, Quỹ đầu tư SEAF di Mỹ blei 30% cổ phần di Organica. Ini lac bruk praong piah cong ty pabak pren khang patagok parilo dom cửa hàng saong peih praong taneh ngak kaya nong hữu cơ. Amuk Phạm Phương Thảo, Giám đốc điều hành Công ty CP Đầu tư Organica khan lac:“Organica daok kuhria peih 3-5 cửa hàng dalam 2 thun tal  saong pataom tame pablei pandap online piah ba pandap tal sang urang blei, tui nan hu rilo jang urang nong pambuak bruk haong Organica pala biak rilo sa janih pandap saong tuk nan pamaong tal bruk pablei tabiak negar langiu, tapa nan jeng ngak brei trun yaom phun piah hu rilo jang urang blei pandar njam patam hưu cơ.”

 Piah daong ka bruk padang mbang ngui, ban raya hu kadung jien daong 1.000 tỷ đồng ka dom dự án hu kein lagaih saong hu daong ka bhap bini, xa hoi. Ban raya jeng caong khin pambak praong rilo bruk padang mbang ngui daong ka xa hoi yau Organica. Piah daong dom dự án daong khik caga alm moi truong, tukvak anak tal Pasak Sáng kiến daong salih birau bruk sahneng duah saong padang mbang ngui Ban raya HCM (eiw lac SIHUB) meda pambuak hệ sinh thái khởi nghiệp di ban raya saong dunya. Ong Huỳnh Kim Tước, Akok Pasak Daong salih birau bruk sahneng duah Ban raya HCM lac:“Tapa Pasak Daong salih birau bruk sahneng duah saong padang mbang ngui Ban raya HCM khol drei pambuak tame he thong padang mbang ngui dunya, bloh SIHUB ba hệ sinh thái khởi nghiệp dunya tal dom puk palei. Piah ngak hu bruk nan khol drei brei padang hu tanut chuan yau he thong lassfrom online, hệ sinh sinh thái khởi nghiệp online blaoh khol drei  chuan hoa quy trinh hadei ka nyu njauk haong tanut chuan mantor di dunya.”

Yam tame thun bahrau, ngan saong muk Phạm Phương Thảo ye bruk ngak, sahneng duah piah daong ka menuac sia lac bruk kak kajap haong rai di muk. Muk brei thau, daok pambak praong bruk ngak kaya nong hữu cơ piah gam khik caga prein yawa bhap bini gam cak rok patagok khang kajap gah ngak nong./.