Bác sĩ Trần Điền Tú- Sang iek ruak Đa khoa Sài Gòn hadar veik:

“Hu sa urang kumei metian praong 31 adit pandik tian khin menek dahlau harei, daok di Quận 4, hu Sang iek ruak Sài Gòn tapa daong. Urang metian pandik tian biak khang gam saong tabiak darah rilo. Bác sĩ ndik radaih patuk nao tal, gam tui nan hu radaih 4 baoh kong,  sơ cấp cứu dahlau blaoh pajeng tapa Sang iek ruak Từ Dũ.

 Nan lac sa dalam yaok pluh mbang cấp cứu urang mbuan ba tal metai bo Bac sĩ Tú saong ayut sahabat di Sang iek ruak Đa khoa Sài Gòn pandar radaih 2 baoh kong nao tal sang piah daong ka urang. Meng hu yau nan, anek amaik urang kumei metian nan hu ba tame sang iek ruak chuyên khoa sumu chip.

 Jeng tui bac sĩ Tú, kadha njauk uan tabuan nan lac jaik abih bhap bini urang hu cấp cứu saong menuac mboh dịch vụ ini jeng njauk hatai haong janih radaih cấp cứu 2 baoh kong kayua bac sĩ mai drah samar jang dahlau. Hadei di tuk taduan hu panuac khan, meng 3 tal 5 minit, atah jang ye oh ka tal 15 minit lac mboh bac si mai tal. Abih di nyu nan lac, di dom tukvak tabung glaong, gar jalan mbak di ralo labik, ye radaih cấp cứu 2 baoh kong jeng mai tal urang ruak drah samar.

Tui pathau khan di Sang iek ruak Đa Khoa Sài Gòn, dalam 20 harei ba tame pandar radaih 2 baoh kong piah nao cấp cứu ye balai cấp cứu di sang iek ruak hu brei 26 mbang radaih patuh nao daong urang ruak. Dalam nan, tui panuac khan ka bruk cấp cứu, hu 9 mbang sang iek ruak tok brei radaih patuh tame tal sang saong dom bác sĩ hu sơ cứu, iek ruak, kê đơn saong tacei pato ka urang ruak bo hadei di nan oh cang radaih cứu thương. Hu 17 mbang sang iek ruak gam brei radaih dua baoh kong saong radaih cứu thương kayua dom mbang nan lac goak bala angaok jalan mbak saong dom ruak njauk ba tame sang iek rauk chip. Bác sĩ peih radaih cấp cứu 2 baoh kong nao tal dahlau piah sumu sơ cưu dalam tuk cang radaih cứu thương piah pajeng ba urang tame sang iek ruak.

 Bác sĩ chuyên khoa 2 Nguyễn Khắc Vui,  Phó akok Sang iek ruak Đa khoa Sài Gòn brei thau: meng tuk pandar radaih cấp cứu 2 baoh kong, dom mbang nao cấp cứu langiu sang iek ruak tagok tal 30% duk saong dahlau diah tok pandar radaih cứu thương nao cấp cứu:“Meyah drei nao pasang iek ruak camereip mboh oh njauk hagiat ye po sang likau brei daok veik di sang, oh cang tame sang iek ruak. Meyah drei thau lac bala kayua paoh radaih ye drei brei radaih 4 baoh kong nao pajeng. Bac si pak ini nao cấp cứu langiu sang iek ruak hu phone tangin pambuak saong pasak cấp cứu 115, urak ini brei ka bhap bini thau piah iew phone ka nyu samar.”

 Tui Phó Giáo sư – Tiến sĩ Tăng Chí Thượng, Phó Giám đốc Sở Y tế TPHCM, bruk peih radaih patuh nao cấp cứu lac sa dalam rilo janih radaih cấp cứu di dunya hu peih ngak blaoh. Di Ban raya HCM, meyah bruk rah tabiak di jalan hẻm sit, gar radaih…bo hu urang khin cấp cứu ye gah cấp cứu brei hu mbaok samar, praong di abih nan lac sơ cấp cứu tuk camereip ye radaih 2 baoh kong lac njauk palih ruah. Bac si Thượng khan lac, hadei di tuk pambak praong, jalan ngak ini hu ngak ka nyu siam jang. 

 Meng bruk ngak iek, Sở Y tế Ban raya birau brei ka Sang iek ruak Quận 2, Quận 1, quận Thủ Đức, Quận 4 saong Pasak cấp cứu 115 ngak iek, pabak janih radaih cấp cứu 2 baoh kong ka dom balai cấp cứu vệ tinh di dom sang iek ruak ini. Labik ngak bruk di dom sang iek ruak ini, jalan mbak rilo radaih, rilo jalan hẻm sit radaih cứu thương oh tame hu. Lingiu di nan, yaok sang iek ruak tok hu 2 sruh radaih cứu thương, oh ginup tui bruk khin cấp cứu pagap yau Sang iek ruak Thủ Đức yaok harei hu jaik 30 mbang iew phone daong cấp cứu, dom sang iek ruak karei jeng hu meng 4 tal 10 mbang iew phone cấp cứu.

Tui kuhria, bruk ngak iek radaih cấp cứu 2 baoh kong - tukvak 2 meda peih ngak dalam 3 bilan,  hadei di nan Ban raya pataom iek, taong yaom ka bruk ngak. Meng nan, Sở Y tế  pathau tagok UB bhap bini Ban raya HCM saong Mentri Y tế likau brei ba tame ngak bruk ini./.