Patabiak meng website: travel.com.vn di thun 2002 hu ginup kadha brei thau ka dom tuor tuyến, labik nao, labik padeih padei… tuk camereip hu tacei tuai nao dulich ngak randap saong dulich online, Viet Travel hu maong lac doanh nghiep lữ hành akaok meti di Viet Nam hu ba tabiak bruk dulich online tal tuai damuai. Labaih 15 thun ngak iek, patagok, urak ini, hu labaih 80% tuai blei tuor dulich, kakei bilik khach sạn jeng yau pandar dom dich vu main sambai karei karei tapa jalan online dahlau di tuk mai pambuak bruk di cong ty. Ong Đoàn Thế Duy,  Phó Tổng Giám đốc công ty du lịch Vietravel brei thau, tuk ba cong nghe tame bruk ngak dulich jeng lac tuk salih birau jalan ngak dulich di tuai damuai:

“ Ngan saong cong nghe di urak ini ye tuai damuai oh daok cang mai tal ini tra bo meda daok di sang atau labik halei hu Internet ye mead duah thau hu dom kadha drei khin thau”

  Urak ini, Ban raya HCM thau hu saong tuk akaok camereip hu dom bruk ngak cambaih laic piah ngak habar padang hu bruk dulich thong minh tui sumu dunya harei ini. Sở Dulich Ban raya HCM jeng hu padang blah web điên tử. Tapa nan, tuai damuai hu pabak dom thong tin saong hu palagaih dalam dom bruk yau ye: kakei atau blei dahlau tuor, ba tabiak bruk nao rivang main di drei dalam tuk daok di Ban raya HCM. Ban raya jeng hu pandar mạng xã hội yau Facebook, instagram…piah yaih khan dom bruk, dom labik rivang main dulich di Ban raya HCM. Yau nan min, tui rilo urang ilamo, jeng daok hu rilo tavak tavaiy piah ka dulich Ban raya HCM cak rok patagok khang kadang bo dom urang ngak dulich njauk langyah. Ong Trần Hùng Việt, Tổng Gíam đốc Tổng Công ty du lich Sài Gòn brei thau:

“ Pato hu urang ngak dulich lac sa kan knadah praong. Tuk drei ba tabiak bruk ngak birau ye brei hu  manuac ngak bruk nan. Breii hu biak rilo urang ngak, drei ngak tal halei njuak pato tacei tal nan. Yau nan ye, lac sa cuang kandah, tavak tavaiy”

  Tui kuhria dahlau dalam quý 3, quý 4 thun 2018, dom thủ tục hành chính pambuak tal dulich kayua Sở Dulich Ban raya HCM peih ngak. Bhap bini meda duah thau thông tin saong ngak dom thủ tục hành chính di sang oh cang nao tal jabat karja. Sở jeng hu pambuak bruk saong Tổng công ty dịch vụ viễn thông VNPT padang App dulich Ban raya HCM. Bruk pandar App ini meda ba mbuan lagaih ka tuia damuai dalam bruk duah thau ka labik daok labik ndih, labik mbang huak…daong ka urang hu thau labik labai drei hu nao tal.

  Amuk Nguyễn Thị  Ánh Hoa, Phó Giám đốc Sở Du lịch Ban raya HCM ndom lac, dulich thông minh lac bruk ngak suia lavik di gah dulich Ban raya HCM. Dom bruk ngak siam, lagaih, dom bruk buh jien tame khang kajap ka yaok gah gam hu sarak pambuak dom doanh nghiep lữ hành dalam tukvak tal hu maong lac dom kham merat di ban raya piah patagok du lich thông minh:

“Khol dahlak meda hu rilo jang dom sarak piah pathau khan, pachreih dom doanh nghiệp pandar kỹ thuật số, thau dom siam lagaih di công nghệ, truyền thông dalam saman 4.0 piah meda kuhria mboh dahlau samar di abih saong caga raok dom darak pasar tuai du lịch daok lac jalan ngak urak ini”  

Meng dom bruk ngak tuk camereip piah patagok dulich thông minh, nyu daok peih tabiak dom chreih chrai bahrau, piah ka Ban raya HCM dak harei dak yam tame dunya, khang hatai jang yam tal cak rok patagok mạng lưới cong nghe, truyen thong dalm bruk patagok dulich./.