Dom amaik, ame mai sang bac pang langyah ka bruk pilih ruah anek saih tui jalan online

Thun bac 2019-2020, quận Tân Bình lac labik camereip abih di TPHCM peih bruk pilih ruah anek saih tui jalan online di abih 3 pakat bac, lac: mầm non (tok pandar piah pilih ruah anek naih umo 5 thun), tiểu học (pilih ruah anek saih tal 1) saong THCS (pilih ruah anek saih tal 6).

Ong Phan Văn Quang, Phó akaok jabat pato megru quận Tân Bình brei thau, ngan saong tal 1, hadei di tuk taduan harak angan dom anek saih, mban tacei pato pilih ruah anek saih pakat quận brei pasang iek, klaak bruk tut angan rilo mbang saong parabha jalan tame sang bac tui bruk di anak meta. Hadei di nan, phường pambuak bruk haong sang bac taduan mek hồ sơ saong brei mã đăng ký tal laik phone amaik ame di anek saih. Amaik ame pandar mã ini ba tame phần mềm tuyển sinh piah tut angan. Hadei di nan, Hiệu trưởng sang bac javap jalei brei thau bruk anek saih hu tame bac ha-oh.

Daok bruk pilih ruah anek saih tal 6, meng thun bac 2016-2017, taong abih dom sang bac tiểu học di Tân Bình jeng ba hồ sơ ka sang bac THCS tui njauk bruk parabha jalan, amaik ame oh cang nao tal sang bac tiểu học suak hồ sơ. Thun bac 2019-2020, dom anek saih tut angan pilih ruah online dalam quận lac 79,5%. Thun bac tal, bruk ba hồ sơ hu peih praong di pakat tiểu học, piah patrun tuvak nao mai ka amaik ame saong patakik bgak harak gar.

Dreih yau nan, di quận Gò Vấp, phần mềm pilih ruak anek saih tui jalan online di quận hu peih tabiak ngak meng thun bac 2019-2020. Di quận 10, hadei di 1 thun peih ngak iek di dom sang bac, thun bac ini, quận brei peih ngak di taong abih dom sang bactiểu học haong THCS dalam quận.

Ong Phan Văn Quang, Phó Jabat pato megru quận Tân Bình brei thau, piah peih ngak hu siam bruk pilih ruah anek saih tui jalan online brei hu bruk pambuak gauk siam di karja pak nan, sang sang bac haong amaik ame di anek saih; bruk pilih ruah brei cambaih laih, parabha bruk cambaih laih piah pambuak gauk peih ngak hu siam lagaih. Lingiu di nan, kan kandah praong di abih urak ini di dom quận tuk peih bruk pilih ruah anek saih tui jalan online lac brei hu cơ sở dữ liệu pandar yau gauk dalam quận. Kayua yau nan ye, phường, xã saong tổ dân phố brei pathau khan praong dalam piah ka bhap bini pambuak bruk siam dalam kê khai thông tin. Anak tal, tuk bruk ngak ini daok hu pambak praong, bruk pambuak gauk di dom pakat brei hu jhul khang piah ngak ka amaik ame hu sahanang hatai, khik kajap jalan bac da-a samu gauk ka taong abih anek saih.

Tui bruk pilih ruah anek saih dom tal akaok pakat kayua UBND TPHCM pasang iek, brei ngak, pilih ruah anek saih tal 1 hu peih tabiak meng harei 1/7, khan brei thau bruk pilih ruah blaoh di harei 31/7. Daok pilih ruah anek saih tal 6 lac meng harei 15/7 saong khan brei thau bruk pilih ruah di harei 5/8./.

Urang lang: M. Phương - 18/07