Piah  ka anek yam tame thun bac bahrau 2017 -2018, rilo amaik ame di Ban raya Ho Chi Minh, dalam nan hu amaik ame urang Cam hu caga ginup abih piah ba anek bhik di drei tame bac.

Mbhiah tal urak ini, dom baoh sang urang Cam daok di dom quận dalam ban raya Hồ Chí Minh hu blei ginup dom pandap bac da-a yau mbut kalam, tapuk siphau ka dom anek bhik di drei yam tame thun bac birau 2017 -2018. Sa-ai Masi Roh daok di quận 1 brei thau:“ Dahlak hu dua urang anek, anek  kacua thun ini bac tal 4. Dahlak sap pagap khan ao ka kol nyu….ginup”

Oh lac blei ginup pandap bac da-a, tapuk siphau ka anek, rilo amaik ame daok hu pato, kakei anek dom bruk yau:  ngak randap saong bruk puac tapuk, daok la bac ka lagaih, nao bac njauk tukvak…ba tabiak bruk bac da ka anek tui prein bac, tui hatai takre di nyu. Ralo amaik ame jeng ba jalan ka anek gam bac gam main sambai, oh chap anek bac ngak nyu huac, daong ka anek mboh pachreih chrai tuk nao bac, iek yaok harei nao bac lac sa bruk bui sambai. Sa-ai Đàng Thị Bé daok di Quận 2, Ban Raya HCM khan lac:“ Dahlau di abih, brei ka anek pasram pandap bruk bac tapuk…”

Daok sa-ai  GeleHa Beevi, sa urang Cam hu asal India daok di Quận 7 lac: " Drei oh kateik greik anek dalam bruk bac da-a, tok khin brei anek bac njauk tui pren di nyu. Nan ye urak ini drei brei anek bac dxi sang bac, bloh bac sap Anh di pasak. Min bac habar ka nyu lagaih haong tukvak bac di sang bac..”

          Thun bac 2017-2018 daok mai tal, labaih sa ribau  anek saih Cam di ban raya Ho Chi Minh daok bui sambai, chreuih chrai caga tame thun bac birau. Caong lac thun bac birau ini, meg bruk kuhria caga tani tanat di dom amaik ame, dom adei hu nao bac dalam siam mekre, bui sambai, bac da-a naih joi./