Dalam dom urang njauk bala hu rilo urang negar langiu daok di Ban raya HCM dauh mai công an  pathau ong  Lê Minh Tâm, umo 48 thun, daok di huyện Củ Chi, Chủ nhiệm Hợp tác xã Bầu trời công nghệ (daok lac ong po duah jien ảo - Sky mining) pachot mek drap ar urang. Panuac ieu da-a tame duah jien ảo laba tagok tal 300% hu rilo urang negar langiu tame, mesre jien buh tame kayua jia ini lac công ty ngak jien chuyên nghiệp. Dalam nan, ong Chukwu Christan saong ong Noarigat negar Nigeria brei thau, hu buh tame meng 10 ribau tal 24 ribau đô la Mỹ urak ini dang anak lahik abih patih. Rilo urang Việt daok di dom tỉnh ban yau: Lâm Đông, Đồng Nai… jeng nduac tame labik di Công ty  Sky Mining daok di Ban raya HCM ndok veik jien tuk mehit ong po jien ảo nduac dauk. Sa-ai N.V.D lac sa urang buh jien ngak mbang saong c.ty ini haduh hatai lac:

          “ C.ty oh iek praong urang ngak mbang saong drei caik mehit dom bruk nan tal harei ini pacah tabiak hu biak rilo urang eiw phone. Urak ini, drei mneg thau lac drei pataok gila akaok lah pachot urang.”

           Kuhria tal urak ini, hu labaih 300 urang lah pachot payua harak tal gah chức năng pathau ong Lê Minh Tâm meblah labaih 900 tỷ đồng, min yaom jien nan biak di nyu meda hu ralo jang. Sở  Kế hoạch saong Đầu tư TPHCM brei thau, c.ty Sky Mining oh hu harak adat ngak mbang saong taduan jien blei mac kaic jien điện tử, min ong Tâm jak ba urang buh jien tame blei mac mai ngak. Hu thau, urang ngak mbang buh jien biak min Sky Mining giao dịch meng jien ảo, tuk mac dauh hu jien ảo, urang buh jien tabiak khin mek jien veik ye brei pablei jien ảo salih jien biak.

 Meyah ong Tâm dauk truh Viet Nam dreih yau bruk yaok rituh urang buh jien tame ngak mbang lahik abih patih kayua hukum Viet Nam oh taduan jien ảo. Sa-ai N.T.M,umo 37 thun, daok di quận 2, Ban raya HCM lac:

          “ Urak ini, oh thau mek hu jien veik halei oh, dalam tuk nan ong hu quay veik clip sanya mai veik dalam tukvak samar di abih. Anak bruk yau ini ngak habar piah jia lac ong nan mai veik bayar jien ka khol dahlak. Urak ini, oh thau ngak habar ini.”

   Hadei di tuk tadaun hu harak pathau ông Tâm pô dom mac kai jien ảo Sky Mining nduac klak, Công an TPHCM pandar Công an quận Phú Nhuận ba hồ sơ tagok Phòng Cảnh sát điều tra tội phạm gah kinh tế saong chức vụ ( eiw lac PC46) piah samar duah thau ngak brei cambaic laic. Bruk pasang iek daok gaok rilo kan kandah kayua brei pabak veik dom chứng cứ, kayua dom urang lahik jien oh hu harak gar brei mboh lac drei rik jien biak tame Sky Mining, saong tuk ngak mbang haong ong Tâm jeng lac meng jien ảo yau nan ye oh hu giá trị gah hukum. Ndem ka bruk ini, Luật sư Nguyễn Đức Chánh, Đoàn Luật sư TPHCM lac: 

            “ Việt Nam saong dom taneh ia di dunya oh ka duah hu jalan khik iek jien ảo nan ye drei njauk pakauk. Njauk caik hatai, bruk pandar jien ảo piah bayar jien lac bruk ngak suan hukum. Kayua hukum oh khik caga tuk rah tabiak dom khat lahik halei pambak tal jien ảo ye urang buh jien tame meda lahik abih mbong”

             Tukvak tapa, oh lac ta-eng hagait Sky Mining bo dom urang buh jien tame ngak mbang daok jak gauk buh jien taem hệ thống kaic jien ảo, jak ba rik phun jien karei yau: Ifan, Vncoin, Thiên Rồng Việt...Dom jalan bleik saleik đa cấp nan birau njauk công an chap mek ngan saong yaom jien meblah mek tagok tal yaok pluh ribau tỷ đồng. Kayua yau nan ye, dom urang buh jien tame ngak mbang njauk maong bruk ini lac bài học đắt giá saong njauk sahaneng kuhria tani tanat jang, piah plaih lah pachot kol pachot mek jien./.