Sa-ai Kim Tuấn Sỹ daok brei limo mbang 

Dalam thun bloh, dom gah chức năng ngak siam bruk buh jien tame padang ngak cơ sở hạ tầng dom xã biak kan kndah; patagok bruk pala drak, duah rilo jalan ngak mbang saong pambak paraong bruk ngak mbang patrun kathaot dom xã bhum tapen tasik; daong ka urang ngak di baoh sang kathaot, jaik si kathaot, baoh sang bangsa takik nao ngak bruk negar langiu tui tukvak.

Dom harei akok thun birau 2020, xã Kim Hòa, huyện Cầu Ngang, tỉnh Trà Vinh, urang hu pang rilo kadha khan tal urang jakar daong urang patruh kathaot, yam tagok tani tanat raidiuk.

Ong Trần Thái Phong, Bí thư Đảng ủy xã Kim Hòa khan lac: “ Kim Hòa lac xã biak kan kandah di huyen Cầu Ngang, dalam xã hu 6 palei ngan saong jaik 10.000 urang, dalam nan urang bangsa Khmer labaih 70%. Tapa duah thau, baoh sang urang bangsa Khmer  kathaot meblah labaih 9,45%, kayua kurang phun jien ngak mbang, kurang pandap panda, urang ngak, baoh sang hu manuac ruak, daok sa drei, oh hu ilamu ngak bruk…”.

Piah daong mikva tapa truh kathaot, yam tagok dalam raidiuk, thun 2019, rajaei xã Kim Hòa pambuak saong Gilang pariak sarak karja brei mesre phun jien ka 47 baoh sang yaom jien 1,9 tỷ đồng, patagok baoh sang di xã hu mere phun jien ngak mbang, pala drak, pablei salih mbaih tal urak ini labaih 1.285 boah sang, taong abih jien daok tavak di gilang labaih 38 tỷ đồng. Tapa danak dak padang ngak palei pala birau xa ngak hu jalan mbak dalam palei; daong urang raong limo menek, raong tapai meng phun jien di danak dak 135.

Sa-ai Kim Tuấn Sỹ daok di palei Giữa khan lac: “ Dahlau diah diuk pasang dahlak  gaok rilo kan kandah oh hu bruk ngak, oh hu taneh pala drak. Hu karja palei daong phun jien raong limo menek, labaih 2 thun pataom hu phun jien saong birau ngak hu sang yaom 80 trieu đồng, urak ini tapa truh kathaot.”

Ong Trần Quốc Tuấn-Bí thư Huyện ủy Cầu Ngang lac, bruk peih ngak dom danak dak, dự án, sarak trun kathaot mek hu rilo bruk siam, daong ba brei bruk ngak, tani tanat raidiuk, patagok bruk duah jien tame ka bhap bini. Dom bruk caong khin hu gah xa hoi di bhap bini hu pabak sumu yau ye sang daok, ia pandar, iek ruak, bac da-a…Thun 2019, huyen Cầu Ngang trun kathaot 1.316 baoh sang, rilo jang 96 baoh sang duk saong tanut ba tabiak.  

Gam saong huyem Cầu Ngang, bruk ngak tui sarak trun kathaot di dom huyện karei di tỉnh Trà Vinh dalam thun tapa jeng biak njauk pok meyaom. Kuhria mbiah tal bilan 11 thun 2019, dom danak dak brei mesre, dhar gilang pariak Sarak karja tỉnh hu brei ka 47.505 baoh sang mesre abih tih 968 tỷ đồng; dalam nan hu 3.042 baoh sang kathaot, 4.864 baoh sang jaik kathaot saong 17.087 mbang baoh sang birau tapa  truh kathaot, mesre phun jien ngak mbang.

Langiu di nan, Gilang pariak sarak karja  daok peih ngak dom danak dak brei mesre karei tra piah jhul patrun kathaot. Ong Nguyễn Văn Khiêm, Phó Giám đốc Sở Lao động, Thương binh saong Xã hội tỉnh Trà Vinh lac: “ Gam saong danak dak nan, Trà Vinh daok sangka daong brei bảo hiểm y tế. Kuhria tal bilan 9 thun 2019 hu brei labaih 479 .000 the bao hiem y te ka bhap bini, kuhria tui jien abih tih 379 tỷ đồng. Tui nan, sở daong jien yaok bilan ka rilo baoh sang 1 trieu dong tha baoh sang. Anak tal huyện brei pambuak bruk dak padang danak dak patao bruk ngak, duah bruk ngak, ba urang noa negar langiu ngak bruk. Taphia di nan, brei ngak siam dom sarak patrun kathaot, pachreih urang saong patagok prein khang di bhap bini rik daong patagok jien tame, salih birau raidiu./.

Urang lang: Ái Nghiêm - 10/2