# Tuk hu mbaok dalam Nyaom biai Pakat glaong pahadar ASEAN - Ấn Độ, Thủ tướng raja-ei Nguyễn Xuân Phúc hu dom mbang taom gaok haong Thủ tướng Xinh-ga-po Lý Hiển Long, Thủ tướng Thái Lan Pra-dút Chan-ô-cha saong Cố vấn Karja Mi-an-ma A-ung San Su Ki. Pak mbang taom gaok haong Thủ tướng Xinh-ga-po Lý Hiển Long, dua Thủ tướng njauk hatai brei peih ngak ralo bruk hu makna piah pahadar 45 thun pambuak talei ngoại giao dalam thun 2018; pasang iek peih jalan par Xinh-ga-po – Đà Lạt, Xinh-ga-po – Nha Trang saong patagok parilo mbang par di dom jalan par urak ini; jhul patagok ginum biai Hiệp định lao động.

# Dalam ngak bruk di bhum gah kreih negar, Phó akaok taneh ia Đặng Thị Ngọc Thịnh gam saong kapul ngak bruk hu nao ravang saong alin dom sang sarak, bhapbini bangsa takik kathaot saong anek saih huyện biên giới Tây Giang, tỉnh Quảng Nam. Di ini, Phó akaok taneh ia Đặng Thị Ngọc Thịnh hu alin brei 150 paok pandap ka sang sarak, sang bhapbini bangsa Cơ Tu kathaot di huyện Tây Giang; 100 paok jien bac, yaok paok 1 triệu đồng alin ka anek saih Cơ Tu yam tagok bac naih joi...

# Piah khik tanit tanat yaom kaom darak pasar dalam tuk Tết nguyên đán Mậu Tuất 2018, ralo doanh nghiệp, siêu thị di tỉnh Đắk Lắk hu khik piah pandap panda yaom abih tih jaik 230 tỷ đồng. Ngan haong pandap panda hu yaom abih tih jaik 230 tỷ đồng, dom doanh nghiệp njauk khik kajap chất lượng saong yaom kaok tani tanat di tanut samu atau biar jang 5% dut haong gah langiu darak pasar với thị trường. Dom doanh nghiệp hu mbaok tame danak dak khik grap tanat yaom kaom dalam tuk Tết meda hu brei mesre phun jien oh mek jien jhung dalam tukvak 4 bilan meteh.

# Di page harei 25/1, di xã Quảng Trực, huyện Tuy Đức, tỉnh Đăk Nông barau rah tabiak mbang patuh mìn dalam tuk mek patau ngak ka 4 công nhân gaok bala, dalam nan hu 2 urang metai. Urak ini gah chức năng hu brei thau danh tính di dom urang metai lac saai Phan Văn Hoán (ndih tapui thun 1987, daok pak xã Thuận An, huyện Đắk Mil) saong sa urang angan Trung (oh ka thau lai lịch .

# Tukvak 15h00, biar harei paguh (27/1), U23 Việt Nam gaok U23 Uzbekistan di chung kết U23 châu Á. Anak kapul khang nan, HLV Park Hang Seo meda ba tabiak kapul siam di abih piah daong ka U23 Việt Nam ngak brei tatuak drei anak kapul Uzbekistan ini. Tui bruk ba tabiak bahrau abih hu Mentri Ilamo padhih saong rivang ma-in brei pata, U23 Việt Nam hu mbaok di mblang kapal haok Nội Bài 12h jala pandiak harei 28/1 meng sruh kakar haok karei. Hadei di nan, kapul diễu hành angaok radaih bus 2 tầng piah mbang uan aong peih bruk mbang menyum di mblang dit blaong Mỹ Đình meng 20h melam 28/1.

 Khaw tin dunya:  

#Mintri Ngoại giao Trung Quốc khan brei thau, Thủ tướng Anh Thê-rê-sa Mây (Theresa May) kuhria caga ravang Trung Quốc meng harei 31/1 tal harei 2/2 tal. Bruk ini barau hu urang brei panuac di mintri Ngoại giao Trung Quốc brei thau di mbang họp báo thường kỳ hu peih ngak di Bắc Kinh. Trung Quốc lac sa dalam dom taneh ia bo Anh daok caong khin mbaok tangin tame sa thỏa thuận pablei salih tự do dua gah tuk taneh ia ini tabiak truh Liên minh châu Âu.

# Hội đồng lập pháp negar Thái Lan bahrau nyaom biai piah pasang iek brei kadul veik harei palih ruah bo raja-ei di Thủ tướng Pra-dút Chan-ô-cha (Prauyth Chan-ocha) ba tabiak. Meng 196 phiếu njauk hatai, 12 phiếu oh njauk hatai saong 14 phiếu mbong, Hội đồng lập pháp negar Thái Lan (NLA) nan lac Quốc hội hu brei tapa sa dự luật brei adat kadul veik mbang palih ruah dân sự di negar ini suai jang 90 harei.

# Tổng thống Mỹ Đô-nan Trăm (Donald Trump) đe dọa meda kakak daong urang bhapbini Palestin meyah Palestin oh nduac tui hòa bình haong Ixraen. Khan brei thau di ông Đô-nan Trăm ba tabiak hadei mbang taom gaok saong Thủ tướng Ixraen Ben-gia-min Nê-tan-ya-hu (Benjamin Netanyahu) di diễn đàn kinh tế Đa-vốt (Davos), Thụy Sỹ./. 

Jasi saong Thúy Linh lang tapa sap Cam