Trang tin 10g30 -14g30 ngày 8/11

        # Harei kroi ( 7/11), hadei di tuk hu mbaok di nyaom biai pakat glong pablei salih Việt Nam song taduan rok 8 kapul tuai doanh nghiệp dunya tapa  Việt Nam hu mbaok di adit pakat glong APEC 2017, Thủ tướng Nguyễn Xuân Phúc  hu nao pasang iek bruk dauk ia di Khu Phố cổ Hội An – sa dalam dom labik di tỉnh Quảng Nam "dauk ia " kayua ribuk 12.

 # Harei 7/11, di Đà Nẵng, nyaom biai pataom iek veik dom urang dang akaok pakat glaong APEC (CSOM), bruk akaok meti di adit pakat glaong APEC 2017, hu salah blaoh. Nyaom biai hu makna praong, pataom mek veik dom bruk kuhria caga puac ka nyaom biai dom akaok mintri ngoai giao saong kinh te APEC mbang yaka 29 saong nyaom biai dom urang dang akaok APEC mbang yaka 25.

          # Ubbhap bini tỉnh Thanh Hóa bahrau tabiak harak brei bruk dong 55 tỷ đồng  ka dom puk palei, đơn vị dalam tỉnh, piah pasiam veik jalan mbaknao mai njauk khut khat kayua hajan ia sua. Dom puk palei, đơn vị hu dong khik ramik, pandar pok jien njauk bruk, njauk asal kadha, siam lagaih song thanh quyết toán tui adat hukum  

# Trung Ương Hội Chữ thập đỏ Việt Nam hu daong chip 300 bình ia hlang meng inox yaom jien jaik 350 triệu đồng daong urang bhapnini di dom xã: An Định, An Nghiệp, huyện Tuy An saong xã Xuân Sơn Nam, Xuân Sơn Băc huyện Đồng Xuân, tỉnh Phú Yên. Ông Lê Thế Minh, Phó akaok hội chữ thập đỏ tỉnh Phú Yên brei thau: Kapul daok ngak bruk saong dom mban, nganh pataom iek veik dom sang glut jaleih dalam puk palei piah hu jalan daong urang bhapbini.

         # Hội Chữ Thập đỏ ban raya  Hồ Chí Minh brei thau, dok taduan hu bruk dong brei di bhap bini ban raya, piah caga ka dom mbang nao dong ka mik va di dom tỉnh gah kreih negar gaok kan kandah kayua  ribuk 12 meng bloh. Ông Lê Hoàng Ân, Phó Chủ tịch Hội Chữ Thập Đỏ ban raya  Hồ Chí Minh brei thau: “Dalam harei 27-28-29/11, Hội Chữ Thập Đỏ ban raya HCM hu peih bruk jao pandap tapak ka mik va bahrau njauk ribuk  12 di tỉnh Phú Yên song Khánh Hòa, dom pandap nan kuhria tabiak yaom jien lac labaih 500 triệu đồng”.

# Piah samar pacang cakak jit ruak di anek athur, menuk ada tamuh saong pambak dalam alam moi truong, So ngak nong saong patagok palei pala Long An peih bilan ngak bruk hacih saat, tiêu độc, khử trùng labik raong glang mbang 2 thun 2017. Tui bruk ba tabiak, bilan hacih saat, tiêu độc, khử trùng rah tabiak meng harei 30/10/2017 tal harei 30/11/2017.

# Tui kuhria mboh di  Sở ngak nong song patagok palei pala tỉnh Tiền Giang, tal tuk vak ni, dalam tỉnh hu 72  bilai pabak ia hu  hàm lượng  asen glong jang tanut brei adat; 36 bilai pabak ia hu tanut njom mbak oh đạt  Quy chuẩn kayua mintri  y tế ba tabiak. Abih di nyu nan lac di  huyện Chợ Gạo hu  19 bilai pabak ia praong,  huyện Gò Công Tây hu  1 bilai pabak ia  praong njauk njom pasei yam tapa tanut brei adat. 

          Khaw tin dunya

#Cảnh sát Ô-xtrây-li-a (Australia) brei thau, sa ô tô barau ginuh tapa geng paga saong nduac tame sa tan bac di sa sang bac, gah pai ban Xít-ni ngak ka dua anek saih metai, pluh urang kurei njauk rambuac, dalam nan hu 3 adei njauk rambuas trak daok iek ruak di sang iek ruak.

# Gah  Khí tượng dunya brei thau thun 2017 meda lac sa dalam 3 thun pandiak  di abih.Khau tin ni hu ba tabiak bahrau ni, dalam nyaom biai mbang ka  23 di Liên hợp quốc ka bruk biến đổi khí hậu (COP23) hu peih tabiak di  Bon, negar Đức.

#Dom công ty du lịch di Trung Quốc daok di ban tapeng jalan negar Đan Đông hu khan brei thau lac, brei takik dom mbang nao ravang mein di ban ine Bình Nhưỡng di Cộng hòa dân chủ bhapnini Triều Tiên, 1 harei dahlau mbang ravang Trung Quốc di Tổng thống Mỹ Đô-nan Trăm./.