Trang tin 10h30-14h30, ngày 14/10

# Thủ tướng rajaei bahrau mbaoh brei adat ngak danak dak " dong padang song peih ngak dom sarak danka dak pacang caga bạo lực iek tui giới tính, bạo lực dalam sang song langyah bruk urang kamei main iek tui  bằng chứng song pabak quyền anek menuac" kayua Quỹ Dân số di Liên hợp quốc dong. 

#  Phó Thủ tướng Thường trực Trương Hòa Bình pandar mintri Công an rami ramik veik samal bruk peih ngak dom thủ tục hành chính pambual tal bruk ngak bahrau, salih veik,  ngak veik Căn cước công dân; hu jalan pasiam abih bruk suai bayan Căn cước công dân saong bruk dom jabat pandar urang bhapbini nao mai rilo mbang piah brei thau Chứng minh nhân dân klak saong Căn cước công dân lac sa urang dalam bruk giao dịch, pathau khan tagok Thủ tướng rajaei dahlau harei 31/10/2017. 

# Anak bruk hajan ia sua di dom tỉnh Yên Bái, Sơn La, Hòa Bình, Thanh Hóa, Nghệ An, Hội Chữ thập đỏ Việt Nam hu dong chip mbang camereip 900 triệu đồng song  106 thùng pandap pandar dalam san, 10 thùng jru asar khử khuẩn Aquatabs, 60 tấm bạt ka dom boh sang njaku khut khat trak di abih, piah dong ka mik va yam tapa kan kandah.

# Hội Chữ thập đỏ ban raya Hồ Chí Minh tabiak mbang rik pataom daong chip bhapbini dom tỉnh gah Brak saong gah kreih negar gaok khat lihik kayua bala. Pak di tuk tabiak bruk, dom pakat hội saong dom urang hảo tâm hu rik tame labaih 560 triệu đồng payua tal bhapbini gaok bala di dom tỉnh bhum ceik gah Brak saong Bắc Trung bộ. Dahlau nan, dom pakat hội chữ thập đỏ cơ sở rik pataom hu labaih 1 tỷ đồng. Hội Chữ thập đỏ ban raya hu ba paok jien ini piah daong 4 tỉnh Lào Cai, Yên Bái, Sơn La, Hòa Bình; taphia nan, daok kuhria ba dom kapul daong brei nao tal dom puk palei di Nghệ An, Hà Tĩnh, Quảng Bình, Quảng Trị, Thừa Thiên Huế. 

# Ủy ban bhap bini tỉnh Khánh Hòa bahrau patabiak bruk peih ngak danak dak khik kajap bruk pabak ia hacih ka bhum palei pala  tuk vak  2017-2025 song yaom phun jien abih tih labaih  665 tỷ đồng. Tui brukba tabiak , tỉnh Khánh Hòa meda padang ngak bahrau, pasiam veik 39 danka dak pabak ia praong, parilo dom nding raok pabak ia bhum palei pala meng bruk pambuak song jalan ba ia đôi thị, abih tih lac  28 danka dak.

# Tui ông Nguyễn Thanh Bình, Phó akaok Ủy ban bhapnini tỉnh An Giang, dịch vụ di dom libik du lịch di An Giang tamuh eng oh yau caong khin. Kayua yau nan ye, An Giang daok pataom tame qui hoạch tổng thể du lịch, rami ramik veik libik du lịch Núi Cấm, caoh duah di chỉ ilimo Óc Eo, pato pasram urang bhapnini gam ngak du lịch, peih praong pambuak bruk dui pagam du lịch saong dom tỉnh, ban dalam taneh ia…ngak tabiak vòng du lịch khép kín di tukvak tal. 

# Meng 8h nharei 15/10, Jalan pasei  Việt Nam  peih bruk pablei harak radeih pui Tết Mậu Tuất 2018 tapa online,  di ga song dom đại lý. Piah dong ka tuai tuk blei harak tapa mạng, FPT hu brei urang jakar kỹ thuật hu mbaok  di  Ga Sài Gòn dalam adit Camereip tacei pato bhap bini dom jalan ngak jang yau bruk bayar jien tapa mạng internet. 

Khaw tin dunya

# Mintri ngoại giao Nga khan brei thau taneh ia ini daok kuhria caga ba harak yak bak rajaei Mỹ piah ndok veik dom drap ar gaok pataom mek suan hukum di taneh ia Mỹ. Brei panuac di mbang điện đàm saong Ngoại trưởng Mỹ Rếch Ti-lơ-xơn, Ngoại trưởng Nga Xéc-gây La-vơ-rốp brei thau, bruk gah chức trách Mỹ paok klak hala dok kỳ Nga di dom tòa sang ngoại giao di Nga dalam taneh ia Mỹ, bo urak ini daok dalam bruk pasang iek di karja Mỹ lac bruk ngak oh njauk ngak.

# Dom kapul pacang pandam pui khuah daok pacang cakak hu bruk pambak praong di mbang khuah glai di gah barak  bang Ca-li-phoóc-nia, Mỹ. 26 urang metai song yaok ribau urang urak ni oh ka duah mboh, hadei di tuk yaok rituh urang hu ba nao di sa dalam dom labik ngak alak vang prong abih di negar  Mỹ.

# Rajaei I-rắc tabiak panuac lac oh ginum biai saong karja khu tự trị urang Cuốc di gah Brak taneh ia ini ka bruk peih bambang veik dom mblang par saong pabak đồng đô la Mỹ ka dom gilang pariak di ini meyah urang Cuốc oh sanya khik caga bruk yasa di I-rắc. Panuac nan piah ndom veik bruk rajaei khu tự trị urang Cuốc tabiak panuac caong ginum biai saong rajaei I-rắc ka dom bruk pambuak tal dom mblang par, gilang pariak saong dom balait khik iek biên giới di bhum ini.