# Tổng Bí thư Nguyễn Phú Trọng hu taduan raok Akaok Quốc hội Mông Cổ Mi-gôm-bô Ên-khơ-bon-đơ daok rivang Việt Nam. Tổng Bí thư caong khin patagok jang talei rohim meng kan di dua Đảng, ngak brei khang kajap jang talei pambuak bruk di dua negar, abih di nyu lac pambuak bruk ngak mbang – pablei salih, njauk haong talei pambuak bruk meng kan mai.

# Di Phủ Chủ tịch, akaok taneh ia Trần Đại Quang barau taduan raok Đại sứ Xinh-ga-po Ca-thơ-rin Vong-Xi-âu-Ping (Catherine Wong Siow Ping). Akaok taneh ia ndom lac dom jabat di Việt Nam meda pambuak bruk khang kajap saong amuk Đại sứ piah jhul talei pambuak bruk dak harei dak dalam saong siam mekre.

# Pasak Y tế huyện Pác Nặm saong huyện Ba Bể tỉnh Bắc Kạn, Kapul urang ngak bruk di Vụ Tổ chức cán bộ (Mentri Y tế) peih pasang iek bruk peih ngak Dự án ngak iek ba bác sĩ mai huyện kathaot ngak bruk. Dalam 154 sinh viên y khoa hu mbaok dalam Dự án ngak iek di mentri Y tế, hu 14 urang hu bac tamat blaoh bác sĩ chuyên khoa 1 saong mai ngak bruk di dom huyện kathaot, peih ngak yaok rituh ilamu kĩ thuật chuyên ngành…

# Dalam tuk kuhria caga raok Tết Nguyên Đán, ban Hà Nội barau peih var taom gaok dom urang jakar văn nghệ sĩ, trí thức, dom halau janeng, bí thư, hiệu trưởng dom sang bac đại học cao đẳng dalam ban. Bí thư Thành ủy Hà Nội Hoàng Trung Hải caong khin dom văn nghệ sỹ, trí thức, dom halau janeng patui bruk rik daong pren yava, trí tuệ rilo jang, gam saong Đảng bộ, karja saong bhapbini ban ine, ba Hà Nội patagok, hadah hadai, barau, njauk saong angan haong bruk jia tame di bhapbini dalam taneh ia.

# Ribuk ka 12 nao tapa tỉnh Khánh Hòa  labaih 2 bilan dahlau ngak ka labaih 1.700 baoh sang  jaleih abih, jaik 15 ribau baoh sang khut, tayah. Urak ini, dom puk palei daok pataom tame daong ka bhap bani padang ngak veik sang bahrau piah raok Tết Mậu Tuất. UB bhap bani tỉnh Khánh Hòa hu ba tabiak yaom daong meng 2,5 triệu tal 40 triệu đồng ka baoh sang khut, tayah, jaleih abih ngan haong sang kathaot, sang kan kandah, sang urang bangsa takik, sang sarak karja.

Khaw tin dunya

# Sa mbang cuh phao barau rah tabiak di sang bac trung học Hạt Mát-seo di ban Ben-tơn di Mỹ, ngak ka takik abih 2 urang metai saong 17 urang njauk rambuac. Mbang cuh phao rah tabiak tuk 8 tuk pagaiy di sang bac trung học Mát-seo tuk sa anek saih 15 thun hu mek phao tabiak cuh tame dom anek saih dalam sang bac. Anek saih cuh phao nan njauk mek kareik. Dom urang njauk rambuiac hu ba nao tal sa sang iek ruak puk palei. Urak ini oh ka thau cambaih bruk nan.

# Raja-ei Thái Lan daok kuhria ba tabiak jalan ngak piah dui pachreih dom doanh nghiệp Đức buh jien tame 10 ngành công nghiệp praong di negar ini, abih di nyu lac gah ô-tô. Nyaom 10 ngành công nghiệp praong ini hu  xe hơi thế hệ bahrau; thiết bị điện tử thông minh; rivang ma-in iek glang pren yava, y tế; ngak nong saong công nghệ sinh học; pandap mabng menyum, rô-bốt, logistics saong hàng không; năng lượng sinh học saong hóa sinh học; kỹ thuật sốt saong dịch vụ y tế.

# Akoak mintri Quốc phòng Mỹ Ma-tít barau hu mbang nao tal In-đô-nê-xi-a, hu ginum biai haong Akaok Mintri Quốc phòng Indonesia  Ri-ya-cu-đu ka pambuak bruk quốc phòng dua gah. DI mbang ginum biai, dua gah hu biai ka pambuak bruk tình báo tui jalan bo Mỹ hu padang ngak saong dom taneh ia đồng minh; biai ka thỏa thuận pambuak bruk quân sự saong thông tin di dua taneh ia jeng ye blei dom pandap quân sự, pambuak bruk an ninh hàng hải saong caga khủng bố./.

Jasi saong Thúy Linh lang tapa sap Cam