Đội viên Hồ Hoàng Hạnh daok di huyen Duy Xuyên, tỉnh Quảng Nam nan lac sa dalam dom urang trí thức ranaih umo halan hatian tame ngak bruk tui Danak dak 500. Hoàng Hạnh hu brei bruk ngak Tư pháp, hộ tịch di xã Đắc Pring, huyện Nam Giang, tỉnh Quảng Nam. Ini lac xã kan kandah di bhum taphia negar. Lac sa urang kumei dara di bhum taneran tagok bhum ceik ngak bruk, Hạnh gaok oh takik kan kandah kayua dom adat cambat tanarakun di mikva urang bangsa Ve, Tà Riềng, Giẻ Triêng. Piah samar ba drei tame labik ngak bruk birau, Hoàng Hạnh bac sap bangsa takik, duah thau ka adat cambat, tanarakun di mikva. Hadei di 3 thun ngak bruk, Hồ Hoàng Hạnh ngak siam bruk ngak di drei saong mboh ranam bhum taneh ini, caong khin hu ngak bruk suia lavik di bhum ceik glaong  ini:

“ Drei lac trí thức tuk halei jeng caong khin ngak brei bhum taneh birau, labik drei mai ngak bruk hu siam mekre jang. Mai pak ini kham ngak siam bruk pakat angaok jao brei, yau nao tame iek bruk di puk palei, bhap bini. Abih di nyu nan lac bruk tok diuk tok pasang tuk umo daok sit jeng yau bruk tok gauk gar sa darah baik ralo, ye drei brei tame puk palei piah langyah, pathau khan brei mikva thau tantu.”

Daok Bùi Đức Tường, hadei di tuk bac tamat baloh cử nhân Kinh tế, Sang bac Đại học Kinh tế BaN raya HCM jeng ahlan hatian mai ngak bruk di xã Đức Phong, huyện Mộ Đức, tỉnh Quảng Ngãi. Meng hatai sahaneng lac: umo dam dara samai samar, prein yawa khang kadang, oh huac kan kandah abih hatai ngak bruk daong ka bhum palei daok kan kandah, Tường tuk halei jeng kham ngak siam bruk ngak di drei:

“ Meng bruk bac da-a di drei, ye drei thau cambaih jang dom cei di xã ka công nghệ thông tin, drei mai ini tui hatai caong di drei, daong ka puk palei, ka bhap bini xã Đức Phong yau ye patagok kinh tế saong ngak siam bruk di drei. Nan lac kadha bo kol adei caong khin” 

 Hadei di 3 thun peih nagk iek danak dak palih ruah trí thức umo ranaih halan hatian mai ngak bruk di dom xã kan kandah, 500 trí thức ranaih umo di 34 tỉnh hu ba mai dom xã palei pala saong bhum ceik dom tỉnh dalam taneh ia. Dom trí thức nan rik daong oh takik ka bruk padang ngak palei pala  saong bhum ceik, ba mai rilo urang jakar ngak bruk suai lavik  di dom bhum palei biak kan kandah. Dom trí thức nan samar thau hu bruk di palei, ngak siam bruk hu jao brei,  kak kajap haong puk palei. Hu urang khang hatai ba tabiak dom jalan ngak patagok kinh tế - xã hội saong ba tame ngak hu jak jeng. Ong Nguyen Tri, Akok Jabat Padang karja saong Bruk dam dara, Sở Nội vụ Tỉnh Thừa Thiên – Huế brei thau:

“ Dom urang hu mbaok tame danak dak trí thức umo ranaih halan hatain  di Thừa Thiên –Huế biak sami samar, daong ka tỉnh dalam 5 bruk: Taneh riya, Tư pháp, Thống kê, Kế toán saong Ilamu xã hội. Tasong abih 31 urang halan hatian hu taong yaom lac ngak siam bruk ngak saong rilo urang ngak biak siam  bruk di drei.”

 Tal urak ini, labaih 200 dalam 500 tri thức halan hatian di Danak dak hu tame Đảng, 141 hu pakat ủy, karja palei sangka, brei bac pasram paih tame Đảng. Urang ngak praongdi dom palei taong yaom glaong ka ilamu chuyên môn, jalan diuk rai di dom urang nan.  Ông Vũ Đăng Minh, Akok Vụ Công tác Dam dara di  Mentri Nội vụ lac, jaik abih dom urang halan hatian tadaun hu bruk daong di pakat ủy, karja palei  saong hu mikva anit ranam, jia tame.

“ Bruk ngakhu jak jeng ralo siam gheih di danak dak nan lac dom  trí thức umo ranaih mai xã ngak bruk saong patagok bruk ngak di drei, rik daong patagok kinh tế xã hội  di dom palei, padang ngak palei pala birau, patruh iek patrun kathaot. Tapa bruk ngak, ralo urang kham merat, pasram patia hu tame Đảng. Dom urang nan ngak biak siam bruk chuyên môn, brei mboh naih joi bruk ngak.”

 Abih hatung hatian, sami samar , takre ngak piah bac megru ka rup drei, dom urang hu mbaok tame Danak dak 500  hu peih tabiak jalan ngak mbang birau ka dom xã bhum ceik , palei pala biak kan kandah. Dom dam dara trí thức  caong khin patui veik bruk pagalong ilamu chuyen mon, piah ba prein ranaih di drei tame ngak rilo bruk daong ka raidiuk bhap bini di a lot ini,  ngak siam bruk ngak di drei di dom xã bhum kan kandah saong bhum ceik car./.