45 dam dara hu mbaok dalam nyaom roya pakat negar dom bangsa takik Việt Nam mbang ka 2 thun 2020 hu mbaok di mbang taom gaok kayua Kapul dam dara CS Hồ Chí Minh pakat negar, Trung ương kapul dam dara Việt Nam peih tabiak. Urak ni, dam dara bangsa takik hu labaih 3, 7 triệu, samu 30,65 % urang bangsa takik saong 15,08% dom dam dara dalam negar. Ong Nguyễn Anh Tuấn, Bí thư thứ nhất Ban Chấp hành Trung ương Đoàn TNCS Hồ Chí Minh, akaok kapul dam dara Việt Nam caong dom dam dara bangsa takik patagok bruk ba akaok nao dahlau, kham marat hu mbaok tame dom bruk ngak di kapul, rik tame bruk padang talei jumpataom bangsa. Tapa nan, 45 dam dara bangsa takik hu jao brei harak manyaom di kapul dam dara CS Hồ Chí Minh pakat negar.

Harei ni (3/12), pahadar harei dunya urang jaoh jo, Mintri Thông tin song  Truyền thông, Uỷ ban pakat negar  ka urang jaoh jo Việt Nam song kapul urang sup meta Việt Nam peih harei pataom iek veik song jao giải pakacah  tin học brei ka  urang sup meta pakat negar mbang ka 2. Dalam nan 46 urang pakacah hu palih ruah hu mbaok tame  Vòng chung khảo, hu  3 giải Nhất, 5 giải Nhì, 6 giải Ba song  28 giải Khuyến khích hu jao ka dom urang pakacah naih ghieh. Labaih  40 giải thưởng hu pok meyaom, brei mboh công nghệ thông tin dok peih tabiak sa “abhap hadah hadai ka 2” ka urang sup meta hadei di tuk hu haroh nổi braille (bờ-rai).

Jala pandiak harei ni, Công an ban raya HCM họp báo brei thau bruk ba tabiak langyah tui hukum duas “ngak njom mbak jit kan kandah ka manuac sia” tui paka 240 BLHS 2015. Bruk ngak ni hu ba tabiak hadei di tuk urang likei tiếp viên hàng không Vietnam Airlines - "lac urang ruak 1342" ngak suan biak trak adat brei daok karei, njom ruak ka 3 urang karei. Langiu di nan, " urang ruak 1347" jeng ngak ka dua urang daok di quận 6 njom Covid-19. Kuhria tal dah page 3/12, ban raya HCM oh mboh urang njom bahrau langiu di 4 urang hu khan blaoh. Gah y tế peih bruk pasang iek veik abih dom labik saong urang hu taom gaok haong dom urang ruak, brei daok karei dom urang taom gaok jaik.

Tui khaw tin angaok harak  mbao Người Lao Động, mesup ni, UBND tỉnh Tiền Giang hu tacei pato brei padeih tong abih dom bruk pataom rilo menuac  tal harei 6/12, hadei di tuk tỉnh ni hu sa urang brei dok karei di labik y tế. Tui pathau khan di UBND huyện Châu Thành (Tiền Giang), urang F1 hu bac di pasak Anh ngữ Key English song taom gaok urang ruak ka 1.347, hadei di nan nao thực tập di dom sang iek ruak song gilac mai sang gaok amaik  song  12 urang karei Dok di tỉnh Long An, UBND xã Bình Chánh, huyện Cần Đước brei dok karei sa urang taom gaok  urang ruak ka 1342.

  Sa bruk pametai menuac biak trak, blah mek drap ar bahrau rahtabiak di ban sit Phan Rí Cửa, huyện Tuy Phong, Bình Thuận, urang njauk bala lac muk Nguyễn Thị Lan, daok di huyện Tuy Phong. Dom urang jaka brei thau lac urang metai njauk manuac pametai dalam sang, rilo drap ar cuh mangaok rup lahik abih. Ban Giám đốc Công an tỉnh Bình Thuận hu nao tal Công an huyện Tuy Phong pato tacei pasang iek bruk ni, gam tui di nan jeng padang sa Ban chuyên án piah samar duah mboh urang pametai menuac ini.

Anh jeng negar camereip di dunya brei  pandar vaccine pacang Covid-19. Vaccine kayua 2 hãng jru  Pfizer di  Mỹ song BioNTech di Đức pambuak gauk ngak tabiak  hu pandar di  Anh meng adit tal.Di Prang,Tổng thống Macron khan lac dom nyaom hu mbuan si njom ruak glong hu pandar dahlau dalam mbang camereip klauk vaccine di akaok thun 2021. Di Đức, rajaei cong khin peih bruk klauk vaccine pacang Covid-19 dalam quý 1-2021. Tây Ban Nha khan lac hu blei labaih 50 triệu mbang vaccine, patagok vaccine blei di negar ni tagok 105 triệu mbang.

Dah page ni (3/12), Mintri y tế Campuchia brei thau hu bahrau 2 urang dương tính haong Covid-19 kayua njom mbak dalam rahra. Dua urang njom bahrau jeng hu taom gaok haong urang ruak Covid-19. Mbang tamuh jit Covid-19 dalam rahra hu brei thau lac trak abih di Campuchia meng harei 28/11 tuk sa urang kumei mboh lac dương tính haong Covid-19, dahlau di nan urang ni hu nao tal biak rilo labik, hu taom rilo manuac. Meng harei 29/11 tal urak ni, Campuchia hu dut iek ka 8.766 urang, mboh 19 urang dương tính.

 Tổng thống mek hu jayah Mỹ Joe Biden brei thau Mỹ hu gilac veik thỏa thuận hạt nhân Iran song pambuak bruk song dom negar đồng minh piah peih dom mbang ginum biai bahrau piah pasang iek danak dak  hạt nhân song quân sự di negar ni. Ong Biden jeng ndom lac hadei  di tuk  gilac veik  thỏa thuận song duah thau hatai sahneng di dom negar đồng minh, Mỹ meng peih bruk ginum biai  thỏa thuận patui di nan. Gam haong nan, Mỹ meda jak ba dom đồng minh di Trung Đông hu mbaok tame dom bruk ngak ni./.

Urang lang: Thu Thảo – H.Pha  3/12/2020 16:52:06