Urak ni, labik ni hu rilo uran tuai mai rivang main 

Lac labik hu yaom glaong angaok jalan 15A, khik kajap bruk pajeng ba pandap daong ka  mblang mesruh gah merong negar, Truông Bồn jeng labik rah tabiak catang bruk duk pren khang di dom anek menuac oh huac metai lahik anak mbom siu biak khang di khol khamang . Tok kuhria meng thun 1964 tal thun 1968, lin kapal hoah Mỹ plaik trun Truông Bồn labaih 18.930 boh mbom dom janih  song yaok ribau baoh tên lửa, rốc-két piah cakak klaoh jalan pajeng menuac, pajeng pandap daong ka dom mblang mesruh. Yaom lac mbom siu di kol  khamang yau hajan, rabuk, min meng hatai khang yau pasei, yaok ribau urang jakar, urang lin  dam dara halan hatian nao gam song bol bala ngak jeng angan je Truông Bồn.

Pak di labik ni, hu  1.240 urang jakar, urang lin khang hatai mesruh song ndih trun . Yau ye harei  31-10-1968, 13 urang lin  TNXP di "Tiểu đội thép" ndih trun brei ka Truông Bồn daok miat. Harei  23-9-2008, Akaok negar  pok angan  Anh hùng tapaon nyaom bol pan phao krong bhap bini ka 14 urang lin TNXP Truông Bồn di  "Tiểu đội thép" dane angan. Urak ni, labik inem mek sajarah pakat negar Truông Bồn hu padang ngak angaok taneh praong labaih  21,7 ha di  xã Mỹ Sơn, huyện Ðô Lương, Nghệ An, hu: labik kubo 13 AH liệt sĩ TNXP; rup patau pahadar; tháp chuông; Sa bàn điện tử "Tọa độ lửa" Truông Bồn… Puac thun  2014, Labik inem mek  Truông Bồn hu peih pabah mbang song samar jeng  labik meriah  brei ka bhap bini, abih di nyu nan lac dom uraniah, dam dara, anek saih, sinh viên dalam tỉnh song grauk labik dalam negar mai cuh gilau pahadar dhar phol dom  AHLS.

Ong Trịnh Đăng Hảo, urang dahlau deih ngak bol lin, urak ni dok di palei  4, xã Hưng Lợi, huyện Hưng Nguyên brei thau, dalam saman cách mạng nan, langiu di bol lin halan hatain Việt Nam dong cách mạng Lào ye TNXP lac  gah pajeng ba pandap mbang, phao ndao, peih jalan bahrau tame labik mesruh, pagap yau peih jalan 7B tapa  Tha-đo huyện Kỳ Sơn, Nghệ An tagok Xiêng-khoảng di  Lào. Ong ndom lac, mbiah tal urak ni bruk bayar dhar phor kapul ini hu siam lagaih, min jeng dok dom urang oh ka hu mbang tui sarak kayua oh ginup harak gar:

"Urak ni dalam raidiuk TNXP jeng hu dom labik bo urak ni dom urang ni dok khat lahik, cong khin  Đảng song karja caik hatai sangka jang tal gah  TNXP, piah dong ka urang yam tapa kan kandah, kayua umo thun di dom urang ni oh dok hadom tra"

Meng thun  2015 tal urak ni, Tỉnh đoàn Nghệ An hu ba tabiak rilo bruk dalam dam dara, urang đoàn, sinh viên ngan saong kadha "Pamong tal Truông Bồn", meng dom bruk yau: Pakacah duah thau ka  Truông Bồn; rivang iek song thau dhar phor dom anh hùng, liệt sĩ, hu mbaok tame ngak "bein phun dam dara " di labik inem krung piah ngak jeng labik  siam ka môi trường jang yau dui pachreih tuai damuai. Sở Du lịch tỉnh Nghệ An jeng hu ba labik inem krung  Truông Bồn jeng labik nao tal dalam bruk rivang zirah di  tỉnh, hu: Cửa Lò, palei Wa, Truông Bồn song dom labik  du lịch sinh thái gah pai di tỉnh.

Dalam mbang mai hu mbaok song brei panuac di tuk pahadar 50 thun huyền thoại Truông Bồn, Thủ tướng Rajaei  Nguyễn Xuân Phúc ndom lac, dom rik dong prong di gah TNXP, dalam bruk mesruh metak khik caga taneh ia di bangsa  Việt Nam, meblah veik  độc lập tự do, yasa taneh ia. Thủ tướng Nguyễn Xuân Phúc ndom lac:

"Gam song canah klau  Đồng Lộc, Hang Tám Cô, ban klauk Quảng Trị song rilo labik sajarah karei karei , Truông Bồn nao tame dalam sajarah yau sa  huyền thoại ka bhum taneh ginreih njom bak rilaow drah  di dom  Anh hùng liệt sỹ song hadah tanyah di  chủ nghĩa anh hùng cách mạng, lac labik hadah di bruk mesruh metah pacang Mỹ dong ka taneh ia  song lac bruk hadah mbaok meta di abih khol drei song dom rairah anek taco harei hadei" 

Truông Bồn, lac labik  hadar prein yava di gah TNXP dalam bruk peih paha gah merong negar, yasa taneh ia jang yau bruk ngak praong glaong ka dunya./.

Urang lang: Hanipha