Kayua bruk taong mek ikan di kreh tasik atah nan ye tuk taong mek hu bak ikan, gilai di urang taong ikan njauk nduac meng 4-5 harei tame baoh taneh piah pablei ikan saong blei menyek, blei pandap mbang piah tabiak tasik veik. Yau nan min, dom thun jaik di ini, tuk dom pasak dịch vụ hậu cần bruk ngak ikan pak pulao Trường Sa hu peih tabiak, urang taong ikan mai pasak pablei tapak kaya ikan bahrau taong mek hu saong blei veik dom janih pandap panda kaya kambang, mek aia taba ka mbang nao tasik hadei nan. Meng nan, urang taong ikan patak pataom hu tukvak, patak pataom hu jien tuh xăng menyek saong praong di abih nan lac oh klaak tapa dom bilan ikan.

       Pasak Dịch vụ hậu cần bruk ngak ikan di pulao Đá Tây daok dalam Mentri Ngak nong saong Patagok palei pala hu peih tabiak meng bilan 5/2015 piah duh ka ghe gilai di mikva taong mek ikan di tasik atah. Urak ini, pasak hu 8 sruh gilai pajeng pandap panda meng baoh taneh tabiak pulao saong salih gauk khik iek di labik pulao Đá Tây, caga lệnh nao pasang iek, daong cứu hộ langiu tasik, taphia di nan daok blei veik kaya ikan, pablei pandap panda angaok tasik; ba jalan ka gilai tame labik pataok, daong dom sruh gilai di mikva njauk bala tuk taong ikan. Dalam dom harei tasik riyak khang, pasak dịch vụ hậu cần daok lac labik plaih ribuk ka dom sruh gilai di urang taong ikan. Ong Chu Minh Sơn – Akaok ban Khik iek Pasak Dịch vụ hậu cần bruk ngak ikan Pulao Đá Tây, huyện pulao Trường Sa lac: Taong abih dom dịch vu bo khaol dahlak peih tabiak, tui caong khin di Mentri, palagaih ka mikva taong mek ikan lavik harei angaok tasik, xăng menyek pandap panda khaol dahlak pablei ka mikva ngan haong yaom yau angaok baoh taneh di tukvak nan, pasiam veik ghe gilai oh mek jien công, ba aia taba brei sraoh, pambuak bruk haong gah Hải quân iek ruak ka urang taong ikan, taphia di nan rami ramik brei ghe gilai ka urang taong ikan tame labik pataok plaih ribuk.

        Langiu di pulao Đá Tây, dom baoh pulao karei angaok pulao Trường Sa jeng ngak siam bruk daong ka urang taong ikan, lac labik pagam pambak ka urang taong ikan dalam dom harei tabiak tasik taong mek ikan. Thun 2015, pulao Đá Lớn A hu daong ka 133 mbang gilai kanduh kayau di urang taong ikan veih tame pulao, pabak brei aia taba, xăng menyek, iek ruak saong brei sraoh jru tavao ka urang taong ikan. 5 bilan akaok thun 2016, pulao hu daong 88 mbang gilai di urang taong ikan, cấp cứu 1 urang taong ikan njauk bala. Đại úy Hoàng Văn Sinh – Chính trị viên Đảo Đá Lớn A, huyện pulao Trường Sa lac: Tuk hu urang taong ikan njauk ruak kik atau njauk bala, ye pak ini brei urang tabiak tapak sruh gilai nan atau gilai ba urang ruak mai iek ruak piah brei jru saoh ka urang taong ikan.

         Gam haong sarak daong ba di Karja, urak ini hu ralo urang taong ikan dalam tỉnh Ninh Thuận buh jien tabiak ngak gilai công suất prong tui Nghị định 67 pambuak gauk jeng dom kapul nyaom taong mek ikan di tasik atah, di dom labik taong ikan prong pak pulao Trường Sa mek hu kein laba dalam tukvak tapa. Bruk patagok dịch vụ hậu cần bruk ngak ikan pak dom labik pulao di Trường Sa nan lac sa kadha bui sambai ngan haong urang taong ikan atah ar dalam nan hu urang taong ikan di tỉnh Ninh Thuận. Ong Lê Văn Tín – Akaok Chi cục Khai thác saong khik caga kaya ikan dalam ia tỉnh Ninh Thuận lac: Pualo Đá Tây A lac labik pagam pambak khang kajap ka mikva tabiak tasik, yaok tuk khaol drei taong mek ikan blaoh meda mai pak ini piah pablei salih. Yau nan khaol drei meda patak pataom hu jien padai di mbang nao tasik saong paglaong kein laba di mbang nao taong mek ikan.

          Bruk ngak di dom pasak hậu cần bruk ngak ikan saong dom baoh pulao di Trường Sa nan lac labik pagam pambak khang kajap ka urang taong ikan di kreh riyak praong ngin khang, rik daong haong Hải quân Bhap bani Việt Nam daong ka dom sruh ghe gilai taong mek ikan tabiak tasik, khik caga chủ quyền pulao tasik. Đại tá Nguyễn Công Sơn – Phaok Chính ủy Bộ Tư lệnh bhum 4 Hải quân lac: Njauk ndom lac Hải Quân khaol dahlk biak drut droi tuk hu urang taong ikan veih tame rivang, tuk urang taong ikan tabiak jeng lac kadha bui sambai piah pachreihurang jakar urang lin angaok pulao. Cagar veik, urang jakar, urang lin angaok pulao jeng abih drei ba mbuan lagaih ka urang taoang ikan nao tasik lavik harei. Ini jeng lac bruk brei mboh chủ quyền di khaol drei angaok pulao kaoh Hoàng sa saong Trường Sa.

        Anak tal, angaok dom pulao di Trường Sa meda hu dom labik pataok gilai, labik hậu cần bruk ngak ikan, piah daong biak siam ka urang taong mek ikan dalam labik đặc quyền kinh tế di Việt Nam, rik daong tame bruk khik caga chủ quyền di taneh ia./.