Dalam sa mbang nao tal tỉnh Đồng Nai, sa-ai Trương Văn Điền mong mboh hu bruk raong ikan lăng nha dalam lồng bè pak ini. Meng ilamu lavik thun di sa urang raong ikan tra nan ye saai saneng lac, meda cakrok patagok hu janih ikan ini di labik aia taba pak palei drei piah pablei tabiak darak pasa. Saneng mboh ye ngak, sa-ai Điền nao blei ikan pajaih mai piah lai tạo, piah raong…janih ikan ini. Hadei di jaik sa thun roh duah, dom ikan lăng nha pajaih akaok meti hu tabiak rai saong mboh cakrok biak siam. Oh ka padeih pak nan, sa-ai khang hatai raong ikan piah pataom mek rilo ilamu jang. Dalam dom janih ikan caih caih mebaoh ye drei palih ruah saong roh duah tapa ikan lăng, ikan ini ba mai kein laba siam, giá trị kinh tế glaong. Drei jeng palih ruah yaok thun piah hu pajaih ikan siam.

Tuk ngak hu bloh ngan haong ikan lăng nha, sa-ai Trương Văn Điền jeng oh ka thỏa mãn bo patui veik roh duah dom janih ikan pajaih hu yaom  kinh tế glaong karei, jalan raong pabam karei; ngak brei tagok tỉ lệ diuk ka ikan anek, trun k hat lahik piah patagok kein laba ka urang raong. Ngan haong sa-ai, hatai saneng akaok mereip nan lac darak pasar. Darak pasar caong khin nan lac pren khang piah pachreih sa-ai pataom tame ngak. Ngak hagait jeng pagam haong darak pasar. Hu darak pasar ka drei meng ngak tabiak hu. Urak ini darak pasar ikan lăng mboh ralo dalam negar kayua yaom nyu glaong, pablei tabiak negar langiu daok glaong jang nan ye darak pasar dalam negar grap tanat. Yau nan min, drei jeng patui veik roh duah dom janih ikan aia taba piah pablei tabiak darak pasar dalam tukvak anak tal.

Meng bruk lac mbuan raong, prong samar saong cakrok patagok siam dalam raong bè nan ye ikan lăng nha kayua sa-ai raong mek hu rilo siam mekre, blaoh hu rilo baoh sang raong duah mai bac megru saong duah blei pajaih. Angan siam mehit atah, oh caik hatai tal số lượng bo ưu tiên ka chất lượng ikan pajaih, sa-ai Điền hu buh jien padang ngak rilo jang bồn chứa, danao raong ikan piah paglaong chất lượng ikan pajaih.

Urak ini dalam huyện Hồng Ngự jeng yau dalam tỉnh Đồng Tháp jeng hu rilo baoh sang palao raong janih ikan ini meng anek pajaih di sa-ai Điền. langiu di bruk ba brei ikan pajaih mek hu chất lượng ka urang raong ikan piah pablei, sa-ai Trương Văn Điền daok ba brei bruk ngak ka rilo urang ngak saong hu rilo rik daong prong ka puk palei. Bruk ngak hu di sa-ai jeng hu karja meng Trung ương tal puk palei mboh, thau saong pok meyaom. Ong Trần Văn Dũng, Phaok akaok kapul urang nong huyện Hồng Ngự brei thau: Mô hình di sa-ai Điền hu rik daong ka puk palei cakrok patagok, abih di nyu lac urang ngak. Sa-ai jeng bhian nao taom gaok haong ralo baoh sang jaik taphia. Jaman ini Công nghiệp 4.0 ye urang nong njauk sami samar, oh daok caong pambak tame sa mô hình.

Meng labik siam laghaih saong bruk patagok nghề raong ikan jeng yau ikan lăng nha, bhum taneh akaok halau Hồng Ngự daok dang anak pren khang prong dalam bruk cakrok patagok janih ikan ini, blaoh meda salih ka dom janih ikan karei, raong oh hu laba. Raong glang pambuak pagam haong darak pasar nan lac jalan ngak oh karei hu. Bài toán cung tapa cầu ngan haong pandap panda, kaya nong, kaya ikan dalam aia meda hu padam trun meyah hu rilo urang nong saneng saong ngak tui jalan bo urang nong Trương Văn Điền daok peih ngak./.