-Di palei Sơn Hải, xã Nam Sơn, huyện Ba Chẽ, sang saai Đặng Minh Thu hu dak tame angan sang kathaot di abih. Umo 28 thun hu 3 urang anek, oh hu taneh piah pala drak, luac thun nao ngak apah yau nan ye yaom lac kham merat hadom jeng oh ginup ka 5 pabah mbang dalam sang. Tuk sarak daong brei jien mesaiy patagaok ngak mbang kinh palei pala barau hu peih tabiak, hadei di dom melam  sahaneng  kuhria, saai khang hatai nao mesraiy 200 triệu piah raong limo pablei.  Di palei kathaot bhum glaong, bruk ngak ini urang lac mạo hiểm min saai Đặng Minh Thu jeng khang hatai haong jalan ngak di drei, saong meng hatai khang nan gam saong bruk tari tarieng ngak mbang di sang saai jeng hu pabak veik. Meng 10 drei limo di tuk akaok mereip, hadei di rilo thun ngak mbang, saai bayan hu jaik abih jien mesraiy bo dalam var jeng daok hu 22 drei limo, 10 drei kubao. Saai Thu brei thau:“Urak ini dahlak daok tavak sraiy 50 triệu min. Drei daok ranaih umo bo kathaot ye njauk ngak mbang, jia tame pren yava di drei, kham merat yaok thun mek jien tame meng 70 tal 80 triệu. Urak ini jeng daok rilo urang kathoat jang drei. Drei ngak hu yau nan, ye halan hatian vak harak likau tabiak truh kathaot piah taong abih dom sang gam kham merat patruh kathaot.

-Puk paga saong saai Thu lac diuk pasang saai Đặng Sơn Vĩnh saong saai Lý Thị Vinh, urang Dao Thanh Y, xã Nam Sơn jeng halan hatian likau tabiak truh angan sang kathaot. Yaom lac bruk ngak mbang di diuk pasang saai pagam  pambak tame bruk laok kanduh keo, min hadei di jaik 10 thun daok dalam “bao cấp”, diuk pasang saai njauk hatai gauk kham merat yam tagok.  Saai Lý Thị Vinh khan lac: “Jeng thau lac oh ngak kaya meda hu, min thun halei jeng tagok xã taduan mek pandap sang kathaot lac drei melau rilo. Yau nan ye drei vak harak halan hatian yam tagok min.” 

-Labaih 100 sang bhapbini di huyện kathaot Ba Chẽ eng drei likau tabiak truh kathaot, yam tagok meng pren khang di drei hu urang ranaih jeng yau urang taha. Ngan saong dom urang ini, yaom lac raong glang atau pala drak jeng lac jalan piah patruh kathaot khang kajap meng kham merat, tari tarieng. Ông Nguyễn Công Quyền, Phó akaok uy mban bhapbini huyện Ba Chẽ brei thau, piah hu yau nan, ngan saong huyện kathoat abih di tỉnh Quảng Ninh lac sa bruk “cách mạng”, kayua oh njauk lac harak likau tabiak truh kathaot halei jeng hu taduan mek, taong abih brei hu pasang iek tui dom tiêu chí patrun kathaot rilo gah piah khik ka dom sang bhapbini hu raidiuk tani tanat, hu pandar dom dịch vụ, xã hội cơ bản saong abih di nyu nan lac oh kathaot veik:“Trun kathaot lac oh ngak tui phong trào hu. Kayua meyah ngak tui phong trào ye dom urang nan kathaot veik drah samal. Bruk ini lac pataom iek veik di rilo thun tuk karja daong brei tư liệu sản xuất, dom phun jien saong bruk praong abih lac akaok sahaneng di bhapbini thau kathoat lac rambah, kathoat lac hèn yau nan ye pachreih ba  ka yaok sang kham merat patagok kinh tế. Bloh urang eng drei vak harak, oh lac kayua kateik greik meng tacei pato catang .”

-Patrun kathaot lac bruk ngak praong abih  digah chính trị saong lac 1 tiêu chí piah taong yaom bruk patagok di taneh ia. Akaok sahaneng salih barau, lac jalan piah baoh radaih patruh kathaot nduac samal jang, paglaong chất lượng raidiuk. Min, bruk mesruh pacang eik lipa, kan kathaot di Việt Nam jeng daok rilo glaih glan tuk pak ini pak daih jeng daok hu bruk caong lac sang kathoat. Bruk njauk duh hatai saong njauk lên án lac bruk ngak ini, mai meng dom urang thau ka sarak, caong duah laba ka drei meng dom ưu đãi di urang kathoat yau panuac khan di akaok mintri Lao đông, Thương binh saong  Xã hội, Đào Ngọc Dung dalam mbang nyaom ginum biai Sarak di Quốc hội ka bruk ngak hu dalam dua thun peih ngak bruk patrun kathaot khang kajap tal thun 2020: “Hu dom huyện hu tabiak truh kathaot, min puac di abih jeng daok having akaok, urang jakar huyện likau hu mbang tui chế độ di Sarak 30a (Sarak ka danakdak daong patrun kathaot drah samal saong khang kajap di 61 huyện kathaot.) Yau ye dom xã di Nam Định, dom xã, hu Chủ tịch xã brei anek nao ngak anek raong piah ba tame angan sang kathaot piah mbang tui sarak ini. Jeng hu Chủ tịch xã njauk tame guk kayua bruk ini. Taong abih dom bruk ini hu langyah catang njauk tui quy định di adat hukum”.

-Dom urang halan hatian vak harak tabiak truh kathaot yaom lac rilo atau takik jeng njauk hu pok meyaom. Kayua ngan saong dom urang ini, yaom lac raidiuk daok kurang likuk kurang anak, min dom urang ini oh kurang nhân cách saong hatai tự trọng./.