Bhap bini hu medhi njom ruak brei dut iek pak di labik 

Mentri Công thương brei thau daok samar tacei pato dom đơn vị peih bruk trun yaom điện, trun jien điện mbang ka 3 dalam 7 bilan, kuhria meng hóa đơn jien điện bilan 6/2021 tal bilan 12 thun 2021. Tui nan, trun jien điện ka dom labik dulich brei tyai ndik daok veik meng yaom pablei điện lẻ ka bruk pablei salih trun sumu yaom pablei điện lẻ ka dom labik ngak tabiak pandap panda; trun 100% jien điện ka dom labik daok pandar ngak labik daok karei, iek ruak ka urang ruak Covid-19 pataom sa labik oh mek jien. Dom labik y te daok pandar piah dut iek ruak, taong ruak ka urang Covid-19 hu trun 20%jien điện. Kuhria abih tih jien daong lac meng 1.200 – 1.300 tỷ đồng.

  Tui jalan ba tabiak lac mek 45.000 mẫu dut iek ka urang ngak di labik công nghệ glaong TPHCM njauk padeih kayua y tế pataom prein tame mek mau di dom labik ban Thủ Đức hu F0, F1. Tui mban khik ramik labik công nghệ glaong, jit ruak di ban Thủ Đức daok rahtabiak sarau kadhau, hu 7 urang medil lac njom ruak yau nan ye njauk pataom kapul nao pasang iek. Nan ye bruk mek mau dut iek ruak ka taong abih urang ngak dalam labik công nghệ glaong njauk kadun veik hadei di tuk mek labaih 41.000 mau. Tui jalan ba tabiak, ban raya HCM meda mek mau dut iek pasang iek Covid-19 ka labaih 320.000 urang daok ngak bruk di 17 labik chế xuất, công nghiệp, labik công nghệ glaong.

UB bhap bini tỉnh Bình Phước birau hu harak ka bruk brei buh jien daong pabak ka dom gah hu mbaok tame pacang caga jit Covid-19 di tỉnh meng kadung jien karja tinh. Tui nan, urang pasang iek, duah thau ka ruak; urang hu mbaok iek ruak, dut iek taong ruak ka urang jiak njom, atau njom ruak Covid-19; urang ngak bruk mek mau, ngak xet nghiem SARS-CoV-2 di balai y te hu daong abih tih 400 ribau đồng sa urang sa harei…Tukvak ba tame pandar meng harei 1/6/2021 mbiah tal tuk hu panuac khan birau.

Harei ni (4/6), Công ty TNHH BOT tatua Rạch Miễu (tỉnh Bến Tre) brei thau danak dak buh jien tame padang ngak tatua Rạch Miễu- jalan raya 60 tỉnh Tiền Giang- Bến Tre meda patui veik bruk mek jien tukvak ka 2 meng bilan 7 thun ni, dalam tukvak labaih 7 thun. Danak dak hu 2 tukvak ngan haong abih tih jien buh tame ngak jaik 3.000 tỷ đồng, pambuak pagam dua tỉnh Tiền Giang saong Bến Tre. Urak ni, yaok harei melam hu jaik 20 ribau mbang ô tô nao tapa tatua Rạch Miễu, daok tuk roya Tết dom sruh radaih tagok labaih 30%.

Hadei di labaih 4 bilan khởi tố bruk dauk plaih je di  Công ty TNHH Dược phẩm Sơn Minh, sang pablei jru Mẫn Sơn Minh saong sang pablei jru Sĩ Mẫn piah pasang iek, Công an tỉnh Đồng Nai birau ba tabiak koah tui hukum, pakauk oh brei tabiak truh labik daok ngan saong dua urang lac ong Lê Dương Sơn Minh, Lê Dương Sĩ Mẫn kayua dauk kak jien je. Tapa duah thau, cong an tỉnh brei thau: Yaom jien pablei salih jru daok khik dalam CPU komputer di dua sang pablei jru  nan glaong biar jang gauk rilo dut saong bruk khan brei jabat kak je. Dom daonh nghiep oh hu tabiak hoa đơn tuk pablei jru. Hu thau, dom labik pablei jru nan lac labik pablei jru ka TPHCM saong dom tỉnh bhum Đông Nam bộ.

Anh saong Australia daok jhul patagok dom mbang ginum biai piah samar drah mek hu sa sanya pablei salih di dua gah dalam bilan 6, tui kuhria meda daong GDP di Anh tagok jang 708 triệu USD dalam suai damuai. Ni hu brei thau lac sa dalam dom jalan ngak hadei Brexit di London piah padang sa gah pablei salih saong dom bruk pambuak gauk biak khang jang dalam bhum Ấn Độ Dương - Thái Bình Dương. Gam tui di nan lac sa jalan nao hu makna praong piah ka Anh hu mbaok tame Hiệp định pambuak gauk abih gah saong siam makre tapa Thái Bình Dương (CPTPP).

Hoi dong bảo an LHQ meda nyaom biai di harei 8/6 anak tal piah ginum biai bruk ứng cử viên Tổng thư ký tukvak 2022-2026. Ong An-tô-ni-ô Guê-tê-rết (António Guterres)-Tổng Thư ký urak ini meda lac urang ứng cử duy nhất. Dahlau di nan, ndem ka dom bruk brei ngak dahlau dalam vaktu 2022-2026, ong An-tô-ni-ô Guê-tê-rết brei thau meda pataom tame bruk pacang caga jit praong Covid-19 saong pasiam veik dom bruk kan kandah kayua jit ruak; kham merat  jhul pakhang bruk salamat saong an ninh, dalam nan pataom tame duah jalan langah chinh tri ka dom bruk sraw kadau dui atah.

France hu alin Xê-nê-gan 184 ribau mbang vắcxin caga Covid-19 di hãng AstraZeneca tapa danak dak COVAX. Ni lac lô vắcxin ka dua Xê-nê-gan taduan hu tapa danak dak COVAX hadei di mbang akaok meti taduan 324.000 mbang di bilan 3. Dahlau di nan, France brei thau meda pambuak jaik haong dom negar châu Phi piah klauk vắcxin ka 40% rahra di dunya di puac thun ni. Tui gah Y tế dunya (WHO), labaih 1 tỷ 5 rituh trieu mbang vắcxin caga Covid-19 hu klauk di dunya min bahrau hu 1% dalam dom vaccine nan hu klauk di châu Phi./.

Urang lang: Ái Nghiêm- Thu Thảo -4/6