Sở Y tế peih ginum biai online ka bruk klauk vaccine COVID-19 ka uranaih meng 12-17 thun di ban raya

Tui Mentri Y te, dom harei tapa hu 381.000 urang meng dom tỉnh, ban hu jit di bhum gah Meraong negar mai palei, hu mek mau dut iek ka labaih 363.400 urang saong hu 6.222 urang dương tính, dalam nan rilo urang hu klauk jru vaccine blaoh. Dom tỉnh brei thau bruk kan kandah dalam ngak tui dom jalan khik iek menuac mai veik meng tỉnh mbuan hu jit pakat 1, pakat 2 min daok di xã, phường mbuan hu jit pakat 3, pakat 4. Dom tỉnh, ban caong brei ngak dom jalan catang jang, tapa bruk ba tabiak di Mentri Y tế saong Sarak 128 di Rajaei, yau ye dut iek mboh PCR âm tính, brei daok karei urang mai meng dom tỉnh daok hu urang njom Covid-19.

Meng harei ni (28/10), rilo quận, huyện di ban raya.HCM hu peih bruk klauk vaccine ka uranaih dalam tuk brei khik siam mekre salamad dalam bruk klauk jru. Tui kuhria bier harei 28/10, Sở Y tế peih ginum biai online ka bruk klauk vaccine COVID-19 ka uranaih meng 12-17 thun di ban raya. Dalam harei camereip (27/10), Ban raya HCM peih bruk klauk vaccine pacang COVID-19 ka 1.688 anek saih di huyện Củ Chi song quận 1, urak ni tong abih jeng hi siam mekre, oh hu anek saih halei gaok hagait hadei di tuk klauk bloh. Hu 10 uranaih padeih klauk kayua njom COVID-19 dalam 6 bilan, saong hu ruak dalam rup.

Sở Y tế tỉnh Bình Dương hu harak langyah saong taduan lac hu bruk uranaih umo ala 18 thun dalam tỉnh hu klauk vaccine pacang Covid-19 dahlau di tuk Mentri Y te brei adat klauk jru, dalam nan ralo meng lac anek, kamuan di urang ngak bruk pacang jit ruak. Dom urang hu thau tuk tame dom labik klauk jru dalam tỉnh piah klauk mbang 2. Urak ini, hadei di tuk Mentri Y tế brei adat, Sở Y tế Bình Dương hu payua harak pathau khan UB bhap bini tỉnh ka bruk caga klauk vaccine pacang Covid-19 ka uranaih umo meng 12 -18 thun. Bruk klauk jru hu peih ngak meng puac bilan 10 piah dom adei samar hu tame veik sang bac tuk hu klauk jru vaccine ginup abih.

Sở Lao động Thương binh song Xã hội tỉnh Ninh Thuận brei thau tal urak ni hu dong labaih 44 tỷ 700 triệu đồng ka jiak 30.000 urang ngak bruk tự do gaok kan kandah tui sarak 68. UBND tỉnh brei pabak (mbang ka 4), dong ka dom urang ngak bruk tự do dok dalam tỉnh ngak bruk di ban. Phan Rang - Tháp Chàm song huyện Ninh Phước, atau di dom tỉnh pandar sarak 16 di Thủ tướng rajaei bo oh ka taduan hu pok jien dong. Ngan song labaih 14.000 bhap bini rahra meng dom tỉnh, ban gah merong mai veik palei, rilo meng taduan hu jien dong meng dom tỉnh: Đồng Nai, Bình Dương, TP.HCM.

Chi cục Raong glang saong Thú y tỉnh Tây Ninh daok samar pasang iek, peih bruk klauk pacang, klauk pabak vaccine ka labaih 80% tapon athur raong, manuk ada piah caga ruak, abih di nyu lac ruak tangi hijao di pabui saong ruak kalik tamuh baoh di kubao, limo. Dalam tỉnh hu jaik 11.000 drei limo di 5.300 baoh sang raong di abih 9 huyen, ban sit njauk ruak kalik tamuh baoh. Dalam nan, hu jaik 1.800 drei limo metai, njauk ba nao am cuh klak tui hukum, kuhria abih tih labaih 200 tấn.

Tổng thống Mỹ Joe Biden biak suh sah song hu panuac oh njauk hatai "dom bruk ngak kateik greik" di Trung Quốc angaok tasik Đài Loan di nyaom biai pakat glong Đông Á. Hu mbaok dalam mbang ni hu urang pal akaok di 18 taneh ia châu Á - Thái Bình Dương, dalam nan hu Thủ tướng Trung Quốc Lý Khắc Cường song Tổng thống Nga Vladimir Putin. Panuac nan hu batabiak dalam tuk bruk dok catang tagok di Mỹ song Trung Quốc dalam bruk Đài Loan. Tổng thống Biden brei thau Mỹ meda dong pacang Đài Loan meyah bol lin Trung Quốc tong tame palao kaoh.

  Dom taneh ia Đông Âu yau Ba Lan, Hungary, Czech daok hu urang ruak Covid-19 tagok rilo. Urang hu klauk jru di rilo taneh ia Đông Âu biar jang rilo mbang tanut kuhria rah tapa 74% di dom taneh ia daok veik di bhum Đông Âu. Kuhria tal harei 21/10, châu Âu klauk hu labaih 1 tỉ mbang vaccine, min hu parabha oh sumu gauk. Tui WHO, dom urang njom Covid-19 birau di châu Âu tagok 18% dalam adit tapa saong lac adit tagok mbang ka 4 gam gam, urang metai jeng tagok 14%. Uỷ ban samar drah di WHO mboh lac: Langyah bruk rah tabiak urak ini saong dom bruk kuhria mboh dahlau brei mboh lac jit praong Covid-19 daok suai lavik meng abih.

Urang dang akaok bol bala Sudan Abdel Fattah al-Burhan, pal akaok bol lin pajaleih karja harei 25/10 meng bloh, brei padeih ngak 6 đại sứ di negar langiu, dalam nan hu Mỹ, Liên minh châu Âu, Trung Quốc, Quatar, Prang song urang pal akaok kapul di Sudan daok di Geneve. Bhap bini dunya hu panuac oh njauk hatai ka bruk pajaleih karja di bol bala, saong ieu pasiam veik karja dân sự di taneh ia ni. Liên minh châu Phi harei kabroi brei padeih bruk ngak thành viên di Sudan, dalam tuk gilang pariak dunya hu panuac lac padeih dong ka taneh ia Bắc Phi ni./.

Urang lang: Ai Nghiem – Hani Pha – 28/10