Tui Mentri Y tế page ini oh hu thei birau njom anek ruak nCoV. Dalam 24 tuk tapa hu veik 3 urang njom ruak, dalam nan  sa urang daok di Hải Dương saong dua urang negar langiu tame hu brei daok karei chip. Meng harei 8/3, Viet Nam peih bruk klauk vaccine caga ruak Civid-19. Kuhria tal page ini 11/3 hu 955 urang hu klauk jru. Hu dom urang klauk bloh mboh pandiak, barah di labik klauk jru, tagok baoh, pandik rak, pandik akok, aih caraoh…Viet Nam urak hu 117.500 mbang vaccine Covid-19 AstraZeneca duh ka Danak dak klauk jru peih praong dalam negar, hu parabha ka 13 tỉnh daok hu jit, dalam nan 14 Pasak Pasang iek Ruak kik saong 21 labaik taong ruak Covid-19.

Mintri  Y tế melam  10/3 brei thau ka bruk mek angan ngak ja dalam bruk pabak,  pablei salih  vắc-xin Covid-19. Tui nan, tuk vak tapa hu rilo kapul nyaom, doanh nghiệp dok dalam song langiu negar  ngak harak gar tut angan, taom gaok Mintri Y tế piah daa blei vắc-xin Covid-19 di  Moderna (Mỹ), AstraZeneca … Min,tapa pasang iek, dom urang ngak tabiak vaccine nan urak ni oh hu adat brei lambaok di dom kapul nyaom, menuac urang ni. Mintri  tế hu panuac kakei dom jabat, kapul nyaom, tuk taduan hu dom panuac ieu pambuak gauk  pabak vắc-xin pacang Covid-19 brei samar duah thau ka nyu cambaih laih.

Sở Jalan mbak pajeng ba tỉnh Bà Rịa-Vũng Tàu birau likau UB bhap bini tỉnh brei peih ngak danak dak peih praong jalan 994, lac jalan tapen tasik meng Vũng Tàu tal Bình Châu, ngan saong phun jien buh tame ngak 7.150 tỷ đồng. Urak ini jalan 994 lac jalan taneran pakat 3, meng ban sit Phú Mỹ tal jalan 55 taphia tỉnh Bình Thuận. Tui kuhria mboh di gah daong bruk, tal thun 2040, jalan nan njauk peih praong 4 jalan radiah, 2050 lac 6 jalan radaih piah duh ka bruk patagok dulich gah Easar di tỉnh saong prein pambuak pagam, duh ka bruk pajeng ba dalam tỉnh jeng yau dom tỉnh karei.

Harei 11/3, Chi cục Kiểm lâm bhum IV (hu jabat daok di Đắk Lắk) brei thau, jabat chức năng bahrau duah mboh sa bruk palai pajoa glai  prong  di xã Yang Mao, huyện Krông Bông (tỉnh Đắk Lắk). Di tiểu khu 1204 (di glai Buôn Tul) hu 2 labik glai njauk jah tah, abih tih kayau jiak  39m3. Dom phun kayau  njauk tah trun hu đường kính biak prong, meng  40cm tal 100cm. Tuk pasang iek oh mboh urang jah tak song oh hu urang halei mai taduan dom kayau nan.

Dalam harak pathau khan birau ini di Gah Kỷ lục Việt Nam saong Kapol Top Việt Nam ka  Top 100 jinih pandap mbang bingi karei saong Top 100 pandap alin dalam negar, Bình Thuận hu 5 angan jnaih pandap mbang bingi karei. Nan lac lẩu thả, jantak mực pambu saharei, ia mesir Phan Thiết, alak vang thanh long saong thanh long bluh thu. Ini lac sa dalam takik tỉnh hu palih ruah 5 janih pandap mbang brei mboh bruk rilo pandap mbang kaya bingi di Bình Thuận. Meyah thau ba tame pandar siam, nan meda lac prein khang dui pachreih tuai damuai, rik daong cak rok patagok dulich di tỉnh.

Tapa bruk plaik phiếu di Hạ viện harei  10/3, Quốc hội Mỹ hu brei tapa pok jien dong Covid-19 yaom  1.900 tỷ đô la, ni hu mong lac jayah prong camereip abih di rajaei Tổng thống Joe Biden. Danak dak hukum hu angan ieu lac “jalan dong negar  Mỹ” hu dong ka dom rahra  Mỹ 1.400 đô la, dui atah tuk vak dong ka yaok  triệu urang lahik bruk ngak song dong ka dom boh sang hu uranaih. Danak dak hukum jeng hu caik tabiak yaok pluh tỷ đô la ka bruk dut iek  Covid-19, duah thau song patagok vaccine, pamong tal bruk ngak tabiak ginup  vaccine ka dom rahra  Mỹ dalam puac bilan  5. Tui kuhria Tổng thống Joe Biden hu mbaoh tangin tame danak dak hukum  ni di harei page 12/3.

Tok dalam sa harei 10/3, Ba Lan hu 17.260 urang birau njom ruak Covid-19, glaong abih kuhria meng bilan 11 thun blaoh. Kuhria taong abih urang njom Covid-19 di Ba Lan tapa tanut 1,8 trieu, dalam nan hu jaik 46 ribau urang metai. Bruk ba tal njom mbak khang, sa binah lac kayua virut njom mbak samar drah. Dreih yau dom taneh ia dalam Liên minh châu A6u, danak dak klauk jru di Ba Lan daok suai damuai kayua bruk pabak vaccine meng dom labik ngak tabiak daok brei padeih.

Harei 10/3, Hội đồng Bảo an Liên Hợp Quốc hu brei tapa panuac ka bruk di Myanmar. Tui nan, Hội đồng Bảo an brei mboh hatai suh sah ka dom bruk rah tabiak jiak di ni hadei di tuk bol bala Myanmar tabiak bruk samar drah di negar ni harei 1/2; Bruk chap mek dom menuac di rajaei song hu panuac ieu peih palao chip dom urang ni. Hội đồng Bảo an jeng lên án dom bruk tong paoh, pachreih bruk ginum biai siam mekre, langyah, lagaih hong hatai khin song kein laba di bhap bini Myanmar./.

Urang lang: H.Pha - A.Nghiêm - 11/3/2021  10:26:34