Caik camera pasang iek di 14 jalan pasak ban raya  HCM 

Tui Mintri Công an, bruk buh jien tame danak dak, pabak brei saong khik ramik căn cước công dân di Mintri Công an hu Thủ tướng brei ngak meng Sarak 1368. Danak dak hu yaom jien tui kuhria 2.800 tỷ đồng, meda hu peih ngak gam gam saong danak dak Cơ sở dữ liệu pakat negar ka bhap bini, tui kuhria ba tame pandar meng akaok thun 2021. Tuk peih ngak danak dak, Mintri Công an meda njauk mek tame dom khau tin pambuak tal rahra piah khik ramik menuac urang, hộ khẩu; pabak dữ liệu thaot binguk, sinh trắc học. Mintri Công an hu peih bruk pabak thẻ căn cước công dân hu mã vạch meng thun 2016, tal urak ni 16 tỉnh, ban hu pabak brei labaih 16 triệu thẻ.

6 chuyên gia Japon harei  18/9 mai tal ban raya HCM, brei daok paatah  14 harei pacang  Covid-19 piah taduan radeih Metro ka  1 (Bến Thành - Suối Tiên) tuk kuhira hu ba mai di bilan 10. Langiu di 6 urang ni, 2 chuyên gia Hàn Quốc ngak bruk di danak dak  hu tame VN harei  24/8. Hadei di tuk paatah di gauk  14 harei  urang hu peih bruk padang tabung ga Tân Cảng, quận Bình Thạnh. Ni lac mblang radeih prong abih  min oh ka ngak salah bruk tauk tabung  dalam tong abih tih  11 ga angaok glong di jalan  Metro ka  1. Metro ka 1 atah jiak  20 km, tong abih tih phun jien buh tabiak ngak labaih 43.700 tỷ đồng. ban raya HCM batabiak bruk lac tal abih thun ni, danak dak hu  85% bruk ngak song ba tame pandar di puac thun 2021.

Hadei di mbang trun jien laba di krieh bilan 8, dom gilang pariak urak ni trun viek, hu labik biyar jien laba ala 3% ka tukvak 1 bilan. Dalam tuk dom doanh nghiệp patakik bruk ngak atau daok ndih cang tapa jit ruak, gilang pariak daok laik tame bruk hu jien min oh brei masre hu. Taeng di ban raya HCM, taong abih phun jien ieu pataom di dom kapul tín dụng kuhria tal puac bilan 8 tagok 4,55% dut saong puac thun 2019 dalam tuk bruk brei mesraiy tok tagok 3,68%.

Jiak 6 bilan caik  camera pasang iek di  14 jalan pasak ban raya  HCM hu jiak 1.600 ôtô suan hukum, dalam nan hu  265 mbang njuak nộp phạt, meblah jiak 17%. Pasak khik ramik  bruk nao mai angaok jalan brei thau lac hu khik caga brei camera hu tani tanat. Urak ni, pasak ni khik ramik 762 camera pasang iek. Dữ liệu meng dom camera ni hu klah rabha song Công an ban raya HCM, Kênh VOV giao thông, dom quận huyện... piah tagok pasang iek bruk nao mai, an ninh song  trật tự. Sở pajeng ba ban raya  dok roh duah piah tagok meng 8-10 jalan caik camera di labik pasak, dom labik hu radaih nao mai rilo. 

Palei bingu kiểng Sa Đéc praong 510 ha hu 2.300 sang daok di phường Tân Quy Đông meda hu buh jien tame 600 tỷ đồng padang ngak palei ilamo  du lịch. Nan lac bruk di danak dak bahrau hu UBND Đồng Tháp brei tapa, hu dua vaktu (2020-2025 saong 2026-2030). Palei binguk Sa Đéc hu tabiak rai labaih 100 thun dahlau, yaok thun rok yaok triệu mbang tuai damuai. Labik pala binguk kiểng praong abih di gah miền Tây yaok thun pabak 7- 8 triệu pandap bingu ka darak pasa dalam negar, blei tabiak negar langiu tapa Campuchia, mek hu labaih 1.400 tỷ đồng, meblah labaih 70% yaom ngak nong di pak ni.

GAh Y tế dunya  (WHO) brei thau angan dom urang di Hội đồng tong yaom bruk langyah jit prong Covid-19 dunya , dalam nan hu rilo urang jakar song giáo sư, tiến sĩ di  11 negar di dunya. Gam dang akaok  Hội đồng, urang dahlau deih ngak Thủ tướng New Zealand Hê-len Clác song uranf dahlau deih ngak  Tổng thống Li-bê-ri Ê-len Giôn-sơn brei thau, jalan ngak di bruk  padang  Hội đồng piah duah thau asar anek ruak, jalan njom mbak, dom bruk gam tal pren yava, kinh tế - chính trị… song ba tabiak panuac kakei karei ka yaok negar di dunya ka bruk pacang caga jit ruak prong di anak tal. 

Mbang par pakat dunya camriep abih hadei di labaih 5 bilan bahrau par trun di ban ine Trung Quốc, tamat mbang par nao meng ban ine Phnom Penh di Campuchia, hadei di tuk sarak pakauk tuai negar langiu tal Bắc Kinh hu ngak cadu. Gah kapar haoh Trung Quốc brei tame negar dom tuai meng Thái Lan, Campuchia, Pakistan, Hy Lạp, Đan Mạch, Áo, Thụy Điển – lac dom negar hu brei thau lac mbuan njom Covid-19 bier. Tuai damuai mai tal Trung Quốc njauk ba tabiak harak dut iek âm tính dalau tuk tagok ahaoh, daok karei 14 harei tuk par tal labik saong tapa dua mbang dut iek karei.

Bol lin  Lebanon bahrau duah mboh gilang hu 4,35 tấn amoni nitrat dok jiak labik tame pambah lamnge Beirut, labik rah tabiak mbang patuh gilang hóa chất yau nan dalam bilan dahlau. Dom kỹ sư hu ba tal pak ni piah langyah  dom hóa chất nan. Gilang  hóa chất bahrau duah mboh  hu sa bilan hadei di tuk  ban ine Beirut tatuan megei kayua patuh gilang  hu  2.750 tấn amoni nitrat, samu  240 tấn TNT. Bala di harei 4/8 hu jiak  200 urang metai, labaih 6.500 urang njauk rambuac, yaok rituh ribau urang lahik sang danaok  song khut khat tapak tal 15 tỷ USD. Meng hadei di patuh, rilo urang jakar rajaei Lebanon ngak harak likau padeih bruk./.

Urang lang: Thu Thảo – Hani Pha – 04/09 16:38:03