Truy tố tapon urang ba manuac Trung Quốc tame negar suan hukum di Đà Nẵng

Akaok mintri Công Thương brei mek veik bruk bhap bini hu palih ruah pandar  điện sa yaom atau điện bậc thang. Salih tame nan lac, daok mek panuac  ka yaom điện bậc thang trun  6 bậc dok 5 bậc. Cục Điều tiết điện lực (mintri Công Thương) brei thau: dom jalan ngak ka yaom 2A song  2B yaom lac hu siam lagaih yau hu brei ka tuai hu palih ruah  yaom kaom tui jalan sa yaom  atau bậc thang min tavak tavaiy prong di abih lac oh pachreih hu tuai  pandar  điện patak pataom, dalam tuk ni lac sa dalam dom sarak prong di rajaei song mintri Công Thương.

Tui Mintri pato magru, bruk pacacah tamat THPT thun 2020 meda hu dom sở pato magru khan brei thau di harei 27/8. Bruk pasang iek, pilih ruah brei panuac lac tamat  THPT dahlau di abih kayua dom Sở pato magru ngak saong salah suai abih di harei 30/8 piah harei 4/9 brei harak chứng nhận tamat bac THPT tạm thời, học bạ saong dom harak chứng nhận karei ka urang pacacah. Dom urang pacacah hu caong khin phúc khảo kadha pacacah meda buh harak đơn di labik tut angan pilih ruah meng harei 27/8. Bruk pasang iek, pilih ruah brei panuac lac tamat  THPT hadei di tuk phúc khảo meda ngak salah suai abih di harei 23/9.

Kayua srau kadau di jit Covid-19 gam song bilan takik hu rija roya nan ye bruk nao mai di bhap bini biak takik, ngak ka dom hãng kapan haoh gam gam trun yaom harak  vé, lap tal tanut yau brei saoh. Dalam harak pok sap ieu tagok Thủ tướng, Kapul doanh nghiệp Hàng không Việt Nam hu panuac ieu rajaei daong palagaih ka dom  hãng hu mesraiy 25 ribau - 27 ribau tỷ đồng, dong jien laba meng 3-4 thun; dui atah bruk trun jien  dịch vụ hàng không tal abih thun 2021; saong tacei pato brei trun 50% dom janih jien dịch vụ hàng không. Abih di nyu nan lac, hu panuac ieu Thủ tướng brei adat peih jalan par veik ngan song dom negar pasang iek hu jit ruak  Covid-19, roh duah patabiak dom tanut ka bruk pacang caga  jit  và song pasang iek njom mbak dalam bruk pajeng ba meng kapal haoh.

Viện Kiểm sát bhap bini ban Đà Nẵng bahrau tabiak harak truy tố tapon urang ba manuac Trung Quốc tame negar suan hukum di Đà Nẵng. Dom urang nan njauk dus "peih bruk ka urang tame negar Việt Nam suan hukum " hu Chen Xian Fa (ndik tapui thun 1993, negar Trung Quốc), Hồ Thị Thu Trinh (ndik tapui thun 1996, daok di Quảng Nam) saong Huỳnh Ngọc Diễm (ndik tapui thun 1979, daok di ban Đà Nẵng). Meng tuk duah mboh bruk ni, Công an ban Đà Nẵng hu peih bruk pasang iek dom urang daok saong duah mboh labaih 110 urang Trung Quốctame negar suan hukum. Taong abih dom urang ni jeng hu dut iek Covid-19 saong ka oh mboh urang halei dương tính saong virus SARS-CoV-2. 

Peih ngak sarak  34 thun 2019 di rajaei, tal puac thun ni, Bình Thuận brei patrun 248 urang ngak bruk pakat  xã dalam abih tih 2.600  urang jakar, urang ngak  di 124 đơn vị hành chính. Ndom ka jalan ngak, bruk rimi ramik, brei bruk, patrun patakik brei khik kajap dom bruk ngak di pakat  ủy, đkapul nyaom chính trị song karja pakat  xã jeng hu urang ngak , peih ngak tui jalan ưu tiên ka dom urang jakar, công chức daok hu di pak ni. Dom urang halei labaih ye langyah tui sarak di rajaei  song sarak di  Hđbhap bin  tỉnh. Langiu di nan, tong abih dom  xã, phường ban sit  jeng meda patrun labaih  900 urang ngak oh  chuyên trách di rilo bruk ngak karei di gauk .

Dalam tuk talei pambuak bruk di Trung Quốc – Mỹ daok catang tagok, Tổng thống Mỹ Donald Trumph hu panuac lac brei padieh oh thau tal harei halei bruk ginum baai pablei salih Trung – Mỹ, tui kuhria hu peih tabiak di adit blaoh. Urang dang akaok negar Mỹ ka oh khan brei thau cambaih vaktu peih viek bruk ginum baai. Tui jalan ba tabiak tuk camriep, urang lambaok di Mỹ saong Trung Quốc ginum baai di harei 15/8 piah taong yaom bruk cak rok patagok di sanya pablei salih Mỹ - Trung vaktu 1, hu mbaoh tangin di akaok thun ni. Sanya ni hu maong lac padeih bruk mesruh gauk gah pablei salih di Mỹ saong Trung Quốc hadei di tuk dua gah kak je tagok labaih 500 tỷ USD pandap panda di gauk.

Hội đồng Bảo an Liên Hợp Quốc ginum biai samar di beir harei ni  (19/8) tui panuac ieu di Prang song Niger, Piah ginum biai ka bruk Mali, hadei di tuk bol bala negar ni  chap mek Tổng thống I-bra-him Bu-ba-ca Cây-ta song rilo urang karei karei dalam rajaei, pacap Tổng thống tabiak panuac lac padeih bruk. Liên Hợp Quốc song Liên minh châu Phi hu panuac lên án  bruk ngak di bol bala Ma-li,  ieu peih palao chip Tổng thống song dom urang pal akaok rajaei. Urang dang akaok gah  đối ngoại di Liên minh châu Âu EU - ong Giô-xép Bo-ren hu panuac lac dom bruk khin pajaleih, khin salih karei jeng lac suan hukum negar di taneh ia châu Phi ni.

Mintri Quốc phòng Nga brei thau sa Thiếu tướng saong 3 urang lin di negar ni metai kayua sa mbang patuh di Syria. Dahlau nan, sa kapul pasang iek haong gauk di Nga haong Thổ Nhĩ Kỳ di labik Idlib – Syria jeng njauk bom min oh hu urang halei njauk hagait. Tui blah Pledge Times, thiếu tướng metai dalam mbang patuh nan lac ong Vyacheslav Gladkikh saong bruk taong tame rahtabiak di harei 18/8, tuk kapul bol lin Nga daok mai veik hadei di tuk ngak bruk pahla./.

 Urang lang: Thu Thảo – Hani Pha – 19/08 15:36:49