Meng kreh melam harei 31/5, Ban raya HCM ngak tui Sarak 15 di Thủ tướng Rajaei dalam Ban raya

Page 31/5, Mentri Y tế brei thau, dalam 12 tuk tapa, dalam negar hu veik 61 urang njom Cobid-19 di Bắc Giang, Hà Nội, Lạng Sơn. Kuhria tal page harei ini, Viet Nam hu abih tih 5.665 urang njom Covid-19 dalam taneh ia saong 1.503 urang tame negar. Urang birau njom ruak kuhria meng harei 27/4 mbiah tal ini lac 4.095. Daok bruk klauk jru vaccine Covid-19 caga ruak, harei 30/5, Bắc Giang hu peih bruk klauk jru vaccine Covid-19 ka 3.791 urang lac urang ngak di dom khu công nghiệp. Yau nan hadei di 4 harei peih ngak, Bắc Giang hu klauk jru ka 5.566 urang ngak.

Tui mintri Y tế, jit ruak mbang ni tamuh tabiak meng rilo labik, rilo jalan, rilo meng lac dalam khu công nghiệp, hadei di nan njom mbak dalam bhap bini, rilo janih anek ruak njom mbak.Virus njom mbak samar, pambak khang dalam không khí, dalam 1-2 harei hu 1 vòng njom mbak song tui cấp số nhân, abih di nyu nan lac njom mbak biak khang dalam labik sit oh lanieng lahơi. Ruak dak harei dak trak, kayua yau nan ye bruk iek ruak pak di labik brei paglong jang sa tanut.

Meng kreh melam harei 31/5, Ban raya HCM ngak tui Sarak 15 di Thủ tướng Rajaei dalam Ban raya, daok quận Gò Vấp pacang cacak tui Sarak 16 dalam 15 harei. Menmg harei 26/5 mbiah tal harei 30/5, di Ban raya hu 133 urang njom ruak Covid-19, dalam nan hu 126 mbang urang pambuak tal Hội thánh truyền giáo Phục Hưng.

Mesup ni (31/5), Pasak pasang iek ruak kik tỉnh Bình Dương brei thau, tỉnh ni bahrau hu 4 urang dương tính hong SARS-CoV-2 pagam tal dom urang njom Covid-19 di TPHCM. 3 urang njom lac amaik, saai kamei song adei likei di 2 urang kamei sinh viên njom Covid-19, dok di khu phố Bình Quới B, phường Bình Chuẩn, ban Thuận An. Urang dương tính dok veik ngak bruk di Công ty TNHH CJ VINA dhar Bình Dươngdi ban Thủ Dầu Một. Meng di melam 30/5, jabat chức năng tỉnh hu pacang veik dom labik mbuan si njom mbak.

Page ini, Sở Y tế Long An brei thau, tapa dut iek ruak hu mboh dua diuk pasang di huyện Tân Thạnh, tỉnh Long An dương tính haong SARS-CoV-2. Dua urang njom SARS-CoV-2 ini daok di TPHCM, birau mai rivang sang di xã Tân Thành, hu anek likei umo 4 thun bac di Sang bac mầm non Kid Town, Quận 12, TPHCM. Sang bac ini hu urang ruak ka 6909 ngak gru pato, palei daok di huyen Cần Đước, tỉnh Long An dahlau di nan hu tỉnh Long An brei thau lac dương tính haong SARS-CoV-2.

Piah jhul samar bruk miễn dịch bhap bini ngan song jit prong Covid-19, negar Anh dok kuhria ba tabiak panuac ieu Nyaom 7 taneh ia ngak cong dang akaok dunya (G7) dong piah tal puac thun 2022, yaok menuac di dunya hu klauk vaccine. Jalan ngak ni bahrau hu Thủ tướng Anh Boris Johnson brei thau, di nyaom biai G7 tui kuhria hu rah tabiak di Anh dalam bilan 6 anak tal, ong hu panuac ieu G7 brei tapa sa hiệp ước dunya piah caga bruk mbuan si rah tabiak dom jit ruak prong karei dalam tuk vak anak tal.

  Hội đồng Roh duah y tế Ấn Độ (ICMR) birau pasang iek brei dut iek virus SARS-CoV-2 tui jalan ngak birau abih takik jien saong tukvak. Tui nan, bruk mek mau oh meng melai tăm bông bo pandar ống ia sara. Urang ruak hlung pabah meng ia sara dalam 15 giây saong cuis tame ống ba nao dut iek ruak. Tui Mentri Khoa học saong Công nghệ Ấn Độ, jalan dut iek nan biak mbuan, samar, takik abih jien saong brei mboh ruak samar, tok hadei di 3 mong. Jalan ngak nan lagaih saong dom bhum palei pala saong bộ lac kayua oh kan di pandap piah dut iek ruak.

Dom urang ngak praong di Ni-giê-ri-a bahrau brei thau, dom urang hu phao nyu chap mek rilo sinh viên di sa sang bac Islam di negar ni harei 30/5. Tui dom khau tin khan lac, labaih 150 anek saih lahik hadei di bruk tấn công nan. Ni lac mbang chap mek bahrau di abih dalam dom mbang tong pamong tame dom sang bac di Ni-giê-ri-a tuk vak tapa. Tui yaok pataom, takik di abih 7 mbang chap mek anek saih rah tabiak di bhum Tây Bắc song gah kreik negar Ni-giê-ri-a meng bilan 12 thun bloh./.

Urang lang: Nghiêm – Hani Pha – 31/05 10:45:23