Urang linkuac raok jalan ka bhap bin nao mai 

Tui panuac khan di tuk camereip, 30 urang lac menuac ngak di thủy điện haong kapul ngak bruk di tỉnh Thừa Thiên Huế haong Quân khu 4 nao tame daong tuk biar harei 12/10 daok lahik oh ka taom gaok hu. Mesup ini 14/10/2020, 2 sruh trực thăng haong 2 kapul par di Sư đoàn 372 meng mblang kapal haoh Phú Bài (Thừa Thiên - Huế) tame labik glut jaleih piah ba  menuac metai saong menuac njauk bala di mbang glut jaleih patau di thủy điện Rào Trăng 3 (xã Phong Xuân, huyện Phong Điền) tabiak langiu. Melam bloh, hadei di tuk nao tal thủy điện Rào Trăng 4, kapul hu pabak pandap mbnag menyum brei ka dom chuyên gia, urang ngak pak ini saong ba 5 urang njauk rambus mai cấp cứu di sang iek ruak Đa khoa Bình Điền, ban sit Hương Trà.

Ban Thường vụ Tỉnh ủy Thừa Thiên - Huế brei padeih Nyaom roya  Đảng bộ tỉnh mbang ka  XVI, tuk vak  2020 - 2025 piah pataom tame pasiam dom khut, tayah kayua ia sua song patrun patakik khat lahik kayua bala meng langik tasik. Hu thau, ia sua dalam dom harei tapa ngak brei menuac metai saong khut rilo drap ar di bhap bini tỉnh ni; saong tui kuhria mboh dahlau, dalam dom harei anak tal, bala dok rah tabiak kan si oh thau dahlau.

Hadei di tuk hu thau dom khat lahik kayua ribuk ia sua, Bí thư Thành ủy Hà Nội Vương Đình Huệ hu tacei Ủy ban MT negar ban kaoh tabiak meng kadung jien dong di ban raya  brei ka 5 tỉnh gah kreik negar  yaom jien labaih  7 tỷ đồng, dalam nan dong ka  tỉnh Thừa Thiên-Huế 2 tỷ đồng,  tỉnh Quảng Trị 2 tỷ đồng, tỉnh Quảng Nam 1 tỷ đồng, tỉnh Quảng Bình 1 tỷ đồng, song  tỉnh Hà Tĩnh 1 tỷ đồng.

Mesup ini (14/10), kapul urang hu mbaok tame nyom roya Đảng bộ TPHCM mbang ka XI kayua ong Nguyễn Thiện Nhân, UV Bộ Chính trị, Bí thư Thành ủy TPHCM dang akaok kapul hu mai zirah, pok bingu, cuh gilau di Nghĩa trang Liệt sĩ TPHCM saong pok bingu di mblang bein rup patau Chủ tịch Hồ Chí Minh (di jalan nao takai Nguyễn Huệ, quận 1). Di dom labik nan, kapul hu pahadar prein yava dom amaik Việt Nam Anh hùng, dom AHLS ndih trun ka taneh ia, ka haneim phul di bhap bini, hadar tal prein yava yau lagik tasik di Chủ tịch Hồ Chí Minh ngan saong bruk CM hadah hadai di bangsa, di Đảng haong bhap bini drei.
        Dah page (15/10), nyom roya Đảng bộ TPHCM mbang ka XI hu peih pakak.

Nyaom biai urang kamei padang mbang ngui  song pandap OCOP bahrau hu peih tabiak di Hà Nội. Ni lac bruk ngak dalam danak dak  Chung kết song jao giải bruk pakacah hatai sahneng urang kamei padang mbang ngui  2020 kayua Kapul liên hiệp urang kamei  Việt Nam pakat negar peih ngak. Ngan song dom bruk ngak siam yau  “Paglong bruk ngak di urang kamei song dom pakat kapul dalam danak dak OCOP”, “Jalan ngak sarak paglaong siam mekre pandap  OCOP”, lambaok dom mintri, dom gah, dom mban, song dom doanh nghiệp pablei salih hu ginum biai, langyah panuac tangi sua, klah rahba ilamu jak jeng  tuk camereip,dong ka urang hội kamei lac po dom labik ngak tabiak pandap bahrau duah hu jalan patagok pandap panda. Danka dak “Yaok xã, phường sa pandap” ieu katut lac OCOP biak dii nyu lac jalan piah patagok  kinh tế meng dom pandap ngak nong, tiểu thủ công nghiệp, ilamu meng kan, labik mekre di dom puk palei  lac dom pren khang kein lagaih di dom bhum palei oh ka hu patagok, peih ngak piah patagok kinh tế paglaong jien mek tame ka bhap bini di bhum palei pala. 

Rayo sap ndom VN (VOV) haong UBND tỉnh Ninh Thuận bahrau peih bruk padang ngak Đài phát sóng Nam Trung Bộ di xã Phước Dinh, huyện Thuận Nam, tỉnh Ninh Thuận. Ini lac đài phát sóng praong di taneh ia, pabak riyak langik bhum tasik Biển Đông saong dom tỉnh tapen tasik Trung Bộ. Gam haong bruk padang ngak Đài Phát sóng Nam Trung Bộ, VOV meda pambuak bruk haong mintri ngak nong saong patagok palei pala, dom doanh nghiệp daong ka mikva urang ngak ikan baoh radiao pandar meng ia harei piah ka urang taong ikan tui pang dom danak dak papar sap. Mai ravang saong ngak bruk haong Rayo papar sap papar binguk Ninh Thuận hadei di tuk peih bruk padang ngak, lambaok rayo sap ndom VN ong Nguyễn Thế Kỷ - Tong Yam ndok hu alin 2 dây chuyển ngak danak dak papar sap bahrau di abih yaom jaik 8,8 tỷ đồng di VOV brei ka rayo papar sap papar binguk Ninh Thuận. VOV jeng hu ngak jalan papar sap brei ka rayo papr sap huyện Thuận Nam haong 1 dây chuyền papar sap oh hu talei alin brei xã Phước Dinh.

Rajaei  Mê-hi-cô  daok kuhria klauk vắc xin Covid-19 brei ka labaih 116 triệu urang, samu 90% menuac sia dalam negar. Bruk ni hu peih ngak  meng bilan  12 tal hadei di tuk mek hu  thỏa thuận song dom công ty jru tavao song danak dak  COVAX ka bruk pabak janih vắc xin ni.

Gilang pariak dunya (WB) harei 13/10 brei thau bruk mbaoh tangin brei  tapa pok jien bahrau yaom 12 tỷ USD piah daong dom taneh ia daok patagok blei saong pabak brei vắcxin caga COVID-19, jeng yau dut iek saong taong ruak ini. Bruk daong jien nan, lac 1 dalam pok jien yaom 160 tỷ USD bo Gilang pariak dunya hu sanya pabak brei dom taneh ia daok patagok tal bilan 6/2021, piah daong dom taneh ia pacang jit praong COVID-19, hu hãng Reuters brei thau mbang camereip di puac bilan 9 meng blaoh.

Sa thun hadei di tuk  tong phạt Liên minh châu Âu (EU) kayua dong ka gah ngak tabiak kapan haoh Airbus, Gah pablei salih dunya (WTO) tui kuhria hu brei adat ka nyaom ni ba tabiak bruk tong phạt Mỹ dreih yau brei ka Boeing. EU tui kuhria hu gah pablei salih dunya WTO “brei takai”piah ba tabiak bruk kak je  tagok labaih  4 tỷ USD pandap panda  song dịch vụ di  Mỹ. Ni lac bruk bahrau di abih  dalam bruk meriak gauk dui atah  16 thun di  Washington song  Brussels ka bruk dong ka gah ngak kapan haoh di yaok gah./.

Urang lang : Hanipha- Mousaphuong-14/10