Tal urak ini, 19 tỉnh, ban gah Meraong hu parabha brei labaih 48 trieu mbang vaccine

"Salih tapa tapa tukvak siam mekre birau brei ngak tui 5 paka di Mintri Y tế, oh caik brei mai veik tukvak pa-atah gauk dalam tỉnh, dalam bhum taneh bo tok pakat xa, huyen”. Nan lac panuac tacei di Phó thủ tướng Vũ Đức Đam di var nyaom online ka bruk pacang caga Covid-19 ngan saong 19 tỉnh, ban gah Meraong negar di biar harei 26/10. Tal urak ini, 19 tỉnh, ban gah Meraong hu parabha brei labaih 48 trieu mbang vaccine. 5 tỉnh, ban hu klauk mbang sa labaih 95% nan lac TP.HCM, Bà Rịa-Vũng Tàu, Đồng Nai, Long An, Bình Dương. Phó thủ tướng caong khin dalam 2 tal 3 adit tal, dom tỉnh gah Meraong, abih di nyu lac bhum Tây Nam Bộ samar klauk vaccine mbang sa, piah patui di nan klauk mbang dua.

Mintri jalan mbak pajeng ba bahrau padang "kapul lang talaih kan kandah" ka rahra, doanh nghiệp njauk kan kandah kayua jit ruak. Kapul kayua akaok mintri Nguyễn Văn Thể pal akaok, hu brei bruk pambuak song dom mintri, dom gah, tỉnh ban duah thau langyah chip dom bruk tavak tavaiy rah tabiak dalam pajeng ba, tacei pato nao gam song doanh nghiệp dalam bruk ngak mbang, pablei salih. Gam haong nan, pataom tame pasang iek, cakak klaah dom harak gar ngak brei kandah kandaiy.

Page ini 27/10, huyen Củ Chi, Ban raya HCM klauk vaccine COVID-19 ka 1.500 uranaih umo meng 16-17 thun. Biar harei ini, quận 1 jeng peih bruk klauk vaccine ka labaih 300 anek saih bac tal 12. Hadei harei ini, Sở Y tế Ban raya brei taong yaom piah ngak hu siam jang, piah peih praong dalam Ban raya. Yau nan, Ban raya HCM lac ban akaok meti dalam negar klauk vaccine ka uranaih. Dahlau di nan, Mentri Y tế jeng brei thau bruk pandar vaccine Pfizer ngak di Mỹ klauk ka uranaih umo meng 12 tal 17 thun dalam negar. Viet Nam hu 8,1 trieu uranaih dalam umo thun ini, saong hu blei 20 trieu mbang jru vaccine piah klauk ka uranaih.

Di Long An, vũ trường, quán bar, karaoke, massage, xông hơi, main điện tử, kalup kapul chat tamia, doh song gauk... hu peih veik meng harei ni. Sarak hu batabiak hadei di tuk tỉnh brei thau ka jit ruak dok dalam tỉnh di pakat 1 (bhum hajao – siam mekre bahrau ). Dom labik ngak mbang nan peih ngak oh tapa meteh pren ngak. Gam song jalan ngak nan, balik gym, labik cakak mbuk, kalup kapul bida, labik ngak siam, blai draih thẩm mỹ, vật lý trị liệu... hu peih ngak, min oh tapa 70% pren ngak.

Labaih 300 D.N di Bình Thuận giải thể, klak labik ngak mbang pablei salih kayua jit ruak Covid-19; labaih 300 D.N padeih ngak bruk, yaok ribau baoh sang pablei salih luai ngak aau padeih ngak. Di mbang nyaom online ndem biai saong dom D.N di biar harei 26/10 kayua Cục Thuế tỉnh Bình Thuận peih tabika, dom D.N likau miễn jien je, trun meteh jien pah taneh njauk bayar dalam thun 2020 -2021; oh kuhria jien taong phat kayua suai kak jien je, brei miễn, trun jien rik tame kadung jien pacang caga bala meng langik tasik ka dom doanh nghiep…Kuhria tal puac bilan 9, jabat thuế tỉnh Bình Thuận brei kadun tukvak kak je ka 630 D.N dalam tỉnh, abih tih lac 280 tỷ đồng.

Hadei di tuk hu labaih 74% urang meng 16 thun tagok klauk ginup 2 mbang vaccine pacang COVID-19, harei ni, Thủ tướng Australia Scott Morrison brei thau taneh ia ni hu peih pabah mbang negar pakat dunya song bruk camereip lac brei adat ka rahra Australia song dom thường trú nhân hu klauk ginup 2 mbang vaccine pacang COVID-19 hu tabiak negar langui bo oh cang likau adat. Dalam tuk patui di nan, taneh ia ni brei adat ka sinh viên dunya song dom urang ngak hu ilamu glaong hu tame Australia. Song tuk vak ka 3 hu peih ka tong abih dom urang dok veik dalam nan hu tuai du lịch song dom urang tal Australia ngan song dom bruk ngak karei karei. 

Dom urang njom ruak Covid-19 daok tagok rilo dalam adit tapa di Prang. Dut saong adit dahlau, urang njom Covid-19 tagok 9%; 42/101 tỉnh ban hu urang njom ruak tapa tanut tabung glong, ngan saong 53 urang dalam 100 ribau rahra. Mentri Y tế Prang brei thau, meda brei pakhang bruk kaluk vaccine pacang Covid-19 saong jru kum mùa. Jabat y te daok tui iek catang biến thể Delta hu angan AY.4.2 daok njom mbak khang di Anh, urak ini hu mboh di Đức, Ba Lan, Italia, Đan Mạch.

Jabat di Thủ tướng Sudan ndom lac, Thủ tướng Abdalla Hamdok, urang jaleih rai dalam sa mbang pajaleih di bol lin hu mai sang song dok njauk pasang iek catang di bol bala. Dahlau di nan, harei 25/10, bol bala Sudan chap mek jiak abih dom urang dalam rajaei; saong kateik greik dom mbang trun jalan di yaok pluh ribau urang pachreih tui rajaei./.

 Urang lang: Ai Nghiem – Hani Pha – 27/10 10:17:18 AM