Huyện Bù Gia Mập (Bình Phước) alin brei limo pajaih laisind menek ka sang bangsa takik kan thaot dalam huyện daok tapen negar

Di mbang nyaom online di Rajaei ka bruk pacang caga jit Civid-19 peih tabiak di biar harei sup 27/8, Thủ tướng Nguyễn Xuân Phúc jao bruk ka urang ngak praong di Mentri Y tế brei samar khan brei Thủ tướng sarak pacang caga jit ribau, pabak hu dua bruk oh iek lap min jeng oh padeih bruk ngak mbang, oh kareoih pabah mbang labaik ngak tabiak pandap panda, kayua ngak yau nan nyu ba tal kan kandah ka rilo gah, rilo labik. Ndem tal bruk ngak hu dalam pacang caga jit, Thủ tướng Nguyễn Xuân Phúc lac dalam negar, abih di nyu lac dom bhum palei hu jit, khang saber pacang caga saong paglaong ka bruk ngak, hu jakjeng biak uan tabuan lac pacang hu jit. Bruk nan ngak brei manuac sia jia tame ralo jalan tacei pato di Rajaei dalam bruk pacang caga jit.

Tui  Sở Lao động - thương binh song  xã hội ban  Đà Nẵng, dok hu labaih 15.000 tuai, urang ngak, anek saih -SV khin tut angan mai palei veik  . Dalam 15.000 urang nan, rilo di abih lac  tỉnh Quảng Bình hu labaih 1.500 urang , ban raya Hồ Chí Minh jiak 1.000 urang, Hà Nội labaih 500 urang. Jaik abih dom urang di  TP Hồ Chí Minh, Hà Nội tut angan  khin mai palei meng kapan haoh  , dok dom tỉnh ban karei khin mai meng radeih pui, ôtô. Jeng dalam harei 27-8, UBND ban  Đà Nẵng hu harak jao ka dom  gah pagam tal peih bruk dut iek virus SARS-CoV-2 ka urang langiu  tỉnh dok di Đà Nẵng khin mai veik labik dok di drei song anek saih -SV nao tame bac dom sang bac  di dom tỉnh, ban karei . 

Meng harei 24 -28.8, huyện Bù Gia Mập (Bình Phước) hu alin brei limo pajaih laisind menek mbang ka 1 ka 156 baoh sang bangsa takik kan thaot dalam huyện daok tapen negar.Yaok baoh sang taduan hu 2 drei limo. Dahlau di tuk taduan, dom baoh sang nan hu urang jakar palei tacei pato jalan raong limo binai, brei ka limo pajaih laisind mbang. Bruk alin brei pajaih limo laisind binai daok dalam bruk ngak brei patrun 1.000 baoh sang urang bangsa takik kan kanthaot di tỉnh Bình Phước thun 2020. Huyện taphia negar Bù Gia Mập kham merat dalam thun ini trun 341 baoh sang bangsa takik kan kathaot.

Hadei di labaih 10 bilan padang ngak, tatua cầu vượt Nguyễn Văn Huyên-Hoàng Quốc Việt (quận Cầu Giấy, Hà Nội) hu brei radeih peih di mesup ni. Ni lac sa dalam dom danak dak jalan mbak nao mai prong di ban ine ngan song  phun jien buh tame ngak abih tih labaih 560 tỷ đồng, atah abih tih 278 m, gar 16m. Bruk peih pakak,g batame pandar danak dak hu makna biak prong, langyah bruk gar radeih di jalan prong ni.

5 jalan radaih buyt nan lac ka 5, 601, 603 saong 604 pambuak Ban raya HCM saong Đồng Nai hu peih nduac veik meng harei 26/8 hadei di labaih 20 harei padeih pacang caga jit Covid-19. Ini lac 5 jalan radaih buyt oh daong yaom, biak rilo tuai ndik, jalan peih pambuak dom mblang radaih, sang bac, khu công nghiệp diBan raya HCM saong Đồng Nai. Radaih buyt peih veik brei hu ia rao tangin, khử khuẩn; urang peih radaih, urang daong peih radaih saong tuai damuai brei cuk pataih pacang pabah idung tuk ndik tagok radaih, daok cang di mblang radaih, blai padeih. Tuai tagok radaih brei dut iek pandiak dalam rup, daok atah di gauk takik di nyu sa met, takik ndem menyai, mbang menyum…

Meng harei 27-8, Akaok mintri pakat glong iek gah Ủy ban tapen negar  Campuchia Var Kimhong brei thau  Rajaei  Campuchia hu payua dom bản đồ bhum taneh tapen negar hu Campuchia song Việt Nam ngak, brei ka  Liên hiệp quốc khik piah dunya thau. Dom bản đồ nan, hu meng bruk padang cột mốc 84% jalan tapen negar angaok mbaok haluk di 2 negar  Campuchia song Việt Nam, hu peih tabiak ngak meng thun 2006. Akaok mintri pakat glong Var Kimhong ndom lac dom bản đồ nan hu ngak tui bản đồ gốc meng jaman Prang ngan song tỷ lệ 1/100.000. Rajaei  Campuchia meda ginum biai song  Việt Nam piah ngak ka nyu salah bruk  padang cột  mốc 16% jalan tapen negar angaok mbaok haluk dok veik.

Hàn Quốc daok kuhria brei ka dom sinh viên negar langiu daok veik dalam negar ni ngak bruk meng thun 2022 piah pabak bruk kurang urang ngak  kayua menuac sia daok trun takik. Tui Mentri Kinh tế saong Jian padai Hàn Quốc, sinh viên negar langiu bac tamat đại học di Hàn Quốc gah kỹ thuật atau ilamu meda hu brei thị thực ngak bruk phổ thông iew lac thị thực E9 meng quý 3 thun 2022. Bruk nan hu caonglac meda  daong ka dom doanh nghiep mbiah saong sit palih ruah hu rilo urang naih joi meng negar langiu. Dom sinh viên negar langiu lac Viet Nam dang dhi ka 2 pak Hàn Quốc, meblah 24,9%.

Dalam tuk jit prong  Covid-19 dok rah tabiak srau kadau, Kapul BGI- sa  công ty langyah gen dang akaok di  Trung Quốc, bahrau padang sa balik ngak iek di Đặc khu Hành chính Hồng Kông piah dong patagok bruk dut iek di pak ni, tagok labaih  500 ribau urang yaok harei.Dahlau di nan, karja  Đặc khu Hành chính Hồng Kông khan lac hu peih danak dak  dut iek bhap bini  meng di harei  1/9, pamaong tal pabak bruk dut iek brei saoh sa mbang ka bhap bini di  đặc khu ni, piah thau avar di abih dom urang njom Covid-19 oh hu triệu chứng jang yau dong siam lagaih ka bruk paatah di gauk song iek ruak samar, meng nan dong patrun jit ruak pambak praong dalam bhap bini./.

Urang lang: Hani Pha – Ái Nghiêm – 28/08 16:17:33