Urang nong kham yuak padai dahlau di tuk gaok bala 

Tui UB pakat negar pacang caga bala meng langik tasik saong duah daong urang gaok bala, tal biar harei 14/10, dom tỉnh bhum kreh negar hu 44 urang metai, 06 urang daok lahik oh ka duah mboh. Gah quân đội ieu pataom labaih 8000 menuac haong 209 radaih, ghe, gilai dom janih, tpambuak haong dom kapul di pak nan daok pasiam veik dom khut, tayah kayua hajan ia sua.

Pagam tal bruk glut jaleih di thủy điện Rào Trăng 3 (Thừa Thiên- Huế), Urang lin Biên phòng hu ba  Kapul saw  nghiệp vụ tal pak nan tuk  15h beir harei kabroi  piah hu mbaok tame dong duah di  Bilai  Kiểm lâm 67.  Dom gah dong duah hu 983 urang song  189 pandap panda njauk kuac raok peih jalan pabak pak di labik sang Kiểm lâm labik hu 13 urang metai.   Dahlau di nan, karja  song gah Công an batabiak hu  2 urang  Ấn Độ song  17 urang Việt Nam meng  Thủy điện Rào Trăng 4 tabiak gah langui hu siam mekre song duah mboh atau camereip, song batabiak gah lingiu. Harei ni (15/10), dom đơn vị pataom tame jhul pakhang bruk dong duah kapul ngak bruk song dom urang ngak lahik, jang yau peih bruk kuac raok peih jalan tame  thủy điện Rào Trăng 

Nyaom roya Đảng bộ TPHCM mbang ka XI vaktu 2020 - 2025 hu peih tabiak tuk mon 8 harei ini 15-10. Dalam var peih mbaok, ong Nguyễn Xuân Phúc, UV Mintri Chính trị, Thủ tướng Rajaei, lambaok Mintri Chính trị, mai hu mbaok saong brei panuac tacei pato nyaom roya. Di mbang nyaom caga dahlau, ong Nguyễn Thiện Nhân, UV Mintri Chính trị, Bí thư Thành ủy TPHCM, ndom lac,  TPHCM meng kan mai thau jum pataom gauk, sami samar, hadah krah, salih bahrau, bak hatai anit ranam gauk saong brei mboh hatai khang gah chính trị, kham merat yam tapa kan kandah, tavak tavaiy. Dom yaom glaong ini lac drap ar piah ka TPHCM yam tame sa vaktu bahrau hu prein khang bahrau, mek hu rilo jak jeng siam mekre. Ong Nguyễn Thiện Nhân daok ndom lac, nyaom roay mbang ini lac nyom roya di bhap bini, caik hatai tui pang hatai caong di bhap bini. Dom caong khin di bhap bini hu ba tabiak ginum biai saong hu jalan langyah nan ye dom urang dalam nyaom roya brei patagok abih trách nhiệm, piah ka nyaom roya hu jak jeng siam mekre.

Nyaom roya  Đảng bộ tỉnh Long An mbng ka XI, tuk vak  2020 – 2025 hu peih tabiak di mesup  14/10, hu mbaok di  350 urang. Tuk vak 2020 -2025, langui di bruk pataom tame padang ngak  Đảng bộ song bruk chính trị hacih saat, khang kajap, sami samar, siam lagaih, patagok paprong jum pataom bangsa, Long An pataom tame patagok kinh tế gam song bruk peih ngak siam, samu gauk dalam xã hội song khik ramik drap ar alam môi trường... Tui nan, kham merat tal thun  2025, khik kajap labik dang akaok di bhum taneran krong Cửu Long song kham merat tal thun 2030, jeng tỉnh patagok dalam bhum kinh tế prong gah merong. 

Labaih 954 tấn brah meng gilang khik piah di negar hu ba tal tỉnh Ninh Thuận piah daong ka bhap bini bhum njauk pandiak bhang dalam tỉnh tui sarak ka 1495 harei 2/10/2020 di Thủ tướng Rajaei. Dalam mbang ini, hu labiah 15.000 sang kan kathaot, sang jaik si kan kathaot, sang ngak nong saong urang taha hu daong yaok urang yaok bilan 15 kg brah.

Rajaei Thái Lan hu batabiak bruk oh brei pataom gauk meng 5 urang tagok, oh brei urang tame tabiak labik halei kayua karja batabiak song oh brei pathau khan khau tin atau  tin nhắn tapak  meda ba tal khat lahik tal bruk sron mbon di taneh ia. Dom jalan ngak ni hu pandar meng  4 tuk mesup harei (15/10) tui sa hukum  samar  piah padeih dom mbang trun jalan dok rah tabiak di ban ine  Băng Cốc (Bangkok).Dom mbang trun jalan di  Thái Lan hu tagok khang dalam 3 bilan tapa  , hu mbaok di yaok ribau urang, batabiak 3 kadah lac ieu rajaei padeih ngak, cih vak hukum negar bahrau song salih bahrau chế độ quân chủ di  Thái Lan. Cảnh sát Thái Lan dalam mesup  15/10 jeng chap khik  7 urang pal akaok mbang trun jalan  song dok peih dom jalan ngak oh brei pataom rilo menuac urang anak  boh sang rajaei.

Tui pathau khan, Cộng hòa Séc tal urak ini hu jaik 5 rabauh urang ngak gah y tế daok njom Covid-19, rilo jang 2 mbang duk saong 10 harei dahlau di nan. Dom urang ilamu gah y tế hu panuac lac, meyah bruk ini oh pasiam hu, ye jit Covid-19 meda ngak tayah bruk iek glang prein yava urak ini saong Séc mbuan laik tame bruk oh pasang iek hu.

Kadung jien dunya ba tabiak pathau khan “hadah siam kinh tế dunya” tui kuhria mboh dahlau Trung Quốc lac gah kinh tế prong abih di dunya patagok dalam thun 2020 song tanut tagok 1,9%, dalam tuk nan  kinh tế dunya hu mong lac  tagok âm 4,4%, Mỹ tagok âm 4,3% dok dom negar karei di  di labik pandar jien Euro lac  âm 8,3%. Dahlau di nan gilang pariak dunya hu batabiak bruk kuhria mboh dahlau dreih yau tuk ndom lac Trung Quốc jeng lac gah kinh tế prong di abih patagok dalam thun 2020 song tanut tagok 2%./.

Urang lang: Hanipha- 15/10