Rilo tỉnh ban dok ramik caga bruk palih ruah tacei ba ka rahra 

Page ini 18/5, di Nyaom biai online dalam negar peih ngak bruk palih ruah urang ka QH mbang XV saong urang ka HĐ bhap bini dom pakat, vaktu 2021-2026, Hội đồng palih ruah pakat negar brei thau, kuhria tal harei 14/5 taduan hu 164 đơn thư di bhap bini pathau ka bruk palih ruah saong dom urang tabiak mbaok piah palih ruah. Tieu mban langyah bruk pathau gauk hu payua tal dom jabat, kapol nyaom hu thẩm quyền langyah, 69 harak đơn; ramik piah 95 harak đơn, dalam nan hu 62 đơn dreih gauk, 33 harak oh cambaic laic, oh hagait tal bruk palih ruah. Mbiah tal urak ini, bruk duah thau, langyah daok hu jhul pasamar, njuak tui adat. 

Tui Ủy ban pilih ruah tỉnh Bà Rịa-Vũng Tàu, tal tukvak ni, dom urang tabiak angan piah pilih ruah ka QH saong urang tabiak mbaok piah pilih ruah ka HĐ bhap bini pakat tỉnh oh hu harak thư khiếu nại di rahra. Dom urang tabiak mbaok piah pilih ruah ka HĐND pakat huyện, hu 7 harak thư tố cáo di bhap bini, 6 harak hu langayh, 1 harak hu payua tal jabat hu tham quyen langyah tui adat hukum. Daok dom urang tabiak mbaok piah pilih ruah ka HĐND pakat xã, phường, hu 15 harak  khiếu nại tố cáo saong hu 3 urang brei klaak tabiak, oh daok hu angan piah pilih ruah.

UB bhap bini tỉnh Bình Phước page 18/5 peih bruk brei ba Bein bingu Suối Cam tame pandar saong pala phun pahadar 131 thun harei menek Chu tich Ho Chi Minh (19/5/1890 - 19/5/2021). Brein bingu hu padang ngak di labik Binek ia Suối Cam, Ban Đồng Xoài ngan saong taneh praong 4,4 ha, ta-eng phun kayua hijao lac 10,5 tỷ đồng. Bruk padang ngak Bein bingu Suối Cam rik tame ngak brei hu  lavang hijao, birau siam gheih dalam labik kiến trúc đô thị, yam tal Ban Đồng Xoài hu tanut đô thị ka 2 di thun 2025 saong hu jeng ban hadah krah di thun 2030.

Dah page ini, ban Thủ Đức, TPHCM brei pacang  cakak lô A1 chung cư Sunview Town di jalan Gò Dưa, phường Hiệp Bình Phước kayua hu urang medil lac njom Covid-19. Tapa pasang iek mboh hu 32 sang daok di tal 18 haong urang medil njom ruak, abih tih lac labaih 150 urang. Tui panuac khan, urang ni lac likei, ngak bruk văn phòng, hu nao tal sang iek ruak Vinmec piah iek ruak kayua mboh pandiak, patuk, pandik tarakaong. Tapa mek mau dut iek mboh dương tính haong SARS-CoV-2. Urak ni daok cang bruk dut iek ka nyu cambaih veik.

Cong an tỉnh Đồng Nai chap mek chip saong pasang iek labik daok di muk Nguyễn Thị Như Mỹ, po Công ty TNHH Việt Khánh An (TP Biên Hoà). Page ini, gah chức năng jeng hu pasang iek, mek mau dut iek di balai xăng menyek Trảng Dài jalan Bùi Trọng Nghĩa, khu phố 3, phường Trảng Dài – di công ty Việt Khánh An). Mbiah tal harei ini, dalam tuk tangin sua peih praong Chuyên án 920G, công an tỉnh ba tabiak kaoh tui hukum, chap kareih 59 urang saong peih praong bruk pasang iek langyah dom urang ngak suan  hukum.

Tui hãng Reuters, rajaei Tổng thống Mỹ Joe Biden hu brei tapa harak pambuak bruk pablei salih phao ndao ba jalan cambaih laih yaom 735 triệu USD ka Israel. Tui hukum Mỹ, hadei di tuk hu khan brei thau cambaih, Quốc hội Mỹ hu tukvak 15 harei piah pamaong iek saong cagar veik. khau tin nan hu khan brei thau dalam tuk daok catang di gah Israel saong gah Islam Hamas – lac kapul bol par phao kraong di urang Palestine daok di Dải Gaza ka oh mboh trun pandiak, Israel hu peih biak rilo mbang không kích di Gaza; daok Hamas cuh labaih 3.000 rocket nao gah Israel meng harei 10/5.

Anak bruk parabha vắcxin caga Covid-19 oh sumu gauk di dunya, Gah Y tế Thế giới (WHO) kakei, dunya daok tame tukvak chủ nghĩa “A-pác-thai vaccine”. Tui nan, dom taneh ia hu jien mek tame glaong meblah 15% bhap bini dunya hu tal 45% vaccine, dalam tuk dom taneh ia hu jien mek tame biar saong mbiah, meblah meteh bhap bini di dunya tok hu 17%. Yau nan ye, urang njom ruak saong metai kayua Covid-19 di dunya daok jaik atau dang di tanut glaong. Kadung jien Nhi đồng Liên hợp quốc (UNICEF) iew dom kapol dom taneh ia công nghiệp patagok iew lac G7 klak rabha vaccine piah khik brei pabak bruk kurang labaih 140 trieu mbang jru meng ini tal puac bilan 5.

Sa jalan taong ruak bahrau daok hu dom urang ilamo Australia ngak iek, meda peih tabiak sa tukvak bahrau dalam bruk pacang cakak jit praong Covid-19. Tapa ngak iek mbang ka 1 di anek takuh mboh lac jalan taong ruak ni pametai hu 99,99% dom janih virus saong pacang  cakak nyu tamuh veik. janih jru ni tok khik piah dalam nhiệt độ mbiah yau dalam bilik lac meda pandar hu dalam 1 bilan saong mayah khik piah di nhiệt độ 4 độ C ye meda pandar dalam 12 bilan. Mayah brei hu siam mekre saong khik hu salamat, jru ni meda hu pablei tabiak darak pasa di thun hadei./.

Urang lang: Thu Thảo -Ái Nghiêm- 18/5