Yaom meh dalam negar trun tui yaom meh dunya 

Harei 18-3, kapul dak tanut tín nhiệm Moody’s brei thau lac khik tamo dak tanut tín nhiệm pakat negar di Việt Nam di tanut 3 saong paglaong bruk patagok di anak tal meng oh siam tagok jeng siam. Kadha piah Moody’s paglaong bruk patagok di anak tal kinh tế Việt Nam tagok 2 tanut lac bruk jak jeng dalam patagok kinh tế biak njauk pok meyaom di Việt Nam yam tapa atah dom taneh ia hu dak tanut tín nhiệm yau nan dalam tuk jit praong Covid-19 daok rah tabiak kan kandah di angaok dunya. Bruk patagok di anak tal kinh tế Việt Nam dalam tukvak mbuah hu maong lac biak siam mekre meng dom dom jak jeng pasaim labik dang gah jien padai saong sraiy njauk pok meyaom saong khang kajap. Kapul ini ba tabiak panuac taong yaom kinh tế Việt Nam meda hu mbang tui kein laba meng bruk salih karei di dunya ka sản xuất, pablei salih saong pandar, cai hadei di jit praong haong prein meriak gauk di gah chế biến, ngak pandap haong bhum kinh tế đối ngoại bak sami samar. Gam haong nan, brei mboh tanut gah prein khang thể chế di Việt Nam hu patagok ca,baih laih dalam bruk Rajaei khik ramik kadung jien karja, khik ramik sraiy.

Akaok UBND tỉnh Bắc Ninh Nguyễn Hương Giang njauk hatai haong  panuac caong di gah y tế buh tabiak 185 tỉ đồng piah klauk vắc xin caga COVID-19 oh oh mek jien ka kabaih 300.000 urang. Tui nan, dom kapul urang hu klauk dahlau di abih saong oh mek jien klauk vắc xin caga COVID-19 mbang ini hu kapul urang daok pacang caga jit yau urang ngak bruk dalam dom labik y tế, urang hu mbaok tame pacang caga jit, công an, urang lin dalam tỉnh Dom kapul urang karei, tỉnh meda pasang iek dom jalan ngak cambaih laih piah peih bruk klauk jru mbang hadei.

Tui pasak kuhria mboh dahlau bruk langik tasik pakat negar, meng harei ini tal harei 20-3, Nam Trung Bộ, Tây Nguyên haong Nam Bộ daok hu pandiak thu, langik dalam harei pandiak glaong di abih lac meng 29 - 35oC, hu labik hu pandiak, độ ẩm dalam langik tasik biar. Cục Kiểm lâm hu panuac kakei, bhap bini njauk thau cambaih bruk am cuh hareik hareim di hamu puh, dahlau di tuk am cuh brei ngak dom bruk pacang caga, khan brei gah khik iek glai haong karja palei thau ka tukvak, labik am cuh hamu puh, brei am cuh hamu puh di tuk dah page atau biar harei sup tuk hu ngin sit saong brei am cuh cagar veik gah ngin yuk, piah pacang plaih khuah glai.

UBND ban Hải Dương bahrau tabiak harak taong phat 60 triệu đồng ngan haong 2 doanh nghiệp daok dalam ban kayua peih bruk chiếu phim "dauk", pataom rilo manuac, oh khik paatah di gauk. Dahlau di nan, bier harei 17-3, gah chức năng hu mboh 2 rạp chiếu phim Venus Cinema saong RameStar Cinemas di 2 công ty nan jeng daok peih bruk pamere tuai damuai, oh khik bruk paatah di gauk saong ngak suan adat hukum brei takik manuac pataom gauk.

Tuk peih pabah mbang mesup ini, yaom ameh dalam taneh ia trun tui yaom ameh dunya saong daok di yaom jaik 55 triệu đồng sa mbaik. Cty ameh pariah patau quý Sài Gòn brei thau, yaom ameh SJC blei tame 55 trieu saong pablei tabiak yaom  55 triệu 420 rabau đồng sa mbaik, trun 100 rabau đồng sa mbaik duk haong puac harei kabroi. Yaom ameh dunya trun dalam mbang pablei salih di melam 19/3 dalam tuk jien laba trái phiếu Mỹ haong jien đô la tagok ngak brei patrun prein dui pachreih di ameh.

Liên hiệp quốc bahrau ba tabiak panuac lac, jit Covid-19 meda tagok jeng ruak tamuh tabiak tui bilan. Panuac ini hu ba tabiak dalam pathau khan  di 1 kapul urang ilamu hu 16 urang kayua gah Khí tượng dunya padang tabiak piah duah thau dom bruk langik tasik saong chất lượng không khí nyu pambak hagait tal bruk njom mbak di Covid-19. Tapa roh duah brei thau, mayah dui atah rilo thun, Covid-19 meda lac janih ruak rahtabiak khang tui bilan. Min, tal urak ni, bruk njom mbak di Covid-19 yau gaok paga pacan meng dom jalan ngak di dom rajaei yau ye pacap cuk pataih pacang pabah, idung, patakik nao mai veik. Kayua yau nan ye, kapul urang roh duah ndom lac, oh njauk pamaong tame bruk langik tasik piah brei pacadu dom jalan lpacang caga Covid-19.

Panuac khan di Pasak pasang iek haong pacang caga jit ruak Châu Phi (CDC Châu Phi) harei 18/3 brei thau, tal urak ini hu 17 taneh ia di châu Phi hu mbaok di biến thể mbang camereip hu mboh di Nam Phi. Tui panuac khan bahrau abih meng CDC Châu Phi, kuhria tal jala pandiak harei 18/3, châu Phi hu abih tih 4.062.388 urang njom COVID-19 ngak brei 108.659 urang metai saong 3.649.317 turang hu taong thit ruak. Nam Phi jeng daok lac taneh ia hu menuac njom saong metai glaong abih di châu Phi, patui di nan lac Maroc haong Tunisia. Meyah kuhria tui bhum, gah meraong châu Phi lac labik hu urang ruak saong metai glaong di abih, patui di nan lac bhum Bắc Phi.

Tui panuac khan di gah an ninh dalam bhum, dom kapul chức năng di Libya bahrau duah mboh 11 urang metai, rup bak siu cuh tame di ban Benghazi gah Timun negar ni. Jabat chức năng medil ni lac sa bruk pametai gauk. Urak ni kapul pasang iek daok peih brukduah thau saong ka oh thau hu angan di dom urang njauk bala. Libya daok kham marat tabiak truh sa piluh thun mesuh gauk meng di tuk kanja di Tổng thống Muammar Gaddafi jaleih di thun 2011. Min, bruk an ninh di gah timur, lac labik daok ala quyền khik iek di Thống chế Khalifa Haftar, tuk halei jeng daok dalam sarau kadhau.Rilo bruk pametai tui jalan hành quyết saong taong paoh urang njauk bala jeng daok rahtabiak./. 

Urang lang: Thu Thảo -Mousaphuong -19/3