Tổng công ty Jalan pasei Viet Nam peih bruk bayar harak vé radaih pui online tui jalan pablei vé điện tử

Mentri Lao động - Thương binh saong Xã hội birau ini hu payua harak tal Mentri Kế hoạch saong Đầu tư, caong hu paok jien daong mbang ka 2 ka doanh nghiep saong urang ngak gaok kan kandah kayua jit Covid -19. Paok jien daong tui panuac caong lac 18.600 tỉ đồng. Dut saong paok jien an sinh 62 ribau tỷ, urang hu mbang tui paoh jien daong ka dua nan karei jang. Meyah hu taduan panuac, paok jien 18.600 tỷ đồng meda daong ka 2 nyaom urang lac dom doanh nghiep sit saong mbiah, HTX, tổ HTX, baoh sang pablei salih saong urang ngak palei pala oh ka taduan hu jien daong meng paok jien 62 ribau tỷ. Tukvak peih ngak paok jien daong  meng harei  01/09 thun ini mbiah tal harei 1 bilan 9 thun hadei, yaok doanh nghiệp hu mesre 2 tỷ đồng laba lap saong 100 triệu đồng ngan saong urang ngak ginup tui bruk ba tabiak, jien laba 3,96%. 

Tukvak jiak di ni, dom jabat  thông tấn, báo chí brei thau rilo bruk sản xuất, pataom veik, pajeng ba  rilo hagum tangin, patiah pacang mbaok oh siam, oh thau asar di nyu  njauk dom gah chức năng pasang iek, duah thau mboh, chap khik. Yaom lac Meyah dom patiah pacang mbaok, hagum tangin ni hu batabiak drak pasa pablei meda ngak brei kanyah jhak ka pren yava  bhap bini song bruk pacang caga jit ruak.Meng bruk ni, Thủ tướng rajaei  Nguyễn Xuân Phúc hu jao ka mintri  Công Thương, mintri  Công an tacei pato dom đơn vị, dom gah chức năng tagok bruk pasang iek, duah thau, langyah catang dom bruk ngak suan gah sản xuất, pajeng ba patiah pacang mbaok, hagum tangin  oh siam, oh thau asar di nyu .

Sở Pato megru tỉnh An Giang daok hu jalan ngak piah taduan labaih 1.200 anek saih meng negar Campuchia mai Việt Nam piah tame thun bac birau ini. Sở hu ba mbuan lagaih piah ka dom anek saih bac hu danak dak thun bac ini tui yaok tal bac, yaok bhum palei, lagaih saong raidiuk, piah bac hu ilamu, asar kadha bac tui quy định  hadei tukvak padeih bac piah pacang caga jit Covid-19; tuk taduan mai, dom adei ini brei daok pataom lalik karei  di huyện An Phú 14 harei saong daok karei di sang mbiah tal ginup 28 harei.

Piah pabak bruk blei pandar di tuai dalam tuk lễ Quốc khánh 2-9 ni, Saigon Co.op hu ba tabiak dom danak dak patrun yaom biak pachreih. Tui nan, yaok harei  dalam mbang padeih  lễ Saigon Co.op jeng hu dom mbang pablei lap song biak rilo pandap hu trun yaom khang. Dalam nan danak dak "siêu ưu đãi" dong ka tuai blei hu dom pandap yaom biak lap ka dom urang hu hóa đơn blei pandap meng 400.000 đồng.

Meng harei 1/9, Tổng công ty Jalan pasei Viet Nam peih bruk bayar harak vé radaih pui online tui jalan pablei vé điện tử, piah ba mbuan lagiah ka tuai damuai saong takik taom gaok jaik dalm tuk jit Covid-19 rah tabiak. Yau nan min, bruk nan tok pandar ka urang hlei blei vé saong bayar jien online tapa website di gah Jalan pasei, pandar ứng dụng blei vé radaih pui angaok smart phone atau dom ứng dụng blei vé radaih pui di dom gah pablei vé ka klau. Urang blei vé tapak di dom labik pablei vé atau blei vé tapa mạng min bayar jien tapak di dom labik pablei vé gah jalan pasei, gilang pariak, bưu điện…  njauk tabiak nao ga radaih pui bayar vé tui bruk ba tabiak.

Mỹ meda peih 150 triệu mbang dut iek samar dalam negar piah kham merat ba bruk siam mekre mai veik yau dahlau di tuk hu jit ruak. Yaom jien ka yaok mbang dut iek lac 5 USD song brei thau hadei di  15 minite.  Tui AFP, bruk jhul pakhang dut iek samar yaok rituh triệu urang brei mboh bruk kham merat di ong Trump dalam bruk ba negar  Mỹ mai veik siam mekre dahlau di harei bầu cử. Min rilo  mban hu panuac cagar veik  

Tổng thống Nga Vladimir Putin brei thau, Belarus dak harei dak tani tanat saong meda oh brei gah an ninh di Nga mai pak ini. Panuac di Tổng thống Putin hu ba tabiak dalam tuk bruk srau kadau di Belarus oh ka ladam trun saong gam gam rah tabiak bruk trun jalan ba tal sraw kadau hadei di tuk palaih ruak tổng thống.  Labaih 6.700 urang njauk chap khik saong yaok rituh  urang karei, dalam nan hu takik abih 120 cảnh sát, njuak rambuac. Bruk palih ruak tamat di harei 9/8, Tổng thống Alexander Lukashenko hu pok ngak veik mbang ka 6 ngan saong 80% phiếu pachreih tui.  

Tui yaok pataom, urang ruak pandiak tabiak drak di dunya tagok jang  8 mbang dalam  20 thun tapa, meng 500.000 urang dalam  thun 2004 tagok 4,2 triệu urang dalam thun 2019. Dalam tong abih dom urang ruak,  mboh lac pandiak tabiak drak ngak brei pandiak, tagok boh, hu tuk nyu ngak brei pandik cambaoh dalam rup song talang talaih. Ruak meda ba tal metai, meyah sre darah dalam rup song virus njom tame dalam rup pabhap . Dom urang ilamu hu panuac kakei lac  bruk boh taneh pandiak tagok kayua biến đổi khí hậu meda ba tal dom mbang ruak pandiak tabiak darah, Zika di harei hadei kayua jamaok caih mebaoh rilo dalam labik langik pandiak./.

Urang lang: Ái Nghiêm – Hani Pha – 29/08 12:38:40