Tập đoàn Copenhagen Infrastrusture Partners (CIP-Đan Mạch) hu mbaoh tangin tame ka bruk patagok danak dak điện hangin lingiu tasik La Gàn

Nan lac danak dak điện hangin lingiu tasik Thăng Long Wind, kayua Tập đoàn EE di negar Anh ngak po, daok di lingiu tasik mũi Kê Gà (labik hu hangin khang tal 9,5 m sa giây), công suất abih tih 3,4 GW , phun jien buh tame ngak jaik 12 tỷ USD, hu Thủ tướng Rajaei njauk hatai brei ngak, urak ini Tập đoàn EE daok ngak harak pathau khan bruk meda ngak hu piah pok tagok Rajaei pasang iek, brei ngak. Tỉnh Bình Thuận hu pok panuac tagok Rajaei haong Mintri Công Thương likau samar pabak danak dak ini tame quy hoạch patagok điện lực taneh ia.

Patui di nan di mbang ginum biai pakat glaong năng lượng Việt Nam thun 2020 harei 22/7 meng blaoh, Tập đoàn Copenhagen Infrastrusture Partners (CIP-Đan Mạch) hu mbaoh tangin tame harak kanal hadar haong tỉnh Bình Thuận ka bruk patagok danak dak điện hangin lingiu tasik La Gàn, haong công suất abih tih lac 3,5 GW, phun jien buh tame ngak 10 tỷ USD. Hu thau CIP lac tập đoàn ba akaok nao dahlau dalam gah điện hangin lingiu tasik di châu Á - Thái Bình Dương.

Phun jien FDI buh tame năng lượng tái tạo lac sa kadha brei mboh bruk siam lagaih. Peih tabiak ngak hu siam lagaih 2 danak dak điện hangin lingiu tasik praong akaok meti angaok bhum tasik Bình Thuận meda peih tabiak jalan dui pachreih dom urang negar lingiu karei karei buh jien tame ngak patagok năng lượng hacih di Việt Nam.

Meyah điện ia harei saong điện hangin angaok mbaok haluk daok chreih chrai haong rilo danak dak di dom urang dalam negar buh jien tame ngak, ye điện hangin langiu tasik yaom lac takik gah số lượng, min nyu praong jang biak rilo gah padang ngak. Makna lac kayua điện hangin lingiu tasik khang jang biak rilo min phun jien buh tame ngak jeng biak praong, mbuan gaok khat lahik, bruk padang ngak di lingiu tasik jeng oh mbuan, nan ye oh lac  “mblang me-in” ka rilo menuac, bo tok hu dom uranghu ilamu dalam saong hu rilo jien padai meng meda ngak hu.

   Kinh tế tasik di Bình Thuận abap dahlau rilo meng lac kaya ikan, ngan saong dom bruk taong cap – ngak tabiak – raong pala yau meng kan mai. Tapa abap 21 daok hu ravang me-in tasik - pulao, menyek, pabah lamnge, điện hangin lingiu tasik, haong rilo janih năng lượng bahrau hu ba pandar di anak tal. Dalam tuk dom kaya pandap angaok mbaok haluk dak harei dak takik nao, yam tabiak tasik  daok jeng bruk njauk ngak di anek menuac abap 21, Bình Thuận daok nao tui jalan nan. Tỉnh ủy bahrau hu Jalan ngak ka 216 peih ngak Sarak 55 di Bộ Chính trị ka jalan patagok năng lượng negar. Tui nan, Bình Thuận sangka pambuak bruk haong dom gah piah jhul patagok dom danak dak điện hangin lingiu tasik (labik hu hangin khang saong tani tanat), pambuak haong khik kajap an ninh-quốc phòng saong jalan patagok khang kajap kinh tế tasik Việt Nam.

Bình Thuận hu dom danak dak điện hangin angaok mbaok haluk, angaok pulao, vaktu 5 thun tal meda hu mboh dom tua-bin hangin angaok tasik, ba mai biak rilo năng lượng ka taneh ia saong ba bruk ngak, ba jien tame ka tỉnh. Bình Thuận meda kaya meng tasik, khang meng tasik./.

Lang sap: Mousa Phương – 25/09