Urang amaik ba anek nao klauk jru tiêm chủng 

Urak ini bal raya HCM hu 100 labik klauk jru dịch vụ, 495 labik klauk jru di karja saong 113.000 uranaih dalam umo thun (ndih tapui thun 2018) njauk klauk dom janih vaccine dalam danak dak klauk jru tiêm chủng peih prong pakat negar pacang cakak dom ruak yau: lao, viêm gan B, bạch hầu, ho gà, uốn ván, bại liệt, viêm phổi/viêm màng não mủ kayua Hib, sởi, rubella, viêm não Nhật Bản.

Yau nan min, dom uranaih hu klauk jru vaccine dalam thun 2018 tal abih bilan 11-2019 bahrau hu labaih 87%, dalam tuk nan tui bruk ba tabiak dalam thun njauk mek hu labaih 95%. Anak bruk ruak kik daok mboh srau dhau, meyah bruk klauk jru tiêm chủng oh peih ngak khang, jit ruak mbuan si tamuh tuk halei jeng oh thau. 

Piah pasiam veik saong pamaong tal bruk lac taong abih uraniah daok dalam bal raya HCM thei jeng hu tiêm chủng ginup abih, bác sĩ Nguyễn Hữu Hưng, Phaok akaok Sở Y tế TPHCM ndom lac, njauk pasang iek dom urang klauk jru, patrun patakik bruk var klaak.

Anak meta mboh lac, bruk pasang iek tiêm chủng daok gaok rilo cuang kandah, tavak tave. Tapa duah thau di labaih 750 urang amaik hu anek ndih tapui meng thun 2018 daok di 22 quận huyện dalam bal raya HCM, angan ranaih hu dalam sổ khik iek di balai y tế bahrau hu 46,2%. Uranaih klauk jru pacang caga ruak uốn ván sơ sinh dalam sổ khik iek uranaih bahrau hu 65,3%. Daok bruk duah thau urang amaik, angan amaik hu dalam sổ khik iek urang metian di balai y tế lac 29,1%, angaok hệ thống tiêm chủng lac 28,8%. Klauk jru pacang caga uốn ván thai kỳ di amaik jeng biak biar.

Tapa pasang iek duah thau jeng brei mboh, bruk khik iek urang amaik metian meng sổ saong hệ thống khan brei thau ka bruk klauk jru tiêm chủng biak biar, bahrau khik iek hu 29% dom menuac. Bruk khik iek uranaih meng sổ bahrau khik iek hu jaik 50% dom uranaih di labik nan. Dalam tuk nan, bruk brei thau klauk jru tiêm chủng khik iek hu 96% dom uranaih. Yau nan, bruk trùng khớp harei klauk jru oh ka hu 50%, njauk địa chỉ lac 74%.

Caong trun takik bruk var klaak urang njauk klauk jru tiêm chủng, gah y tế ndom lac brei hu bruk hu mbaok di dom gah karei. Gaok mai, njauk hu jalan ngak khang chế tài dom labik klauk jru tiêm chủng oh ngak njauk tui dom quy định, dalam nan hu gam amaik ame oh ba anek drei nao klauk jru pacang caga ruak. Gam gam haong nan, njauk padang hệ thống thông tin tiêm chủng, pasang iek, duah thau veik angan je, labik piah taom gaok, brei thau bruk klauk jru di uranaih ye bruk pataom mek dữ liệu meng hu mbuan lagaih./.

Urang lang: Jasi-10/1