Ong Tu Thanh Hường ndih tapui tabiak song prong tagok di palei tasik Sơn Hải, Ninh Thuận. Hadei di tuk tok duik, dua duik pasang ong Hường ngak rilo bruk min oh tabiak truh kan kathaot. Meng hatai tyari taring, ong pachreih duik kham merat yam tapa kan kandah song kham merat yam tagok ngak kaya meda.

Thun 2000, meng phun jien patak patom hu, ong Hường salih meng rong pabe, pabo tapa rong hadang takai patih angaok bhum taneh cuah tapen tasik Từ Thiện. Tuk camereip kayua phun jien takik ong raong hadang di angaok taneh prong 1,5 ha mbaok ia min. Meng kham merat bac megru, ba ilamu kỹ thuật tame bruk ngak, abih di nyu nan lac raong tui “công nghệ sinh học” nan ye hadang mek hu năng suất glong. Urak ni, sang ong peih prong taneh raong hadang tagok tal 7 ha. Yaok thun, ong Hường mek hu meng 100 tal 150 tấn hadang, jien mek tame jiak 15 tỷ đồng, kaoh abih phun jien buh tame ngak, sang ong daok laba hu meng 1 tal 2 tỷ đồng.

Piah rong hadang hu yau nan, ong Hường oh lac bac tapa harak tapuk, bo dok kham merat hu mbaok tame dom tal pasram raong pala kaya ikan, bac megru ilamu meng dom jalan rong hadang siam song ngak tui quy trình rong hadang tui jalan ilamu kỹ thuật bahrau, siam ka alam môi trường , dalam nan pandar lagaih pandap mbang, jru, hóa chất, khik caga siam alam môi trường song patrun jit ruak. Meng nan, hadang di sang ong diuk rilo, prong samu gauk, pablei hu yaom. Ong Hường brei thau:

Meng harei hulin salih meng bruk raong athur tapa raong hadang, 15 thun ni mai, thun halei sang lin jeng hu liba song rai duik hu salih bahrau mboh di anak meta. Sang dahlak jeng hu dong ka XH, dong ka urang kan kathaot, urang raong hadang ka sang hulin ye khol hulin duah jalan dong ka urang hu rai duik siam jang.

Oh lac ngak kaya meda ka sang drei, ong Tu Thanh Hường dok halan hatain tacei pato ilamu  ka mik va rong hadang. Urak ni ong jak ba dom urang nong padang kapul rong hadang bhap bini tui jalan an toàn sinh học hu 13 urang. Ong dok hu ba bruk ngak tani tanat ka labaih 20 urang ngak kan kathaot dalam palei, yaok urang yaok bilan duah hu meng 3 tal 5 triệu đồng, song ba bruk ngak tui bilan ka 30 tal 50 urang, dong patruh eik patrun kathaot di palei. Ong Ngô Xuân Tình, phó akaok kapul urang nong xã Phước Dinh, huyện Thuận Nam, Ninh Thuận ndom lac

 “Ông Tu Thanh Hường đóng góp rất nhiều cho địa phương chúng tôi. Đặc biệt ông là người tiêu biểu nhất gia xây dựng quỹ khuyến học khuyến tài của địa phương. Ông Hường là người tiên phong trong việc nuôi tôm sinh học ở địa phương để sau này nhân rộng ra”

Ong Tu Thanh Hường rik dong biak rilo ka puk palei khol hulin. Ong lac sa urang hu angan dalam bruk padang kadung jien pachreih bac pachreih megru di palei. Ong Hường lac urang nao dahlau dalam bruk rong hadang sinh học dalam palei piah harei hadei pambak prong tabiak.

Meng kham merat, tari tareing, thau sahneng thau ngak, rilo thun gam ong Tu Thanh Hường mek hu angan urang nong ngak mbang naih joi pakat tỉnh. Ong bahrau hu lambaok ka urang nong tỉnh Ninh Thuận nao pataom mbaok dalam Nyaom roya pakacah gauk anit ranam taneh ia thun 2015 kayua Trung ương Kapul urang nong Việt Nam peih tabiak./.