x

Dom kadha payua mai hu palih ruah padang ngak, sumu payua tal dom urang daok ngak bruk pacang caga jit

Uan Harei Ragam ragu Việt Nam, page ini 3/9, Kapol urang paneh kadha daoh Việt Nam peih ngak Danak daoh take online ngan saong kadha “Sap daoh kateik Covid”. Harei 3/9/1960 lac harei ngày Bác Hồ chỉ huy dàn nhạc hợp xướng saong bol bhap daoh kadha daoh "Jum pataom" di Mbang bein Bách thảo Hà Nội, salam uan  Nyaom roya Ðảng mbang ka 3. Meng bruk ndung bak makna nan, thun 2014, Thủ tướng Rajaei njauk hatai mek harei 3/9 yaok thun ngak Harei Ragam ragu Việt Nam. Bilan 7, Kapol urang paneh kadha daoh Việt Nam peih bruk jak ba pakacah paneh kadha  pacang caga jit Covid-19. Hu 20 dalam abih tih 400 kadha payua mai hu palih ruah padang ngak, sumu payua tal bhap bini, urang lin saong dom gah dom urang daok ngak bruk pacang caga jit di puac bilan 8.

Ban raya HCM daok pamaong tal bruk pilih ruah saong biyar jien bilan ka dom menuac lac F0 thit ruak piah hu mbaok tame iek glang urang njom COVID-19. Sở Y tế ban raya brei thau tal harei 1/9, ban raya hu 116.337 urang COVID-19 thit ruak saong tabiak truh sang iek ruak, ini lac dom manuac biak kan duah hu kayua lac hadei di tuk taong ruak COVID-19, dom urang ni meda oh njom  SARS-CoV-2.

UB bhap bini tỉnh Bình Thuận birau brei ramik veik harei bac ka anek saih pakat THCS, THPT saong  urang bac di labik giáo dục thường xuyên, thun bac 2021- 2022, tame bac meng harei 20/9/2021. Daok tal bac 9 saong tal 12, anek saih, urang bac brei bac tapa rayo papar binguk meng meng harei 6/9 – 18/9 saong dom jalan bac karei dalam tuk pacang caga jit. Bruk kadun tukvak tame thun bac birau piah bruk pacang caga jit di tỉnh Bình Thuận hu siam abih, daong ka dom amaik ame hu sahanang hatai.

UBND tỉnh Bình Dương jeng njauk hatai haong panuac ba tabiak di Sở Pato magru ka bruk brei kadun harei peih thun bac bahrau tal harei 15/9 saong peih bruk bac online tal puac bilan 10. Daok labik bac mầm non, dom labik pato magru brei ngak asal kadha saong ngak dom video clip, pato tacei amaik ame dom jalan raong pato, iek glang ranaih di sang. Urak ni dalam tỉnh Bình Dương hu 718 sang bac, pasak hu jaik 498.000 anek saih, urang bac. Pak ni hu kuhri kuhria cambaih laih piah khik tani tanat danak dak bac lagaih haong bruk rah tabiak di jit ruak.

mBan tacei jalan pacang caga jit ruak tỉnh Bà Rịa – Vũng Tàu brei thau, piah patrun patakik bruk njom mbak jit ruak, meng mon 12 melam 3/9, ban Vũng Tàu pandar bruk brei hu harak nao jalan hu QR. Jamriak automatic nyu pasang iek saong brei thau ka urang nao tapa. Dom menuac hu brei harak nao jalan lac urang jao pandap, urang halan hatian, urang jakar, công chức, viên chức. Min oh pacap pandar haong menuac oh hu samartphone.

Dom menuac njom saong tame sang iek ruak kayua Covid-19 di Prang daok trun. Min rajaei Prang daok brei dui atah tukvak pasang iek harak thông hành y tế hadei di harei 15/11/2021 kayua jit ruak jeng daok khang di dom labik. Dalam 24 mon tapa, Prang hu 15.900 urang njom COVID-19, trun jaik 20% duk haong 1 adit dahlau di nan. Dom menuac tame sang iek ruak mbang camereip trun mala  11.000 menuac.

Ba Lan ba tabiak bruk samar drah di 2 labik tapen negar haong Belarus hadei di tuk dom menuac meng dom taneh ia yau Iraq, Afganistan pataom gauk di labik tapen negar Belarus piah nduac tame Ba Lan suan hukum. Dahlau di nan, Ba Lan pacang hu 2.500 menuac nduac tapa jalan tapen negar. Dom kapul langiu rajaei hu panuac oh njauk hatai jalan ngak ini di Ba Lan ngan saong bruk ini, saong mboh lac, njauk pabak rilo bruk daong ngak pahla ka dom menuac urang nduac klaak taneh ia nan.

Ia sua  ngak brei takik di nyu 21 urang di New York haong New Jersey (Mỹ) metai hadei di tuk ribuk I-đa nao tapa. Urak ini daok hu rilo jalan jeng daok dauk dalam di 2 bang ini. Rabuk khang I-đa tuh tame gah meraong Louisiana di puac adit blaoh, ba tal ia sua biak trak saong hu ngin biak khang. Rabuk I-đa ngak tayah rilo sang praong, ngak brei labaih 1 triệu menuac di bang ini oh hu điện pandar./.

Urang lang: Thu Thao – Ai Nghiem – 03/09 10:14:51