Tui jalan ba tabiak di Quốc hội dalam sarak ka 88 thun 2019, Ủy ban bangsa hu padang ngak “Danak dak KH  saong CN pabak ka bruk cak rok patagok kinh tế-xã hội bhum bangsa takik saong bhum ceik tukvak 2021-2030”. Tui Ủy ban bangsa, danak dak tukvak bahrau meda pataom tame 6 asal kadha, dalam nan meda pasang iek bruk padang ngak dom ứng dụng đồng bộ dom jalan langyah abih gah piah cak rok patagok KT-XH khang kajap ba tabiak ka abih tih rahra ngan haong yaok bangsa takik; padang dom ứng dụng, ba brei dom ilamu kỹ thuật bahrau saong công nghệ tui dom ilamo meng kan di bhap bini dom bangsa, pahlaong akaok sahneng, ilamo pandar khoa học saong công nghệ di doanh nghiệp, dom kapul kinh tế, rahra saong bhap bini.

Mesup ni (10/8), mintri Y tế brei thau, dalam 12 tuk tapa, dalam negar 5.149 urang njom bahrau Covid-19, dalam nan hu 5 urang tame Viet Nam; 662 urang dalam bhap bini. Dalam dom tỉnh ban hu urang njom, ban raya HCM glong di abih  2.490 urang, patui di nan lac Bình Dương 1.325 urang… Hu 2 tỉnh, ban dalam 14 harei oh hu urang halei njom bahrau lac Quảng Ninh, Bắc Kạn; 12 tỉnh, ban oh hu urang njom patui veik dalam tỉnh. Daok bruk iek ruak, dalam negar hu 75.920 urang ruak Covid-19 hu tong abih ruak.

Piah khik tani tanat bruk taong ruak dom urang njom Covid-19 bahrau daok rah tabiak di tanut glaong, sang iek ruak Hồi sức Covid-19 ban raya HCM daok caga peih tukvak 2 ngan haong 700 papar ndik ka urang ruak piah samar drah taduan, taong ruak ka dom urang ruak trak. Dalam tuk nan, mban pato tacei jalan ka bruk pacang caga jit Covid-19 tỉnh Bình Dương hu ba tame ngak sang iek ruak Dã chiến ka 4 praong 3.000 papar ndik. Di ban Cần Thơ padang veik 2 sang iek ruak dã chiến ka 4 saong ka 5. Tal tukvak ni, Cần Thơ hu 13 sang iek ruak taduan saong taong ruak ka urang ruak Covid-19, dalam nan hu 9 sang iek ruak dã chiến praong labaih 2.400 papar ndik.

  Piah dong klah rabha song bhap bini gaok kan kandah kayua jit Covid-19, dom urang jakar, urang lin Công an tỉnh Sóc Trăng hu nao rivang song brei pandap ka dom boh sang hu rai duik kan kandah lac mik va bangsa Khmer song urang ngak gaok kan kandah kayua jit Covid-19 di ban Sóc Trăng, huyện Long Phú, huyện Mỹ Xuyên, huyện Thạnh Trị song ban sit Vĩnh Châu. Hu abih tih 1.500 pok pandap, kuhria tui yaom jien labaih 400 triệu đồng. Yaok pok pandap hu: brah, mì gói, lạp xưởng, gia vị song dom janih karei karei, dong ka bhap bini patrun kan kandah dalam tuk paatah di gauk kayua jit Covid-19.

Công an ban Thuận An, tỉnh Bình Dương bahrau brei langyah tui hukum bị can saong cap khik Lê Hoài Nam (umo 29 thun, daok di phường Bình Chuẩn) piah pasang iek duas taong paoh urang karei. Dahlau di nan, di angaok mạng xã hội mboh video atah labaih 4 minit, quay veik bruk Nam taong paoh  sa ranaih likai umo 5 thun, dalam tuk ranaih nan oh hu cuk khan aw. Ngak bruk haong jabat công an, Nam taduan bruk taong paoh ranaih likai, lac anek di Nguyễn Huyền Tr. (umo 29 thun, daok di Đồng Nai). Labaih 1 thun ni mai, 2 urang ni daok haong gauk yau ndiuk pasang.

Mintri Quốc phòng Mỹ ieu tong abih urang lin klauk vaccine pacang  Covid-19 dahlau di harei 15/9. Bruk klauk jru pacang  Covid-19 ka dom lin Mỹ taduan hu bruk pachreih tui di Tổng thống Joe Biden tuk ong sinya bruk khik ka bol bala Mỹ hu khang kajap piah peih bruk di drei tui jalan siam di abih. Tui Tổng thống Joe Biden, bruk hu klauk jru vaccine pacang Covid-19 dong ka bol bala  Mỹ mbuan nao ngak bruk di grauk labik di dunya.

Rajaei Afghanistan brei pabak phao dao, ka dom kapul dân quân piah pacang caga haong dom mbang taong tame di kol Taliban. Meng melam  adit, dom mbang mesuh praong di dom gah an ninh rajaei Afghanistan saong kol Taliban jeng daok rahtabiak. Gah rajaei hu bruk daong di dân quân dalam palei mek hu veik quyền pasang iek 2 quận Farkhar saong Worsaj di tỉnh Ta-kha. Taliban pasang iek abih dom quận di tỉnh Helmand dalam tuk daok mesuk haong bol bala rajaei di ban Lashkargah, pasak di tỉnh ni.

Meng harei 7/8 mai ini, hajan khang daok tuh trun rilo labik di Trung Quốc, abih di nyu nan lac gah Tây Nam song ban ine Bắc Kinh. Dom mbang hajan khang dok tuh trun dom tỉnh, ban yau: Tứ Xuyên, Trùng Khánh, Quý Châu... Bruk njauk caik hatai lac hajan dalam harei di dom tỉnh ban dang di tanut glong abih dalam dakrai sajarah. Di Tứ Xuyên, labaih 120.000 urang di 6 ban  njauk kan kandah kayua hajan khang, khat lihik kinh tế tagok tal 38 triệu USD. Hajan prong gam tui hangin khang song hajan patau ngak ka Bắc Kinh brei klaak jiak 1400 mbang par./.

Urang lang: H.Pha & Thu Thao -10/08/2021