Rilo urang lin halan hatain hu mbaok tame pacang caga jit ruak 

Melam bloh, di jabat Rajaei, Thủ tướng Phạm Minh Chính dang tabiak peih danak dak “Riyak saong komputer ka adei” online tal 63 tỉnh, ban. Danak dak pamaong tal bruk taong abih sang bac, gru pato, anek saih, sinh viên hu pabak ginup hạ tầng, nền tảng, komputer saong dom pandap duh ka bruk pato saong bac online, tapa nan jhul patagok xa hoi số. Mentri Thông tin saong Truyền thông brei thau, anak tal meda pabak riyak tal taong abih 1.910 labik oh ka pambuak Internet di động di negar; oh mek jien  pandar dom jalan pato, bac online hu brei thau…Hadei di tuk peih ngak Danak dak, dom D.N, mentri, gah, bhum palei saong dom kapol nyaom hu daong labaih 1 trieu komputer, yaom labaih 2.500 tỷ đồng.

UB bhap bini ban raya HCM brei thau,meng harei  15/9 tal puac bilan 9, ban raya  jeng dok peih bruk paatah di gauk tui sarak  16 song 16 pagam ; lingiu di dom quận huyện hu bruk jit ruak tani tanat jang, lac Cần Giờ, Củ Chi, Quận 7. Ban raya .HCM dok roh duah bruk pandar "thẻ xanh", "thẻ vàng" atau jalan ngak dreih yau nan piah pacadu bruk paatah di gauk ka dom menuac urang. Min, bruk klauk jru di rahra angaok dom nền tảng công nghệ jeng oh ka hu ba tame ginup song samu gauk.

4 labik di Ban Thuận An, tỉnh Bình Dương hu jeng labik siiam yau dahlau di tuk ruak, lac  An Sơn, Bình Nhâm, Hưng Định, Vĩnh Phú. Bhap bini hu klauk takik abih 1 mbang jru vaccine hadei di 14 harei hu brei nao mai dalam xã, phường labik daok di bhap bini. Dom baoh sang pablei salih, cửa hàng pablei pandap mbang, kaya pandar yaok harei, dich vụ mbang huak hu pablei ba nao sang. Ban Thuận An nan lac labik  hu rilo urang njom Covid-19 abih di tỉnh Bình Dương saong daok peih ngak Sarak 16. Jaik di ini, urang njom Covid-19 tapa dut iek mboh trun khang, ban daok kham merat ba siam gilac veik yau dahlau tuk jit ruak di harei 15/9.

Ub bhap bini tỉnh Bà Rịa – Vũng Tàu brei thau lac meda brei adat  ka  4 huyện “bhum hajao” hu peih ngak veik dom bruk . Tui nan, meng harei  15/9 tal harei  30/10, dom urang ngak di dom labik ngak pandap di dom huyện “bhum hajao” lac Châu Đức, Xuyên Mộc, Đất Đỏ song Côn Đảo, dok diukrai dalam tỉnh  hu pandar radaih di drei nao meng labik dok tal labik ngak bruk  ; Daok bruk pablei salih, dịch vụ, du lịch hu adat brei pablei salih veik ngan song siêu thị, pasak pablei salih, dom labik pablei rai  brei peih bruk taong yaom salamat dalam  pacang caga jit tui bruk batabiak; Drak pasa meng kan hu peih pablei veik min tok pablei pandap mbang menyum saong pandap pandar yaok harei tuk pabak hu bruk pacang caga jit. Po pandar urang ngak brei ngak catang bruk pacang caga jit, dut iek COVID-19 yaok  5 harei sa mbang saong  tut angan sinya  jalan  nao mai di yaok urang ngak  . 

Pasak Pasang iek ruak kik tỉnh Bình Thuận birau taduan 49.800 mbang jru vaccine AstraZeneca. Dua labik pandiak di jit ruak COVID-19 dalam tỉnh nan lac ban sit xã La Gi saong Ban Phan Thiết hu parabha brei abih tih 33 ribau mbang jru. Iek tui bruk jit ruak, dom palei peih bruk klauk vaccine , ralo meng lac urang klauk bang 1 tui Sarak 21 di Rajaei saong Sarak 3355 di Mentri Y te. Ta-eng Phan Thiết saong La Gi, vaccine hu klauk peih praong  ka bhap bini di bhum bhong, labik njauk pacang veik.

Dalam tuk rilo taneh ia daok gaok kan kandah oh ka duah hu  vaccine piah klauk mbang 1 ka rahra ye Israel brei thau lac taneh ia ini daok caga klauk pacang COVID-19 mbang ka 4. Urak ini taneh ia ini hu klauk mbang ka 3 brei ka labaih 2 triệu 800 rabau rahra, rilo meng lac vaccine Pfizer. Hu dom chuyên gia ndom lac Israel hu jak jeng dalam bruk ba tabiak jalan pacang veik virus SARS-CoV-2, kayua menuac ruak trak saong metai daok di tanut biar.

Bruk jit ruak COVID-19 di Prang daok siam tagok. Jaik 70% menuac sia Prang hu klauk ginup 2 mbang, dalam tuk labaih meteh mboh lac hu prein pacang virus SARS-CoV-2. Prang daopk kuhria klaak bruk pasang iek harak nao jalan di dom labik hu menuac njaom trun rilo piah daong gah kinh tế. Tui kuhria, meng harei 15/9, Prang daok pacap taong abih menuac ngak gah iek glang pren yava brei klauk vaccine caga COVID-19 meng hu brei adat ngak bruk.

Harei ini (13/9), Liên Hợp Quốc peih nyaom biai di Geneva piah kham merat rik pataom labaih 600 triệu USD. Dalam nan sa binah piah daong ka urang Afghanistan, pacang cakak bruk eik lipa di taneh ia ini hadei di tuk Taliban meblah mek karja. Tui Liên hợp quốc, jaik meteh menuac sia, samu 18 triệu menuac Afghanistan diukrai pagam pambak tame jien daong. Tui kuhria, tal bilan 10, pandap mbang daong ka urang Afghanistan meda abih mbhong./.

Urang lang: Hanipha- Ái Nghiêm -13/9