Dom labik pablei salih pandap mbang nyum, pasak padhih thethao di Ban raya HCM brei padeih ngak

UBND ban Hà Nội hu tacei pato UBND huyện, Công an huyện Thanh Trì pasang iek duah thau tong abih dom labik sang iek ruak K dalam huyện, padang rilo bilai piah khik kajap bruk pacang caga jit Covid-19. Meng 5tuk meteh harei 7/5, 3 labik sang iek ruak K peih bruk pacang cakak tạm thời. Tui urang pal akaok ban Hà Nội, sruh jit ruak di sang iek ruak K dok kan kandah jang  sruh jit ruak di  sang iek ruak  nhiệt đới Trung ương. Tui yaok pataom camereip brei mboh lac hu labaih  5.000 urang pagam tal, dalam nan hu y bác sĩ, urang ruak song gauk gar di urang ruak. 

Dom pasak nhà hàng ngak pandap payah tuai mai mbang lakhah, labik pablei salih pandap mbang nyum, pasak padhih thethao di Ban raya HCM brei padeih ngak meng mong 6 melam 7/5, tui tacei pato di UB bhap bini Ban raya piah pacang caga jit ruak Covid-19, gam tui nan lac dom bruk pataom labiah 30 urang di labik công cộng. Ngan saong dom gah hu brei ngak bruk njauk ngak tui ginup dom jalan pacang caga jit; khik brei pa-atah di gauk takik abih meng urang ini tal urang diah lac 1 met saong urang hu mbaok oh tapa 50% labik peih ngak.

Harei 7/5, UBND tỉnh Bình Phước brei thau dok pasang iek duah thau dom urang taom gaok Yam ndoc Sở Xây dựng tỉnh Bình Phước, lac urang dok dalam khách sạn hong sa urang ruak Covid-19 dalam tuk padeih lễ 30/4, 1/5  di Lào Cai. Tui nan, rilo urang pal akaok UBND tỉnh Bình Phước song sở, ngành hu mong lac F2. UBND tỉnh hu panuac ieu dom urang F2 njauk  ngak catang tui bruk pacang caga jit Covid-19, samar pambuak bruk song jabat y tế piah hu dong ba.

Jabat Cảnh sát pasang iek Công an tỉnh Bình Thuận hu tabiak harak chap mek, pasang iek labik daok saong labik ngak bruk di Cao Đức Trung, Yam ndoc Công ty TNHH Tư vấn xây dựng saong Pablei salih taneh riya  Trung Land di ban Phan Thiết piah pasang iek bruk “Pachot pagat meblah drap ar”. Tui jabat pasang iek, thun 2019, Cao Đức Trung caik jien takai blei taneh pala phun lavik thun praong 11.121m² di huyện Hàm Thuận Nam ngan saong yaom jien jaik 1,7 tỷ đồng. Oh ginup jien piah blei taneh, min Trung mek angan Công ty Trung Land mbaoh tangin rilo harak pambuak bruk pablei veik taneh ka  rilo urang, meblah jien jaik 2,5 tỷ đồng.

Kayua trun meneing caong khin, ong Đặng Lê Nguyên Vũ hu pabha 4.687 tỷ đồng dalam bruk luai gauk hong muk Lê Hoàng Diệp Thảo. Bruk ni hu batabiak dalam bản án puac abih bahrau hu TAND Tối cao batabiak. Ni lac panuac ndom puac di abih tamat bruk luai gauk "ribau tỷ" di ong Vũ (Chủ tịch gam lac Tong Yam ndok Tập đoàn Trung Nguyên) song muk Lê Hoàng Diệp Thảo dui atah 6 thun. Gah sang danaok, muk Thảo hu jao 7 boh sang, yaom jiak  376 tỷ đồng; ong Vũ taduan 6 boh sang yaom 350 tỷ đồng.

Tui Reuters, Campuchia brei pacadu bruk pacang cakak hadei di 3 adit ngak catang  piah pacang caga jit Covi-19. Meng melam 5/5, dom labik takik njom ruak, bhap bini hu tabiak jalan min njauk ngak tui hukum giới nghiêm meng mong 8 melam tal mon 3 page harei hadei. Daok dom labik mboh lac mbuan njom ruak glaong, njauk brei pacang cakak tal harei 12/5. Di Phnom Penh, dom sang mac tok brei ralo abih lac  50% urang ngak mai ngak bruk saong brei ka dom urang hu klauk jru caga ruak Covid-19 dahlau.

Urang jakar bang Kaduna, Nigeria brei thau: 29 anek saih puac abih dalam 39 adei njauk bắt cóc di kreh adit bilan 3 meng bloh hu bayar tự do. Ni lac sa dalam rilo mbang cap mek menuac di kapul nyaom kanyah jhak, piah ndok jien laoh. Meng bilan 12 thun bloh, tui kuhria hu labaih 730 uranaih song likei kamei dam njauk bắt cóc di  Nigeria. Tui UNICEF, dom mbang chap nan ngak klaih klaoh bruk bac daa  di labaih 5 triệu uranaih.

Công ty tên lửa Blue Origin di tỷ phú Jeff Bezos halan hatain peih pablei harak vé du lịch vũ trụ di  quỹ đạo beir, dalam vaktu dom công ty Mỹ dok kham merat pamong tal sa kỷ nguyên bahrau di bruk du hành vũ trụ pablei salih tư nhân. Tui kuhria tuai hu main du lịch langui  không gian meng kapan  vũ trụ New Shepard. Hu thau, công ty ni tui kuhrai peih pablei harak vé du lịch vũ trụ  yaom  200.000 - 300.000USD./.

Urang lang: Ái Nghiêm – Hani Pha – 08/05 06:32:42